Лавров: Москва Венесуелатәи аполитикатә мчрақәа рдиалог иадгылоит

Лавров: Москва Венесуелатәи аполитикатә мчрақәа рдиалог иадгылоит

48
(ирҿыцуп 14:53 04.02.2019)
Урыстәыла жәларбжьаратәи азин адгылара аҭо иазыхиоуп Венесуела аполитикатә мчрақәа рыбжьара адиалог ацхраара ҳәа аҳәамҭа ҟаиҵеит Урыстәыла адәныҟатәи аусқәа рминистр Сергеи Лавров.

АҞӘА, жәабран 4 – Sputnik. Урыстәыла адәныҟатәи аусқәа рминистр Сергеи Лавров аҳәамҭа ҟаиҵеит Москва Венесуела аполитикатә мчрақәа рыбжьара адиалог мҩаԥысырц ааԥхьара ауеит ҳәа. Убри аан Вашингтон амчра ахархәара еиҳа аԥыжәара анаҭоит ҳәа аанацҳауеит РИА Новости.

Лавров иажәақәа рыла Николас Мадуро аоппозициа рыҿцәажәара дазыхиоуп, аха Хуан Гуаидо уи мап ацәкны Мадуро дықәҵразы адҵа ҟаиҵоит.

"Ари адиалог акәӡам иахьӡу. Ганкы аҽа ганкы иақәыӷәӷәоит. Абасеиԥш ахымҩаԥгара Америкеи Европеи ирымбошәа рыла хырҩоит", - иҳәеит аминистр.

Евроеидгыла ЕАА апозициа адгылара анаҭеит, Николас Мадуро Венесуела дахаданы дҟазҵаз алхрақәагьы лигитим-лхрақәоуп ҳәа рхырҳәаати. Алхрақәа мҩаԥысит 2018 шықәса лаҵарамзазы, аха Европа атәылақәа уаанӡа уи иақәмыӡбацызт ҳәа иҳәеит Лавров.

"Аҭагылазаашьа зегьы аинсцинировка азууп. Уи иумбаша акакәым. Ҳаар жәларбжьаратәи азин ҳаҭыр ақәаҳҵоит, Латынтәи Америка атәылақәак, Мексикеи Уругваии реиԥш иҟақәоу, амилаҭтә диалог аҭыԥ амазароуп ҳәа ирҳәо ҳадгылаҩцәоуп", - ҳәа азгәеиҭеит Урыстәыла адәныҟатәи аусқәа рминистр Сергеи Лавров.

Лавров иажәақәа рыла Николас Мадуро аоппозициа рыҿцәажәара дазыхиоуп, аха Хуан Гуаидо уи мап ацәкны Мадуро дықәҵразы адҵа ҟаиҵоит.

 

48
Атемақәа:
Венесуела имҩаԥысуа аиҿагыларақәа (31)
Информационные буклеты Пенсионного фонда России

УАФи Россотрудничествои аҳәаанырцәтәи атәанчаҩцәа аконсультациақәа рзыҟарҵалоит

4
(ирҿыцуп 16:24 07.08.2020)
Аԥсны аҵакыраҿы атәанчахәқәеи асоциалтә шәарақәеи зауа 32 754-ҩык урыстәылатәи атәанчаҩцәа нхоит.

АҞӘА, нанҳәа 7 - Sputnik. Россотрудничествои Урыстәыла атәанчахәытә Фонди ҿҳәарадатәи аиқәшаҳаҭра рнапы аҵарҩит аҳәаанырцә инхо рџьынџьуаа асоциалтәи атәанчахәытәи рыҭаразы аҭагылазаашьа рзеиҿкаара, абри атәы аанацҳауиет РИА Новости.

Адокумент рнапы аҵарҩит Россотрудничество ахада Евгени Примакови Урыстәыла атәанчахәытә Фонди анапхгара ахантәаҩы Максим Топилини.

"Урыстәыла атәанчахәытә Фонди Россотрудничествои рхаҭарнакцәа аҳәаанырцә инхо рџьынџьуаа иддырдырлоит Урыстәыла азакәанқәеи жәларбжьаратәи аиқәшаҳаҭрақәеи инарықәыршәаны асоциалтәи атәанчахәытәи еиқәыршәара рзеиҿкаара аҭагылазаашьақәа ртәы", - аҳәоит Россотрудничество апресс-маҵзура адырраҭараҿ.

Аконсультациақәа мҩаԥгахар алшоит авидеоконференциа аформат ала.

