архивтә фото

Путини Мадурои ҭелла еицәажәеит

48
(ирҿыцуп 11:32 25.01.2019)
Урыстәыла ахада Владимир Путин Венесуела ахада Николас Мадуро ҭелла даниацәажәоз иазгәеиҭеит Венесуела азиншьаҭа змоу аиҳабыра адгылара шииҭо атәы.

АҞӘА, ажьырныҳәа 25– Sputnik. Урыстәыла ахада Владимир Путин Венесуела ахада Николас Мадуро ҭелла даниацәажәоз иҳәеит атәыла анҭыҵынтәи аҩныҵҟа политикатә ҭагылазаашьа аиларҩынтраан, Урыстәыла хымԥада Венесуела азиншьаҭа змоу аиҳабыра адгылара шырнаҭо атәы. Абри атәы аанацҳауеит РИА Новости.

Владимир Путин Николас Мадуро даниҿцәажәоз иҳәеит атәылаҿ аҭагылазаашьа ахалагалара жәларбжьаратәи азинқәа рнормақәа ирҿагылоит ҳәа.

Иара убасгьы Урыстәыла ахада иҳәеит венесуелатәи ауаажәларратә еилазаара рыҩныҵҟа аҭыԥ змоу аилибамкаарақәа аҭынч еиҿцәажәарала аҭышәныртәалара амҩақәа рзыԥшаатәуп ҳәа.

Мадуро иакәзаргьы иахьазы иҟоу аҭагылазаашьа ахәшьара аиҭеит, ҭабуп ҳәа ахиҳәааит Москва имҩаԥнаго аполитика, иҳәеит ԥхьаҟагьы дшақәгәыӷуа урыстәыла-венесуелатәи аизыҟазаашьақәа рыҿиара.

Венесуела аоппозициатә парламент аиҳабы Хуан Гуаидо атәыла ахада инапынҵақәа назыгӡо ҳәа ихы рылеиҳәеит ажьырныҳәа 23 рзы.

Вашингтон Венесуела аоппозициатә парламент аиҳабы Хуан Гуаидо атәыла аамҭалатәи ахада ҳәа дазханаҵеит, аҳәамҭагь ҟанаҵеит Венесуела адемократиа аиҭашьақәыргыларазы иалшо зегь шыҟанаҵо.

Ажьырныҳәа 23 рзы Венесуела Иреиҳаӡоу аӡбарҭа Амилаҭтә ассамблеиа аӡбарақәа азакәан шьаҭа рымам ҳәа шьақәнаргылеит.

Ҳагба Венесуела имҩаԥысуа аполитикатә кризис иазкны: ирласны иуӡбо ҭагылазаашьам

 

48
Атемақәа:
Венесуела имҩаԥысуа аиҿагыларақәа (31)

Краснодартәи атәылаҿацә аҿы 92-ҩык COVID-19 рыдбалоуп

1
(ирҿыцуп 16:52 18.09.2020)
Иахьатәи аамҭазы Урыстәыла иахьаҵанакуа 1 091 186 акоронавирус хҭыс шьақәырӷәӷәоуп 85 регион рҿы. Аҵыхәтәантәи уахыки-ҽнаки рыла 5905-ҩык ирыдбалан акоронавирус.

АҞӘА, цәыббра 18 – Sputnik. Краснодартәи атәылаҿацә аҿы иаҳхысыз уахыки-ҽнаки рыла 92-ҩык акоронавирус рыдырбалеит ҳәа аанацҳауеит Краснодартәи атәылаҿацә ахадара.

"Краснодар 35-ҩык COVID-19 рыдбалан, Гориачи Клиуч – 7,  Шәача – 12, Крыловски араион – 6,  Новороссиск – 5, Абинск – 3,  Белоглинск – 3, Апшеронск, Крымск, Красноармеиск, Белореченск, Каневск араионқәа рҿы ҩыџьа-ҩыџьа,  Анапа, Кушьчевск,  Выселковск, Славианск, Калининском, Приморско-Ахтарск, Гулькевичск, Усть-Лабинск араионқәа рҿи Армавири – аӡәаӡәа чмазцәахеит ",  - ҳәа аҳәоит адырраҭараҿы.

Цәыббра 18 азтәи адыррақәа рыла амедицинннатә усҳәарҭақәа рахь идҵаалахьеит COVID-19 агәаҭаразы 43062-ҩык. Аполиклиникақәа рҿи аҩни хылаԥшра рымоуп 4672-ҩык, 966-ҩык хәыҷқәоуп.

Алабораториақәа 965 909 ҭҵаара мҩаԥыргахьеит. Зынӡа 12 843 коронавирус хҭыс азгәаҭоуп.

Акоронавирус иазку ажәабжьқәа шәрыԥхьар ҟалоит абра>>

1
Атемақәа:
Ачымазара ҿкы – акоронавирус Аԥсни адунеи аҿи: иалкаау

Ҟәбан 93 коронавирустә хҭыс ҿыц аарԥшуп

7
(ирҿыцуп 11:52 17.09.2020)
Уахыки-ҽнаки рыла Урыстәыла иазгәаҭоу COVID-19 ахҭысқәа даҽа 5762 ацлеит. Зынӡа апандемиа иалагӡаны атәылаҿы иаарԥшуп 1 085 281 ачымазара ахҭысқәа.

