Стенин ихьӡ зху аконкурс алауреатцәа русумҭақәа Буенос-Аирес ицәыргақәҵан

70
(ирҿыцуп 17:53 06.02.2019)
Афотосахьақәа рзы 2018 шықәсазтәи аконкурс иалахәыз афотосахьақәа рбахьеит Москва, Кеиптаун, Шанхаи, Веихаи, Беирут, Бриуссель, Мадрид.

АҞӘА, жәабран 6 – Sputnik. Андреи Стенин ихьӡ зху афотожурналистиказ Жәларбжьаратәи аконкурс Буенос-Аиресҟа инанагеит ҩеижәижәаба рҟынӡа Урыстәыла,  Испаниа, Италиа, Индиа, Ҭырқәтәыла, Иран, Ирак рҟынтәи усумҭа ҳәа аанацҳауеит РИА Новости.

Ацәыргақәҵа мҩаԥысуеит аҭҵаарадырреи акультуреи рзы Урыстәылатәи ацентр аҿы. Имҩаԥысуеит жәабран 18 рҟынӡа. Ацәыргақәҵа даҭааит Аргентина иҟоу Урыстәыла ацҳаражәҳәаҩ Дмитри Феоктистов.

"Иахьа шәара ижәбоит аԥшьбатәи аконкурс ахь инагоу аусумҭақәа. Андреи Стенин иколлегацәа, 77 тәыла рҟынтәи ф-нызқь усумҭа аарышьҭит. Ара ижәбо афиналистцәа русумҭақәа роуп. Андреи дзыхнымҳәит. Ирацәаҩуп Андреи иеиԥш изыхнымҳәыз ажурналистцәа, избанзар ажурналист иус ус иҟоуп… жәаҩыла, шәҩыла ашәарҭара ахьыҟоу инеиуеит ажурналистцәа, иҟоу ишыҟоу ауаа иддырбарц. Дара хы иацәшәом, рыԥсҭазаареи ргәабзиареи ирызхәыцуам, избанзар дара ирлахьынҵоу афотосахьа аҭыхроуп", - иҳәеит иара.

Феоктистов игәаанагарала ацәыргақәҵа иаанарԥшуеит аекономикатә, асоциалтә ҟазшьа змоу апроблемақәа..

"Афотосахьа – уназхәаԥшны иухашҭуа акакәӡам. Асеиԥш иҟоу ацәыргақәҵақәа рыхәшьара зырҳаракуа, хҭыс хадак иныҭкааны иахьаабо ауп. Иҟалоит иара ҳнадгыланы ҳазхәыцыр", - иҳәоит ацҳаражәҳәаҩ.

Жәларбжьаратәи апроектқәа рцентр МИА "Россия сегодня" анапхгаҩы Васили Пушков иазгәеиҭеит аконкурс амаҵзура аусзуҩцәа ргәаҵаҿы аҭыԥ ҷыда шааннакыло.

"Зны–зынла арыцҳара ҵаҵӷәыс ихазыноу акы аԥҵара иаиуеит. Андреи Стенин ихьӡ зху афотоконкурс ауаҩытәыҩсатә рыцҳара иалиааиит, аха шәҩыла ажурналистцәа рзы имҩақәҵагахеит» ҳәа иҳәеит иара.

Аргентина имҩаԥысуа ацәыргақәҵаҿ ралкаара ауеит Џьастин Салливан инаиркны аиспанец Луис Тато, Одид Вагентштаин, Алексеи Филиппов русумҭақәа.

Урыстәылатәи афотоҭыхыҩ Алиона Кочеткова лусумҭа "Как я болела" аконкурс аҿы гран-при иаԥсахеит. Иара азкуп автор акьыбачымазара даҿагыланы лықәԥара.

Ацәыргақәҵа заанаҵтәи арбара мҩаԥган ООН аштаб-квартираҿ, Ниу-Иорк, абҵара 2, 2018 шықәса рзы, ажурналистцәа ирҿагыланы ацәгьоура хьырхәрада аҟазаара аԥыхра Жәларбжьаратәи амш аҽны. Ацәыргақәҵа далахәын акоммуникациақәеи ауаажәларратә информациеи  рзы ООН амаӡаныҟәгаҩ хада ихаҭыԥуаҩ  Елисон Смеил иара убас ООН иҟоу Урыстәыла ахаҭарнак Васили Небензиа.

Жәларбжьаратәи аинформациатә маҵзура "Россия сегодня" еиҿнакааз Андреи Стенин ихьӡ зху афотожурналистика Жәларбжьаратәи аконкурс хықәкны иамоуп ҳаамҭазтәи афотожурналистика ауаажәларра разхьарԥшра. Аконкурс – жәларбжьаратәи афотоеилазаара афотожурналистикаҟны ахьыӡ ҿыцқәа ахьаадырԥшуа, астандартқәа ахьдырҿио, иахьышьақәдыргыло ҭыԥ заҵәыкны иҟоуп.

70

Урыстәыла аушьҭратә ԥышәарақәа рыҭира аԥҟарақәа рԥсыҽуп 2021 шықәсазы

9
Урыстәыла аԥыза-министр Михаил Мишустин аҵара аминистрреи Рособрнадзори хәажәкыра 29-нӡа рнапы ианиҵеит аиҭакрақәа азгәаҭаны азинтә акт еиқәдыршәарц.

АҞӘА, жәабран 28-Sputnik. Сынтәатәи аҵарашықәс хзыркәшо аҵаҩцәа рзы аҳәынҭкарратә аттестациа аԥҟарақәа рԥсыҽуп, абри атәы аанацҳауеит РИА Новости, аиҳабыра асаит азхьаԥшра аҭо.

