Лука Модрич ашықәс азы иреиӷьу ашьапылампыласыҩ ҳәа далкаауп

© AFP 2023 / ANNE-CHRISTINE POUJOULATЛука Модрич
Лука Модрич  - Sputnik Аҧсны
Анапаҵаҩра
Аҵыхәтәантәи 11 шықәса рыҩныҵҟа ари атитул рмоуит аргентинатәи афорвард Лионел Мессии португалиатәи ажәылаҩ Криштиану Роналдуи. 2008 шықәса раахыс дара хәынтә-хәынтә "Иреиӷьу ашьапылампыласыҩ" ҳәа ахьӡ иаԥсахахьан.

АҞӘА, ԥхынҷкәын 4 — Sputnik. Мадридтәи "Реал" ахьчаҩбжа, Хорватиа еизго акоманда алахәыла Лука Модрич франциатәи ажурнал France Football аԥхьахә "Ахьтәы мпыл" иоуит ҳәа аанацҳауеит Р-Спорт.

Аԥхьахәнашьара ацеремониа мҩаԥысуан Париж. Модрич 2018 шықәса рзы "Реал" далахәыланы ачемпионцәа Рлига аиааиҩ ҳәа далкаан, Хорватиатәи еизго акоманда далахәны Адунеи ачемпионат аҿы афинал аҟынӡа днаӡеит, атурнир аҿы иреиӷьу ашьапылампыласыҩ ҳәа ахьӡгьы ихҵахеит.

"Ахьтәы мпыл" аиуразы рыхьӡ ҳәан: Лука Модрич, ("Реал"); Криштиану Роналду ("Реал"/"Ювентус"); Антуан Гризманн ("Атлетико"); Килиан Мбаппе ("Пари Сен-Жермен"); Лионель Месси ("Барселона"); Мохамед Салах ("Ливерпуль"); Рафаель Варан ("Реал"); Еден Азар ("Челси"); Кевин де Бреине ("Манчестер Сити"); Харри Кеин ("Тоттенхэм").

Лука Модрич — Мадридтәи "Реал" ахьчаҩбжа, Хорватиа еизго акоманда алахәыла загребтәи "Динамо" аҿы ихәмарратә кариера хациркит. 2008 шықәса рзы "Тоттенхэм Хотспур" ахь диасит. 2006 шықәса раахыс еизго амилаҭтә командаз дыхәмаруеит. 119 хәмарра рҟны 14 мпыл ҭеиршәхьеит.

"Ахьтәы мпыл" шьаҭанаркти France Football 1956 шықәса рзы.

Ажәабжьқәа зегьы
0