АҞӘА, цәыббра 17 – Sputnik. Краснодартәи атәылаҿацә аҟны иаҳхысыз уахыки-ҽнаки рыла COVID-19 ахҭыс ҿыцқәа 93 шьақәыргылоуп ҳәа аанацҳауеит атәылаҿацә ахадара.

Акоронавирус аарԥшын Ҟәбан амуниципалтә еиҿкаарақәа 18 рҿы.

"Краснодар ақалақь аҿы ачымаза рцәа ишалоу шьақәырӷәӷәахеит 41-ҩык. Гориачи Клиучи Крыловтәи араиони рҟны хәҩык-хәҩык ачымазцәа аарԥшуп. Кушьиовтәи, Кавказтәи, Апшеронтәи, Славиантәи, Каневтәи араионқәеи Новороссииск ақалақьи рҟны ԥшьҩык-ԥшьҩык. Павловтәи, Северсктәи, Калининтәи араионқәа рҟны акоронавирустә хҭысқәа хԥа-хԥа азгәаҭоуп. Анапа, Крымтәи, Белоречентәи араионқәа рҟны ҩба-ҩба. Выселковтәи,  Бриуховецктәи, Тҟәаԥстәи араионқәа рҟны аӡәаӡәа пациент ыҟоуп", - ҳәа азгәаҭоуп аацҳамҭаҿы

Апандемиа ҟалеижьҭеи Ҟәбан зынӡа иаарԥшуп 12 751 коронавирустә хҭысқәа, урҭ рахьтә 862 – ахәыҷқәа рҟны. 10 069-ҩык апациентцәа ргәы бзиахахьеит, аҵыхәтәантәи уахыки-ҽнаки рыла 52-ҩык рыҩныҟақәа иоурышьҭит. Рыԥсҭазаара иалҵит 231, иахьазы 37-ҩык рҭагылазаашьа хьанҭаны иҟоуп.

Акоронавирус иазку аҵыхәтәантәи ажәабжьқәа зегьы шәрыԥхьар ҟалоит абра>>

 

7
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аигумен Киут: аԥсадгьыл азы иҭахаз рыхьӡала абаҳча ду Гәыма иҟалар сҭахуп

0
(ирҿыцуп 15:53 20.09.2020)
Аҟәа араион Гәыма (Каман) ақыҭа иҟоу аԥшьа Иоанн Ахьҿы ихьӡ зху ауахәама иахагылоу аигумен Игнати (Киут) арадио Sputnik аефир аҿы арубрика "Раионк аԥсҭазаараҟынтә" аҟны еиҭеиҳәеит амҩа аиҭашьақәыргылара анаҩс шаҟа аамҭа рыла аныҳәарҭаҟынӡа инеиуа, гәазыҳәарас имоу атәы.
Раионк аԥсҭазаараҟынтә: Киут Гәыма амилаҭтә баҳча аҟаҵаразы игәазыҳәара атәы

"Даара иманшәалахеит, аха, ишыжәдыруа еиԥш, уи зныкала иҟалаз усым. Акыр шықәса ҳашьҭан, ҳазҿлымҳан амҩа акаҭран ақәҵара Аҟәантәи ҳазҵаныҳәо амонастыр аҟынӡа… Атуристцәа рзы акыр иманшәалахеит, аха убасгьы ҳара ҳтәылауаа бзиа ирбоит Каманҟа аара. Сара игәасҭеит, иаҳа лассы-ласс иаауа иалагеит. Ара уԥсы ахьушьаша аҭыԥқәа ыҟоуп. Ахәыҷқәа ааргоит, аҳауа цқьа рфоит, ауахәамаҟны анцәа иҳәоит. Абри традициа бзианы иҟалеит, сеигәырӷьоит Каман бзиа иахьырбо Аԥсны иқәынхо. Рыхгьы бзианы имҩаԥыргоит, зны-зынла агәамсам аанрыжьлоит, аха уажәы иаҳа идрыцқьо иалагеит, апакетқәа ирҭаҵаны Аҟәаҟа машьынала иргоит агәамҭаԥсарҭақәа рахь. Акультуратә хымҩаԥгашьа аганахьала иаҳа еиӷьхо иалагеит", - ҳәа азгәеиҭеит Киут.

Иара иазгәеиҭеит ақыҭаҟны аԥсадгьыл ахьчаҩцәа ршьа ахьықәыршоу аҭыԥқәа шырацәоу, игәазыҳәараны ишимоу урҭ рыхьӡала абаҳча аҟаҵара.

"Сара убас исҭахуп, Каман ацҳа аду инаркны ахәыҷы аҟынӡа абаҳча ҟарҵарц. Аԥсуаа иқәынхо зегьы еизаны, досу рыцԥхьаӡа ашәырҵлақәа еиҭарҳарц, абри милаҭтә паркны иҟаларц сҭахуп. Ауаа зегьы арахь ргәы ацԥыҳәаны иаауа, абри доуҳа ҭыԥны, аибашьраҟны иҭахаз ирызку абаҳча ду ҟасҵарц сгәы иҭан, сақәгәыӷуеит иҟалап ҳәа", - иҳәеит Киут.

Иара убасгьы дазааҭгылеит Гәыма иҟоу ауахәама иахьатәи аҭагылазаашьа, аусушьа атәы.

Шәазыӡырҩы аудио.

Иара убас шәаԥхьар ҟалоит:

0