Президент Венесуэлы Николас Мадуро. Архивное фото

Мадуро Гуаидо иахь ааԥхьара ҟаиҵеит алхрақәа рылаиҳәарц

65
(ирҿыцуп 11:15 20.02.2019)
Уаанӡа аоппозициа аԥхьагыла Хуан Гуаидо Венесуела арратә мчрақәа рахь ааԥхьара ҟаиҵахьан ЕАШ иаанашьҭуа агуманитартә еидарақәа атәылахь иаларыжьларц.

АҞӘА, жәабран  20 фев - Sputnik.  Венесуела ахада  Николас Мадуро аоппозициатә парламент аиҳабы Хуан Гуаидо атәылаҿ алхрақәа мҩаигарц иабжьигеит "Гуаидо бжьыҭирала иҭыԥ идырбарц" азы ҳәа аҩуеит РИА Новости.

Мадуро агәра ганы дыҟоуп абжьыҭираан Гуаидо иарбанызаалак лшарак иоуам ҳәа, избанзар Венесуела ажәлар иара далырхӡом азы.

"Алхрақәа зымҩаԥимгои? Ажәлар ралхра дацәшәома? Сара ҳәа зхы рылазҳәаз ақьачақь алхрақәа рылаиҳәааит, ихьуа ибап", - ҳәа иҳәоит Мадуро амедицинатә университет аушьҭымҭацәа рҿаԥхьа дықәгыло. Ақәгылара Twitter ала идырбан.

Ажьырныҳәа 21 рзы Венесуела иахьатәи ахада Николас Мадуро иҿагыланы Каракас ақәгыларақәа ирылагеит. Апарламент аспикер Хуан Гуаидо ажьырныҳәа 23 рзы атәыла ахадас ихы рылеиҳәеит.

Гуаидо истатус адгылара арҭеит: ЕАШ, Канада, Аргентина, Бразилиа, Чили, Колумбиа, Коста-Рика, Гватемала, Гондурас, Панама, Парагваи, Перу, Қырҭтәыла.

Урыстәыла Мадуро адгылара инаҭоит аконституциатә шьаҭа зманы иҟоу атәыла ахадак иҳасаб ала.

Европатәи атәылақәа зеижә: Испаниа, Португалиа, Германиа, Великобританиа, Даниа, Нидерланды, Франциа, Венгриа, Австриа, Финлиандиа, Бельгиа, Лиуксембург, Чехиа, Латвиа, Литва, Естониа, Польша, Швециа, Хорватиа, Македониа, Румыниа жәабран 4 рзы рнапы еицаҵарҩит адеклорациа, иазгәарҭеит Хуан Гуаидо аамҭалатәи Венесуела ахада  ҳәа дшазхарҵо азы.

65
Атемақәа:
Венесуела имҩаԥысуа аиҿагыларақәа (31)

Аиҭакра дуқәа рымҩала иарбан реформақәоу Россотрудничество иазыԥшу

4
(ирҿыцуп 19:40 12.08.2020)
Ахьӡқәа рыԥсахра, ИАР атәылақәа рҟынтәи астудентцәа рзы аквотақәа рыцҵара, еицырдыруа артистцәа аус рыцура – абарҭ зегьы амаҵзура астратегиа ҿыц иахәҭакуп.

Ԥхынгәымзазы еилкаахеит амаҵзура "Россотрудничество" анапхгаҩыс дшыҟаҵахаз Аҳәынҭдума адепутат, атележурналист Евгени Примаков.

Раԥхьатәи амш азыҵәҟьа Примаков ажурналистцәа ирзеиҭеиҳәеит аиҭакра дуқәа шигәҭаку. Урҭ рыӡбахә иҳәеит нанҳәа 11 рзы имҩаԥигаз онлаин-лекциаҿ. Sputnik амаҵзура апрограмма ҿыц аҿы еиҳа ихадоу ахәҭақәа ирылацәажәоит.

Данара Курманова, Sputnik

Раԥхьа иргыланы "Россотрудничество" амаҵзура апартниорцәа ирыднагалеит атермин "амч ҟәымшәышә" мап ацәыркырц.

"Ари зеилкаара цәгьоу, ҳара иаҳамхәыцыз акоуп", - иҳәеит Евгени Примаков алекциа алагамҭаз. Нас иара иҳәеит "Россотрудничество"  иахықәкы хаданы аханатә иҟаз амч ахархәара акәымкәа жәларбжьаратәи аҭынчроуп ҳәа. Амаҵзура акультуратәи арҵаратәи программақәа рзы иаԥнаҵоит Урыстәылеиԥш егьырҭ аҳәынҭқарра-партниорцәа рҿгьы аҭагылазаашьа маншәалақәа.

Примаков иажәақәа рыла, "Россотрудничество" агуманитартә лахәылара аидеиа аҽацәхьанакуеит. "Ари ижәытәу концептуп, - иҳәоит анапхгаҩ ҿыц.– Ҳара агуманитартә лахәылара ацынхәрас агуманитартә ныррахь ҳаиасуеит", - ҳәа иҳәоит иара.

