Трамп дақәшаҳаҭхеит Венесуелатәи аусқәа ЕАШ шалаҟьышьу азы

45
(ирҿыцуп 09:51 04.02.2019)
Венесуела амчрақәа ақәыӡбеит ЕАА ахада Дональд Трамп Венесуела аҩныҵҟатәи аусқәа аррамчала ахалагалара алшар ауеит ҳәа иҟаиҵаз аҳәамҭа.

АҞӘА, жәабран 4– Sputnik. ЕАА ахада Дональд Трамп Венесуела аҩныҵҟатәи аусқәа аррамчала ахалагалара алшар ауеит ҳәа иҟаиҵаз аҳәамҭа ишьақәнарӷәӷәоит Боливариантәи ареспубликаҿ аҳәынҭқарратә шьақәгылара аиҭакра Америка шалаҟьышьу, ҳәа иҳәеит Венесуела адәныҟатәи аусқәа рминистр Хорхе Арреаса.

"Дональд Трамп ишьақәирӷәӷәеит иҟоу аҭагылазаашьа ахыҵхырҭа ЕАА ишыҟоу. Венесуелатәи аоппозициа Трамп инапаҵаҟа иҟоуп", - ҳәа Арреас иажәақәа аанагоит РИА Новости.

Венесуела ахада ихаҭыԥуаҩ Делси Родригес иакәзар иҳәеит атәыла ажәлар ишалдмыршо иарбанызаалак тәымуаҩык ир ралагалара, аҳәаақәа реилагара. Родригес иазгәеиҭеит Каракас асеиԥш иҟоу аҳәамҭақәа аднакылом, иҟоу аҭагылазаашьагь атәыла аҩныҵҟа аӡбра аиуроуп ҳәа.

Уаанӡа Трамп ателеканал CBS аинтервиу аҭо иҳәахьан Венесуелаҟа ар рышьра алшар ҟалоит ҳәа.

Венесуела аоппозициатә парламент аиҳабы Хуан Гуаидо ажьырныҳәа 23 рзы атәыла аамҭалатәи ахадас ихы рылеиҳәеит.

ЕАА-и атәылақәа жәпаки Гуаидо адгылара ирҭеит.

Мадуро иакәзар конституциатә шьаҭала иалху хаданы ихы иԥхьаӡоит.

Гуаидо аҳәамҭа ҟаиҵеит Венесуела амчра аԥсахра Урыстәылазы ифеидоуп ҳәа

45
Атемақәа:
Венесуела имҩаԥысуа аиҿагыларақәа (31)