Нанҳәамза инаркны Аԥсны инхо урыстәылатәи атәанчаҩцәа рԥарақәа Аҵәахырҭатә банк абанкоматқәа рҟынтәи акәымкәа акассаҿынтә рыҭара иалагоит.

Иахьазы Урыстәыла анҭыҵ, адунеи атәылақәа 122 рҿы инхоит 342 нызқьҩык урыстәылатәи атәанчаҩцәа. Реиҳарак нхоит Германиа – 97 654, Израиль – 56 109, Абԥсны – 32 754, Белоруссиа – 25 428, Латвиа – 22 739, ЕАА – 21 308.

4

Адунеи аҿы ираԥхьатәиу: Урыстәыла авирус азы алаҵа ԥыршәоит

6
(ирҿыцуп 15:38 07.08.2020)
Алаҵа аклиникатә ԥышәара мҩаԥнагеит Гамалеи ихьӡ зху аепидемиологиеи амикробиологиеи рыҭҵааратә Центр Сеченов ихьӡ зху ауниверситет аҿы рашәара 18 рзы.

АҞӘА, нанҳәа 7 - Sputnik. Гамалеи ихьӡ зху аепидемиологиеи амикробиологиеи рыҭҵааратә Центр иԥнашәаз урыстәылатәи алаҵа аҭаҩра мҩаԥгахоит нанҳәа 12 рзы ҳәа аанацҳауеит COVID-19 иаҿагылан ақәԥаразы Москва аоперштаб.

Аԥхьа алаҵа рзыҟарҵоит аҳақьымцәеи абыргцәеи ҳәа иҳәеит Агәабзиарахьчара аминистр ихаҭыԥуаҩ Олег Гриднев.

"Уажәы аԥышәара ахԥатәи аетап мҩаԥысуеит. Алаҵа шәарҭара аламзароуп. Аԥхьа алаҵа рзыҟарҵоит аҳақьымцәеи абыргцәеи", - иҳәеит Гриднев, Уфа аонкоцентр акорпус аартраан ажурналистцәа дрыҿцәажәо.

Уаанӡа аминистр Михаил Мурашкоиҳәахьан Урыстәыла массала алаҵаҟаҵара шалшо жьҭаара инаркны. Иара иажәаәқа рыла ахарџьқәа зегьы абиуџьет иҭыгахоит.

38-ҩык хатәгәаԥхарала алаҵа ҟазҵаз ишьақәдырӷәӷәеит алаҵа ашәарҭадара. Алаҵаҟаҵара иахысыз зегьы аиммунитет роуит.

Иара убас шәаԥхьар ҟалоит:

6

Барганџьиа еиҭеиҳәеит Аԥсны шаҟа араса аҽаҩра иазыԥшу

0
(ирҿыцуп 19:03 07.08.2020)
Ақыҭанхамҩа аминистрра агрономиа аҟәша аиҳабы Едуард Барганџьиа арадио Sputnik аефир аҟны еиҭеиҳәеит сынтәа аҳәынҭқарраҟны шаҟа араса аҽаҩра иазыԥшу, ахаҭабзиара зеиԥшроу атәы.
Барганџьиа еиҭеиҳәеит Аԥсны шаҟа араса аҽаҩра иазыԥшу

"Араса атәыла анҭыҵ ианахырго ашәахтә аԥыхуп ҵыԥх аахыижьҭеи. Егьыс араса аҽаҩра 13 нызқь тонна рҟынӡа сынтәа иҟалоит ҳәа ҳазыԥшуп. Уи аҿыхра, аизгара, аҭира иалагахьеит. Араионқәа рҟны араса ахьрыдыркыло еиҿкааны ирымоуп, макьаназы ахә 60 мааҭ рҟынӡа ыҟоуп. Сынтәа аҽаҩра ҵыԥх аасҭа еиҳауп. Иҟоуп араса ахәшәтәра иахьахьӡаз, аҳәынҭқарраҟны аԥара аҟамзаара иахҟьаны ахәшәтәра иахьагхазгьы ыҟоуп. Араса ачымазара акит, ҳахьахьымӡаз. Аҽаҩра иҟоу 60 процент рҟынӡа араса бзиоуп ҳәа адырра ҳамоуп", - иҳәеит Барганџьиа.

Иара иазгәеиҭеит иахьа аҳәынҭқарраҟны азҿлымҳара шыҟоу ақыҭанхамҩа аҿиара азҵаара аганахьала.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sрutnik аефир аҟны.

Иара убас шәаԥхьар ҟалоит:

0