Асеиԥш анырра иаҿырԥшны иара иааигоит Беируттәи арыцҳара. Амаҵзура раԥхьаӡа акәны ацхырааразы аҳақьымцәа уахь рынашьҭра иалахәын. Ари акциа Примаков асимвол ҵакы амоуп ҳәа ахиҳәааит, иагьациҵеит асеиԥш иҟоу ауснагӡатәқәа шракәу Урыстәыла аҳәаанырцә еиҳа пату ақәырҵо иҟазҵо.

Иаарту алекциа мҩаԥигаанӡа Евгени Примаков мызкы иназынаԥшуа "Россотрудничество" аусура ҭиҵаауан. Лкаангьы иҟаиҵеит амаҵзураҿы ареформақәа ирылагатәуп аурыс клубқәа рҟынтә ҳәа.

"Аклубқәа уснагӡатәк аҟынтә аҽа уснагӡатә аҟынӡа аус руа акәымкәа иааиԥмырҟьаӡакәа аус руазароуп, - ҳәа  иҳәеит Примаков. – Аусура клубтә системан иҟалароуп, алахәылацәа ианырҭаху иааиуа, еицәажәо, ашәҟәқәа ирыԥхьо. Аҳәаанырцә арҭ ацентрқәа заԥҵоу Урыстәыла гәхьаазго реибарбара азоуми".

Примаков игәаанагарала, аклубқәа рахь аҿар реиԥш адуцәагьы ааилароуп. Аҳәаанырцә имаҷым СССР иқәҵыз, итәанчаҩцәахахьоу.

"Ҳара ауснагӡатә формат заҳҭаху абашацәажәараз акәым", - ҳәа иҳәеит Евгени Примаков, амаҵзура аусуҩцәагьы ааԥхьара риҭеит астиль "Аурыс музыка амш" ма "Аурыс чаџь амш" рҽацәхьаркларц.

Аха аурыс клубқәа русура аиҭакра арежим проблемак амоуп. Аурыс клубқәа реиҳарак Ацҳаражәҳәарҭақәа рхыбрақәа рҿы иҟоуп. Уахь ус баша узнеиуам. "Убри азоуп асистема ҿыц аус ауртә иахьыҟоу ацентрқәа рыла ҳусура ҳзалаго", - ҳәа иҳәеит иара.

Примаков иҳәеит "Россотрудничество" ишаҭаху апродиусерцәа. Амаҵзура иаудиториа хадоу аҿар ахьракәу, урҭ апоп-культура аинтерес рымоуп: ҳаамҭазтәи амузыка, ашәҟәқәа, афильмқәа, асериалқәа. Урҭ рхархәарала астудентцәа аурыс культура абзиабара шьҭыркаауеит иҳәоит Евгени Примаков.

Иара игәаанагарала аҿар аклассика иадыԥхьалалатәуп. Убри аан ақәыԥшра аинтересқәа ирыцәхьаҵлатәым. "Имаҷҩуп англыз бызшәа Шекспир иԥхьаразы аҵара иалаго. Аҿар рзы абызшәа асоциалтәи аекономикатәи лшарақәа узҭо хархәагоуп", - иҳәоит иара.

Абри инадҳәаланы "Россотрудничество" еицырдыруа артистцәа нанаԥхьалароуп ҳәа азгәеиҭоит Примаков.

"Россотрудничество" ахьыӡ акәзаргьы рацәак аҿар ирықәшәо, аурыс бызшәа ззымдыруа рлымҳаҿ инеиуа иҟам ҳәа ишьоит Евгени Примаков. Убри азы амаҵзура аребрендинг аҭахуп, иара ахаҭа ахьӡ аԥсахра адагьы иԥсахтәуп аҭҵаарадырратәии акультуратәи центрқәа рыхьыӡқәагьы (РЦНК).

"РЦНК – угәы ишьҭнамхуа аббревиатуроуп, иара ажәа "Россотрудничество" аиԥш. Аҳәаанырцәуаҩ уи изҳәом", - иҳәоит Примаков.

Убри аан аусбарҭа аофициалтә хьӡы "Ихьыԥшым аҳәынҭқаррақәа реиҩызара, аҳәаанырцә инхо аџьынџьуаа русқәа рзи жәларбжьаратәи агуманитартә усеицуреи рзы Афедералтә маҵзура" аанхоит.

Иԥсахтәу адәныҟатә бренд амацароуп. Ахьыӡ ҿыц ахарџьқәа аррацәоит, урҭ  еиҳа хра змоу ирзырхахар ҟалоит ҳәа азиԥхьаӡоит Евгени Примаков.

Арационалреи аекономикеи Примаков истратегиа афактор хадақәа иреиуоуп. Абренд-менеџьерцәа аббревиатура аԥырҵарц рааԥхьарагьы игәҭакым. Уи ацынхәрас ииҭаху иаарту аконкурс аиҿкаароуп – амаҵзура ахьӡ ҿыц "Россотрудничество" ацхыраарала ауниверситетқәа ирҭалаз астудентцәа ирхәыцырц.

