Венесуелатәи аоппозиционер Хуан Гуаидо

Гуаидо аҳәамҭа ҟаиҵеит Венесуела амчра аԥсахра Урыстәылазы ифеидоуп ҳәа

45
(ирҿыцуп 12:03 01.02.2019)
Гуаидо иара убасгьы иҳәеит Москва анырразы аҽазышәарақәа шымҩаԥиго.

АҞӘА, ажьырныҳәа 1 - Sputnik. Венесуелатәи аоппозиционер Хуан Гуаидо,аамҭалатәи атәыла ахада ҳәа зхы рылазҳәаз, аҳәамҭа ҟаиҵеит Венесуела амчра аԥсахра Урыстәылази Китаи ази ифеидоуп ҳәа. Абри атәы аанацҳауеит РИА Новости Гуаидо амаҵзура Reuters иеиҭаз аинтервиу ааго.

"Урыстәылеи Китаии атәылаҿ аҭынчра аҭышәынтәалара рзыфеидахароуп, дара роуп хәаахәҭратә партниор дуқәаны иҟоу", - иҳәеит иара.

Атәыла ахада Николас Мадуро "Венесуела аинтересқәеи аҳәаанырцәтәи аинвистициақәеи ихьчом" ҳәа азгәеиҭеит Гуаидо.

Апарламент аиҳабы иара убасгьы иҳәеит аоппозициа аиааира агар уаанӡатәи аҳәынҭқарра ахыдҵақәа ишрыҵагыло азы.

Ажьырныҳәа 23 рзы Венесуела массала ауаа Николас Мадуро иҿагыланы ақәгылара иалагеит. Атәыла апарламент ахада Хуан Гуаидо иара убри аҽны атәыла ахадас иҟоу сара соуп ҳәа рылеиҳәеит. ЕАА аҽа тәылақәаки иара атәыла ахадак иҳасаб ала дазхарҵеит.

Мадуро, Москва адгылара инаҭеит.

 

45
Атемақәа:
Венесуела имҩаԥысуа аиҿагыларақәа (31)

Ҟәбина авирус змаз рҟынтәи 70% ргәабзиара шьақәгылеит

3
(ирҿыцуп 12:55 01.06.2020)
Аҵыхәтәантәи уахыки-ҽнаки рыла арегион аҿы 84 COVID-19 хҭыс ҿыц аҭыԥ амоуп. Апациентцәа рықәра ԥшьымз зхыҵуа инаиркны 88 шықәса зхыҵуа рҟынӡа инаӡоит.

АҞӘА, рашәара 1 - Sputnik. Краснодартәи атәылаҿацә аҿы авирус змаз рҟынтәи 70% ргәабзиара шьақәгылеит ҳәа аанацҳауеит Ҟәбина ахадара.

Аҵыхәтәантәи уахыки-ҽнаки рыла арегион аҿы 84 хҭыс ҿыц аҭыԥ амоуп COVID-19 ачымазарз.

"Иахьазы ачымазара рымоуп ҳәа ишьақәыргылоуп 3908-ҩык. Урҭ рҟынтәи 233-ҩык хәыҷқәоуп, 2748-ҩык ргәабзиара шьақәгылеит, 33-ҩык рыԥсҭазаара иалҵит. Арыԥҳақәа рҳауаҭарсра иахыргеит 35 пациент", - ҳәа аҳәоит арегион агәабзиарахьчара аминистрраҿы.

Амедицинатә усҳәарҭақәа рахь акоронавирус рымазар ҳәа идҵаалеит 9771-ҩык. Астационар аҿы аҽыхәышәтәра иахысуеит 2191-ҩык, 205-ҩык хәыҷқәоуп. Аполиклиникақәа рҿы агәаҭара иахысуеит 13466-ҩык, 586-ҩык хәыҷқәоуп.

Аԥсны акоронавирус апандемиа ҟалазар аахыс 28 хҭыс аҭыԥ амоуп. Аӡәы лыԥсҭазаара далҵит.

