АҞӘА, жәабран 12 – Sputnik. Уаанӡа аӷа ҳәа иуҿагылаз ихы иаирхәоз ар ракәзар, уажәы аибашьраҟны аҵак ду рыманы иҟоуп аԥшыхәратә системақәа, арадеоелектронтә ҿагылара реиԥш иҟоу абџьартә хархәага ҿыцқәа ҳәа азгәеиҭеит Урыстәыла арбџьар мчқәа роперативтә-мобилизациатә напхгара реизараҿы атәылахьчара аминистр Сергеи Шоигу.
Аминистр иажәақәа рыла, ҳаамҭазтәи аибашьра аҟазшьақәа ахьаԥсахуа убартә иҟан Шьамтәылатәи аимак аан. Ари арбџьари рнапхгараҟаҵара ииасуеит аинформациа-напхгаратә система ахархәарахь - иҳәоит аминистр.
"Афактор ҿыцқәа анырра ахьыҟарҵо инадҳәаланы аибашьра аҟазшьа аҽаԥсахуеит, акомандаҟаҵаҩцәа, аштабқәа рус аҿы аелемент ҿыцқәа ахархәара роуеит", - ҳәа аминистр иажаәқәа аанагоит РИА Новости.
Шоигу игәаанагарала, абасеиԥштәи аҭагылазаашьаҿы анапхгара адырра ҵаулақәа рымазароуп, уи адагьы аҿыц алагалара еснагь иазыхиазароуп.