Апроект ҿыцқәа аус рыдуло "Россотрудничество" аурыс ҵарадырра гәыгәҭанажьуам иҳәеит Евгени Примаков.

"Урыстәыла ахада идҵала хәыдаԥсадатәи аҵарахь  аквотақәа ҩынтәны ирзырҳахоит аҳәаанырцә студентцәа рзы. Уажәы  15 000 квота ыҟоуп", - иҳәеит иара.

Уи адагьы амаҵзура Урыстәылеи аурыс бызшәеи ирыдҳәалоу арҵаратә проектқәа зегьы адгылара рзыҟанаҵалоит. "Аҳәаанырцә шҭак аҿы гәыԥк аԥҵаны аурыс лакәқәа рыԥхьара еиҿкаахаргьы акыр ишьахәуп", - ҳәа иҳәоит Примаков.

"Россотрудничество" аналитика азхьаԥшра анаҭалоит аҿар иахьатәи рҭахрақәа реилкааразы. Уи азы иагәҭакуп шьаҭанкыла асаит аԥсахра.

"Ауаа Урыстәыла имҩаԥнаго агуманитартә усура аинтерес рымазароуп. Асаит иахьа ишыҟоу ала зхы зтәу даԥхьом", - ҳәа иҳәеит Евгени Примаков.

Аиҭакрақәа аамҭа шырҭахугьы "Россотрудничество" ахада иҳәоит аиҭакрақәа аартны иубартә иҟалоит ҳәа. "Уи ажәытә стереотипқәа аԥнахуеит", - ҳәа азиҳәоит Примаков.

4
Первые пассажиры высоко оценили преимущества ж/д рейса Адлер–Гагра.

Аекспертцәа: Аԥсныҟа абилеҭқәа рыхә иацлеит

13
(ирҿыцуп 09:39 12.08.2020)
Аԥсни Урыстәылеи рҳәаа аатит нанҳәа 1 азы. Нанҳәа 10 рзы аҳәаа иахысхьан 230 нызқьҩык ауаа.

АҞӘА, нанҳәа 12 - Sputnik. Ашықәс аҩныҵҟа Аԥсныҟа абилеҭқәа рыхәԥса иубартә ишьҭыҵит ҳәа азгәарҭоит онлаин-сервис Туту.ру аекспертцәа.

Абилеҭ Москва-Аҟәа ахәԥса ашықәс аҩныҵҟа 16% рыла иазҳаит – хә-нызқь мааҭ рҟынӡа иаԥсахеит, Ростов-на-Дону аҟынтәи Аҟәанӡа - 35% ихалеит, 2,5 нызқь мааҭ иаԥсахеит.

Адлерынтәи Аҟәанӡа аара 18% рыла ишьҭыҵны 840 мааҭ артәеит. Акурорт Гагранӡа ааразы Санкт-Петербургтәи абилеҭ - 29% ацлеит, Воронежтәи - 79%, Шәачантә - 62%. Ареис Шәача-Аҟәа ахә 12% ацлан иартәеит 886 мааҭ.

Аԥсни Урыстәылеи рыбжьара апандемиа иахырҟьаны адәыӷбатә еимадара еиԥҟьан. Иара еиҭахацыркхеит нанҳәа 7 рзы.

Иара убас шәаԥхьар ҟалоит:

13

Даҽа быжьҩык ауаа акоронавирус рыдбалоуп Аԥсны

5
(ирҿыцуп 19:52 12.08.2020)
Аԥсны зынӡа ачымазара здырбалахьоу рхыԥхьаӡара 155-ҩык рҟынӡа инаӡоит. Урҭ рахьтә 51-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 12 - Sputnik. Даҽа быжьҩык ауаа акоронавирус рыдбалоуп ҳәа адырра ҟанаҵоит Ауааԥсыра акоронавирустә ҿкы рацәыхьчаразы аоперативтә штабнанҳәа 12 рзы.

"Аҵыхәтәантәи уахыки-ҽнаки рыла акоронавирустә чымазара амазааразы агәаҭара иахысит 131-ҩык ауааԥсыра, адиагноз COVID-19 рзықәыргылоуп быжьҩык", - ҳәа азгәаҭоуп аацҳамҭаҿы.

Абыржәтәи аамҭазы Гәдоуҭатәи ахәышәтәырҭа хадаҿы ишьҭоуп акоронавирус зцәа иалоу 40-ҩык апациентцәа. Урҭ рахьтә фҩык - хәыҷқәоуп, зҭагылазаашьа уадаҩу хҩык ыҟоуп. Згәабзиара ҭышәынтәалаз пациентк ахәышәтәырҭа дылыҩауп.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

5
Атемақәа:
Ачымазара ҿкы – акоронавирус Аԥсни адунеи аҿи: иалкаау