Мадуро игәаанагарала Америка аԥырхагоуп аоппозициеи иареи реицәажәара

67
Венесуела ахада Николас Мадуро агәрахаҵара имоуп атәыла уаҵәтәи аԥеиԥш азы иахьатәи анапхгареи аоппозициеи хымԥада еидтәаланы еилацәажәароуп ҳәа.

АҞӘА, жәабран 8 – Sputnik. Вашингтон Венесуелатәи акризис маншәаларыла аилгара аҭахым ҳәа иазиԥхьаӡоит Боливариантәи ареспублика ахада Николас Мадуро.

РИА Новости ишаҳәо ала, Мадуро Америка ахада Дональд Трамп ихареиҵоит акризис алҵра амҩақәа ахьаиркуа. Венесуела ахада иажәақәа рыла, иахьатәи амчрақәеи аоппозициеи Венесуела уаҵәтәи аԥеиԥш иазхәыцны еилацәажәароуп. Аиҿцәажәара мап ацәкра иаанаго амчра ахархәароуп.

Уаанӡа Вашингтон ирҳәахьан Мадуро иҿцәажәара аамҭа цеит ҳәа. Убас, Венесуела аганахь ала ЕАШ ахаҭарнак Еллиот Абрамс аԥшьаша, жәабран 7 рзы аҳәамҭа ҟаиҵеит Мадуро илацәажәара аасҭа Хуан Гуаидо дазхаҵазар еиӷьуп ҳәа.

Ажьырныҳәа 21 рзы Венесуела иахьатәи ахада Николас Мадуро иҿагыланы Каракас ақәгыларақәа ирылагеит. Апарламент аспикер Хуан Гуаидо ажьырныҳәа 23 рзы атәыла ахадас ихы рылеиҳәеит.

Иахьатәи аамҭазы Гуаидо истатус адгылара арҭеит: ЕАА, Канада, Аргентина, Бразилиа, Чили, Колумбиа, Коста-Рика, Гватемала, Гондурас, Панама, Парагваи, Перу, Қырҭтәыла. Урыстәыла акәзар Мадуро Венесуела закәаншьаҭала иалху хаданы дрыԥхьаӡоит.

67
Атемақәа:
Венесуела имҩаԥысуа аиҿагыларақәа (31)

Краснодар уахыки-ҽнаки рыла 79 коронавирус хҭыс азгәаҭоуп, хҩык рыԥсҭазаара иалҵит

3
(ирҿыцуп 17:46 02.06.2020)
Арегионалтә оперштаб адыррақәа рыла апандемиа иаалагазар Краснодартәи атәылаҿацә аҿы иԥсхьеит 36-ҩык COVID-19 змаз.

АҞӘА, рашәара 2 - Sputnik. Адиагноз "акоронавирус" ззықәыргылаз хҩык рыԥсҭазаара иалҵит Краснодартәи ахәышәтәырҭақәа рҿы ҳәа аанацҳауеит COVID-19 аҿагыларазы аоперативтә штаб.

Атәылаҿацә аҿы пандемиа иаалагазар акоронавирус змоу рхыԥхьаӡара 3987-ҩык ыҟоуп. Урҭ рҟынтәи 2842 пациент ргәы бзиахахьеит. Краснодар аҵыхәтәантәи уахыки-ҽнаки рыла 79 коронавирус хҭыс азгәаҭоуп, хҩык рыԥсҭазаара иалҵит.

Иахьазы Урыстәыла 423 741 акоронавирус хҭыс азгәаҭоуп 85 регион рҿы. Иԥсхьеит 5 037-ҩык, ргәабзиара шьақәгылеит 186 985-ҩык.

Краснодартәи атәылаҿацә аҿы акарантин аҿҳәара инахоуп рашәара 6 рҟынӡа. Атәылаҿацә алалара макьаназы иԥкуп атранзит транспорт азы ада.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

3
Астероид на фоне Земли

NASA Адгьыл ишәарҭоу астероид шазааигәахо азы адырра ҟанаҵеит

3
(ирҿыцуп 15:57 02.06.2020)
Адгьыл азы ишәарҭоу астероид аҭбаара 250—570 метра иҟоуп. Зегь раасҭа иара адгьыл иазааигәахараны иҟоуп асааҭ 06:00 рзы.

АҞӘА, рашәара 2 - Sputnik. Адгьыл азы ишәарҭоу астероид 163348 (2002 NN4) асабша Адгьыл иазааигәахоит ҳәа аҳәоит НАСА асаитқәа руак аҿы.

Зегь раасҭа иара адгьыл иазааигәахараны иҟоуп асааҭ 06:00 рзы.

Убри аан иара апланета иаахап ҳәа азгәарҭом, избанзар Амза аорбита аасҭа 13-нтә ихарахоит.

Астероид гәаҭан 2002 шықәса рзы. Иара Амра зныктәи акәшара 300 дгьылтә уахи-ҽни иҟоуп.

Иара убас шәаԥхьар ҟалоит:

3

Аԥсны акоронавирус злоу аӡәгьы даанымхеит

1
Иахьатәи аамҭазы Гәдоуҭатәи араионтә хәышәтәырҭа хадаҿы акоронавирустә инфекциа злоу аӡәгьы даанымхеит.

АҞӘА, рашәара 2 - Sputnik. Гәдоуҭатәи араионтә хәышәтәырҭаҟынтә иҭырҩааит акоронавирустә инфекциа зыхьны иҟаз аҵыхәтәантәи хҩык апациентцәа, абри атәы аанацҳауеит COVID-19 аҟынтәи ауааԥсыра рацәыхьчаразы аоперативтә штаб. 

Иҳаҩсыз уахыки-ҽнаки рзы акоронавирус рылоу ирыламу гәаҭан 57-ҩык ауааԥсыра, урҭ рахьтә аӡәгьы акоронавирус рылам.

Акоронавирус азы апандемиа ааҟалеижьҭеи Аԥсны ичмазаҩхахьеит 28-ҩык, урҭ рахьтә 26-ҩык ргәабзиара шьақәгылеит, аӡәы лыԥсҭазаара далҵит ҳәа аанацҳауеит аоперштаб.

Акоронавирус иадҳәалоу ажәабжьқәа шәрыԥхьар ҟалоит абра>>

1
Атемақәа:
Ачымазара ҿкы – акоронавирус Аԥсни адунеи аҿи: иалкаау