Ари аӡбамҭа адкылара акоронавирустә инфекциа аламырҵәаразы иҟоу ашәара иахҟьеит ҳәа азгәаҭоуп.

Ажәбатәи акласс аҵаҩцәа азеиԥш ҵараиура аттестат роур рылшоит, ихымԥадатәи ҩ-ԥышәарак -а урыс бызшәеи аматематикеи анарҭалак ашьҭахь. Иалырхуаз амаҭәар (афизика, ахимиа, абиологиа, алитература, агеографиа, аҭоурых, атәым бызшәақәа, ахатәы бызшәеи алитературеи) рзы аԥышәарақәа арҭаӡом.

Ажәеизатәи акласс аҵаҩцәа, иреиҳау аҵараиурҭақәа ирҭамло, ЕГЕ ацымхәрас иарҭоит аҳәынҭқарратә аушьҭратә ԥышәарақәа ҩ-маҭәарк рыла - аурыс бызшәеи аматематикеи.

Иреиҳау аҵараиурҭақәа ирҭало зегьы ЕГЕ арҭоит иахәҭоу амаҭәарқәа рыла. Иара убас, аԥышәарақәа арҭар рылшоит иаарласны зҵара хзыркәшарц зҭаху ажәабатәи акласс аҵаҩцәа.

Иара убас шәаԥхьар ҟалоит:

9

Нигериа 300-ҩык ашколӡӷабцәа мҵадырсит

10
(ирҿыцуп 13:25 26.02.2021)
Ақәылара ҟазҵаз рҟынтәи ԥыҭҩык атәыла ашәарҭадаратә маҵзура аусзуҩцәа рцәамаҭәа ршәын.

АҞӘА, жәабран 26 - Sputnik. Нигериа аҩада-мраҭашәаратәи аштат Замфара аҿы атеррористцәа азеиԥшынхарҭаҟынтәи 300-ҩык ашколӡӷабцәа мҵадырсит ҳәа аанацҳауеит РИА Новости агазеҭ PM News адыррақәа ҵаҵӷәыс иҟаҵаны.

Атеррористцәа ақәылара руит ахәаша ауха, аиланхарҭа Джангебе абжьаратә школаҿы. Иҟоу адыррақәа рыладара ашкол ааигәара игылаз арратә пост  иақәлеит, нас ашкол иажәлеит. Аӡӷабцәа ахыбра идәылыргеит асааҭ 02.00 (04.00 мск) рзы.

Аррамаҵзурауаа ажәылараан ахәрақәа роузар ҟалоит. Аҭыԥатәи ауаа аӡӷабцәа реиқәырхаразы аԥшаарақәа ирҿуп.

Ашкол адиректор агазеҭ Punch иазеиҭеиҳәеит ақәылаҩцәа аҵх рҽалакны машьыналеи амотациклқәа рылеи ишааз. Ақәылара ҟазҵаз рҟынтәи ԥыҭҩык атәыла ашәарҭадаратә маҵзура аусзуҩцәа рцәамаҭәа ршәын.

10

Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит

1
Урыстәыла Атәылахьчара аминистрра иатәу амобилтә госпиталь 2020 шықәса жьҭаара 20 рзы аусура иалагеит, аусура хыркәшахеит хәажәкыра 1 азы.

АҞӘА, хәажәкыра 1 – Sputnik, Бадраҟ Аҩӡба. Аԥсны ахада Аслан Бжьаниа идикылеит Аԥсны ацхырааразы иааны иҟаз Урыстәыла Атәылахьчара аминистрра иатәу хырхарҭарацәалатәи амобилтә госпиталь аҳақьым хада Абдулмеджид Магомедови ихаҭыԥуаҩ Ренат Курбанови.

Аслан Бжьаниа Урыстәыла АА амобилтә хырхарҭарацәалатәи агоспиталь амедусзуҩцәа гәык-ԥсык ала русураз, рыцхыраараз ҭабуп ҳәа реиҳәеит.

Агоспиталь аиҳаб иакәзар, уи аҭакс ҭабуп ҳәа ахиҳәааит аҳақьымцәа русуразы ирзыҟаҵаз аиҿкаара. Ахада агоспиталь аиҳабы ианеишьеит аҳаҭыртә шәҟәыбӷьыц, агәаларшәагатә ҳамҭақәа.

© Sputnik
Бжьаниа Урыстәыла АА амобилтә госпиталь амедусзуҩцәа русураз иҭабуп ҳәа реиҳәеит

Амобилтә медицинатә еилазаара иалоуп 112-ҩык аррамаҵурауааи иҷыдоу арратә техника 30 цыреи. Ари агоспиталь 100 иара-ҭыԥк амоуп, аха иаҭаххар, 150-ҩык рҟынӡа акоронавирус змоу апациентцәа аднакылар алшо иҟан.

Урыстәылатәи амобилтә госпиталь Аԥсныҟа идәықәҵан Ставропольтәи атәылаҿацә аҟынтәи жьҭаара 17 рзы акоронавирустә инфекциа COVID-19 змоу апациентцәа рыхәышәтәраҿы ацхыраара аҟаҵаразы. Агоспиталь асасааирҭа "Аиҭар" аҵакыраҿы идыргылеит жьҭаара 19 рзы, адырҩаҽны аусурагьы иалагеит.

Уи аахыс ара ахәышәтәра иахысхьеит 500-ҩык ареспублика ауааԥсыра. Иахьазы агоспиталь иҭоуп 20-ҩык.

Иарбоу аамҭа иалагӡаны амбулатор-консультациатә цхыраара рыҭан хнызқьҩык инареиҳаны Аԥсны ауааԥсыра, имҩаԥган алабораториаҿ 5195 ПЦР тест.

Иара убас шәаԥхьар ҟалоит:

1