Ленинград аблокада

Ленинград аблокада иазку иуникалтәу документқәа рымаӡара рхырхит

58
(ирҿыцуп 17:44 25.01.2019)
Урыстәыла Атәылахьчара аминистрра апроект азырхоуп Аџьынџьтәылатә еибашьра Дуӡӡа аантәи Ленинград аблокада.

АҞӘА, ажьырныҳәа 25 – Sputnik. Ленинград ақалақь аблокада ахыхра 75-шықәса ахыҵра аламҭалаз Урыстәыла Атәылахьчара аминистрра асаит аҿы аусура иаладыргеит амультимедиатә проект "Ладожская артерия: превозмогая блокаду".

Апроект рымаӡара рыхнахит аибашьраан амацәаз иҭакыз Ленинград аԥсҭазаара атәы зҳәоз адокументқәа.

"28 мза амацәаз иҭакыз Ленинград ԥсеиқәырхаганы, ԥсымышьҭыганы иазыҟан "Дорога жизни" ҳәа захьӡыз атранспорттә артериа" ҳәа азгәарҭоит аусбарҭаҿы.

Ладогатәи аӡиа аҵааршәыра амҩала ауаа ирызнаргон афатә-ажәтә, абылтәы. Иара убас аӡиа аҵалагьы ауаа ироуан абарҭ зегьы, 35 километра иаҵыргаз атрубақәа ирҭыганы.

1943 шықәса инаркны аӡиа акваториаҿ иҷаԥшьон аӡаҵаҟатәи аӷбақәа ҩба.

Цәаҳәазаҵәыкны иҟаз "Дорога жизни" Ленинград азы астратегиатә ҟазшьа аман.

1941 шықәса цәыббрамза инаркны 1943 шықәса хәажәкырамзанӡа анацистцәа зхыкәшаны итәаз Ленингради Асовет Еидгыла егьырҭ атәылақәеи араионқәеи еиманадон.

58

Москвеи Санкт-Петербурги рҵараиурҭақәа адистанциатә ҵарахь ииаргеит

2
(ирҿыцуп 16:32 30.11.2020)
Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

АҞӘА, абҵара 30 — Sputnik. Акоронавирустә инфекциа алаҵәара инадҳәаланы Москвеи Санкт-Петербурги рҵараиурҭақәа адистанциатә ҵарахь ииаргеит ҳәа Telegram-канал аҿы адырра ҟанаҵоит Урыстәыла аҵара аминистрра. Абри атәы аанацҳауеит РИА Новости.

Адырраҭараҿы иарбоуп регионалтә ҵараиурҭақәакгьы адистанциатә ҵарахь ишиагоу.

Аминистрраҟны аус адырулеит аҵаратә процесс хра аманы аиҿкааразы абжьгарақәа.

Уаанӡа, Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

Арегионалтә ҵараиурҭақәагьы ирабжьган адистанциатә ҵарахь ииасразы.

Урыстәыла COVID-19 рыхьхьеит 2 295 65-ҩык. Рыԥсҭазаара иалҵит 39 895-ҩык, ргәы бзиахеит — 1 778 704-ҩык.

2

Ахәыҷы машәырны хнызқь шықәса зхыҵуаз иуникалу артефакт иԥшааит

3
(ирҿыцуп 15:28 30.11.2020)
Арԥшӡага ԥшь-ҿыгҳарак амоуп, дара зегь хаз-хазы ахьтәы еимхәыццырақәа рыла ишьақәгылоуп, ашәҭ асахьа амоуп.

АҞӘА, абҵара 30 — Sputnik. Жә-шықәса зхыҵуа Биниамин Милт Иерусалим, Храмоваиа гора ҳәа иахьашьҭоу аҭыԥ аҿы ахьтәы еимхәыцыра ибеит. Аимхәыццыра ақәра х-нызқьшықәса рҟынӡа ыҟоуп ҳәа аанацҳауеит РИА Новости, Temple Mount Sifting Project асаит адыррақәа шьаҭас иҟаҵаны.

Арԥшӡага ԥшь-ҿыгҳарак амоуп, дара зегь хаз-хазы ахьтәы еимхәыццырақәа рыла ишьақәгылоуп, ашәҭ асахьа амоуп. Убри аан дара рҭагылазаашьа бзианы иҟоуп. Аԥшаах здырбаз археолог аԥхьаҵәҟьа ҳаамҭазтәи рыԥшӡагаз џьишьеит.

Нас еилкаахеит аимхәыццырақәа Актәи абааш аамҭа (Соломон ибааш, ҳера ҟалаанӡа 950 - 586 шш. — аред.) иатәуп ҳәа.

Аҵарауаа ирҳәеит асеиԥш иҟоу амаҭәарқәа шамахамзар ишуԥыхьамшәо.

3

Бигәаа еиҭеиҳәеит сынтәа Гал араион аҟны ацитрус шәырқәа рҽаҩра зеиԥшроу

0
(ирҿыцуп 17:09 30.11.2020)
Гал араион ақыҭанхамҩа аҟәша аиҳабы Беслан Бигәаа арадио Sputnik арубрика "Раионк аԥсҭазаараҟынтә" аҿы еиҭеиҳәеит ацитрустә шәырқәа рҽаҩра ахаҭабзиара зеиԥшроу атәы сынтәа.
Раионк аԥсҭазаараҟынтә: Бигәаа Гал араион аҟны ацитрус шәырқәа рҽаҩра атәы

"Абыржәы хымш-ԥшьымш раԥхьа ауп амандарина аҽаҩра аингалара ианалага, иҟалап ҩышәҟа тонна ҿырххьазар. Сынтәа аҽаҩра хар амам араион аҟны, ҵыԥх аасҭа еиӷьуп. Ауаа изхәышәтәыз рмандарина цқьоуп, иҩежьуп. Нхыҵ-Кавказынтә машьынала иаалоит, амандарина змоу ирацәажәаны иргоит. Иҟоуп анхацәа рҟны рхаҭа иҿыхны ианыргогьы. Қьырала игоу асовнхарақәагьы ирымоуп дара раахәаҩцәа. Ишыздыруа ала амандарина ҿызхуа хԥа-ԥшьба мааҭ рзыршәоит кьылак азы", - иҳәеит Бигәаа.

Иара иажәақәа рыла, араион аҟны сынтәа аҭагылазаашьа ҵыԥх аасҭа еиӷьуп амармалташьтә пты аганахьала. Араион аҟны 350 кьыла инарзынаԥшуа апты еизганы ирбылхьеит. Ақыҭанхамҩа аминистрра анхацәа кьылак еизырго апты азы 1000 мааҭ рзыршәоит.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

0