Акоронавирус иадҳәалоу ажәабжьқәа шәрыԥхьар ҟалоит абра>>

3
Атемақәа:
Ачымазара ҿкы – акоронавирус Аԥсни адунеи аҿи: иалкаау

Иҭоурыхтәу аиԥылара: Crew Dragon аекипаж МКС ахь ииасит

4
(ирҿыцуп 11:09 01.06.2020)
Америкатәи астронавтцәа Жәларбжьаратәи акосмостә станциаҿ аԥсшәа раҳәо дырԥылеит акомандир Крис Кессиди.

SpaceX иатәу акосмос ӷба Crew Dragon аекипаж Жәларбжьаратәи акосмостә станциахь ииасит ҳәа аанацҳауеит РИА Новости.

Crew Dragon аԥхьа инижьит Боб Бенкен, уи ишьҭахь – Даг Херли.

Акосмостә ӷбақәа реидылара мҩаԥысит асааҭ 17:30 (мск) рзы. Аҳауақәыӷәӷәара анышьақәдыртәа ашьҭахь, МКС акомандир Крис Кессиди абжьаларҭа ашә ааиртит, абри ашьҭахь аӷба алиукгьы аартны астанциахь аекипаж риасра мҩаԥысит.

Кессиди идагьы астронавтцәа ирԥылеит урыстәылатәи акосмонавтцәа Анатоли Иванишини Иван Вагнери. Дара астанциахь инеит мшаԥымзазы.

Crew Dragon Флорида иҟоу Канавералнтә ишьҭыԥрааит асабша. Аԥхьатәи аԥышәаратә ԥырра мҩаԥыргеит астронавтцәа Даг Херлии Боб Бенкени.

Ари аҭоурых аҿы раԥхьатәи ауаа злахәу ахатә еилахәыра имҩаԥнагаз ԥырроуп. Уи адагьы ЕАА 2011 шықәса раахыс МКС ахь растронавтцәа рышьҭуан урыстәылатәи акосмостә ӷба "Союз" ала.

Астронавтцәа МКС иаанхоит 3-4 мза. Адгьыл ахь рыхынҳәра арыцхә макьана иалацәажәам.

Иара убас шәаԥхьар ҟалоит:

4

Бжьаниа ахада Иусбарҭа анапхгаҩи Аԥсны АШәМ ахантәаҩи рхаҭыԥуаа аиҭеит

3
(ирҿыцуп 18:56 01.06.2020)
Аԥсны ахада рашәара 1 азы инапы аҵаиҩит Аԥсны ахада Иусбарҭа анапхгаҩы ихаҭыԥуаҩи Аԥсны Аҳәынҭқарратә шәарҭадаратә маҵзура ахантәаҩы ихаҭыԥуаҩи рзы аусԥҟа.

АҞӘА, рашәара 1 - Sputnik. Аслан Бжьаниа Зураб Қаџьаиа Аԥсны ахада Иусбарҭа анапхгаҩы ихаҭыԥуаҩыс иҟаҵаразы аусԥҟа инапы аҵаиҩит ҳәа аанацҳауеит ахада ипресс-маҵзура.

Аԥсны АШәМ ахантәаҩы ихаҭыԥуаҩыс Борис Лакәатаа иҟаҵаразы даҽа усдҵак инапы аҵаиҩит атәыла ахада.

Мшаԥы 24 рзы Аслан Бжьаниа иусԥҟала ахада Иусбарҭа дахаргылоуп Алхас Кәыҵниа.

Саида Быҭәԥҳа ахада Иусбарҭа анапхгаҩы ихаҭыԥуаҩыс дҟаҵоуп>>

Лаҵара 12 рзы Аԥсны ахада Аслан Бжьаниа инапынҵақәа рҟынтәи ихы дақәиҭитәит 2014 шықәса раахыс хантәаҩра зуаз Аԥсны Ашәарҭадаратә маҵзура ахантәаҩы Зураб Марганиа. Аԥсны ахада Аслан Бжьаниа иусԥҟала аамҭала Аԥсны Ашәарҭадаратә маҵзура ахантәаҩы инапынҵақәа наигӡалоит Роберт Киут.

Иара убас шәаԥхьар ҟалоит:

3