Вышински идукат Украинаҟа дхынҳәыр ддырбаандаҩыр ҳәа дшәоит

48
(ирҿыцуп 14:29 02.04.2019)
Адукат Кирилл Домански, ажурналист Кирилл Вышински ихьчаҩ, Украинаҟа дхынҳәыр ддырбаандаҩыр ҳәа дшәоит.

АҞӘА, мшаԥы 2– Sputnik. Апортал РИА Новости Украина ахада Кирилл Вышински идукат Андреи Домански уажәы Бриуссель дыҟоуп, аха Украинаҟа дхынҳәыр ддырбаандаҩыр ҳәа дшәоит.

"Сара иҟоу шыҟоу еиҭасҳәоит ҳәа Бриуссель ианысҳәа ашьҭахь Украина апрокуратура хада цәгьоурак салахәушәа агәҩара ыҟоуп ҳәа ахҳәааны ашәҟәқәа еиқәдырҽаҽеит", - ҳәа Андреи Домански иажәақәа аанагоит РИА Новости.

Доманскии иҳәоит иарбан цәгьоуроу зыӡбахә рымоу шизымдыруа. Адукат игәаанагарала иҟарҵо зыҟарҵо аҩныҟа дымхынҳәырц азоуп.

"Иҟоу зыҟарҵо мшаԥы 4 рзы аӡбара салахәхар ҳәа иахьшәо ауп", - ҳәа иҳәоит иара.

Апортал РИА Новости Украина анапхгаҩы Кирилл Вышински даанкылан Киев, лаҵара 15, 2018 шықәса рзы. Ажурналист аҳәынҭқарра иԥсахит ҳәа ахара идырҵоит. Абри ахәҭаҷ ала иазԥхьагәаҭоуп 15 шықәса рҟынӡа ҭакрала ахгара.

Вышински Урыстәыла ахада Владимир Путин иахь аҳәара ҟаиҵеит ацхырааразы. Иара Украина атәылауаҩра мап ацәкра дазыхиоуп.

Арзаҳал Украина ахада иусеилыргарҭахь инашьҭуп, аха макьаназы уи аҭак ҟаҵам. Урыстәыла ахада ари аҭагылазаашьа аиԥш зеиԥшу ыҟам ҳәа ахиҳәааит, иазгәеиҭеит "Вышински дзаанкылоу ипрофессионалтә усуразоуп" ҳәа. Москва Киевҟа инанашьҭит апресса ахаҭарнак иганахьала имҩаԥнаго ақәымчра ааннакыларц азы аҿагыларазы ажәанҵа.

Амассатә информациатә хархәагақәа рхақәиҭра азҵаарақәа рзы ОБСЕ ахаҭарнак Арлем Дезир уаанӡагьы агәҭынчымра ааирԥшхьан Киев апортал РИА Новости Украина аганахьала ахымҩаԥгашьазы. Дезир ааԥхьара ҟаиҵахьеит ажурналист ихы дақәиҭыртәырц.

 

48
Атемақәа:
Вышински иус (51)

Адинамика бзиа: Ҟәбина уахыки-ҽнаки рыла иаарԥшу 76 коронавирус хҭыс роуп

3
(ирҿыцуп 13:22 28.05.2020)
Лаҵара 28 рызтәи адыррала Ҟәбинатәи ахәышәтәырҭақәа рахь COVID-19 рымоу ирымаму аилкаараз инеихьеит 8978-ҩык, 880-ҩык хәыҷқәоуп. Урҭ рҟынтәи аҽыхәышәтәра иахысуеит 2131-ҩык.

АҞӘА, лаҵара 28 - Sputnik. Краснодартәи атәылаҿацә аҟны уахыки-ҽнаки рыла иаарԥшу 76 акоронавирус хҭыс роуп ҳәа аанацҳауеит атәылаҿацә ахадара асаит. Абасала, аҵыхәтәантәи аамҭазы авирус змоу рхыԥхьаӡара лаҟәуа иалагеит.

Арегион аҟны зынӡа абри аҩыза адиагноз рзықәыргылоуп 3582-ҩык, ргәы бзиахахьеит: 2393-ҩык.

"Аҿыц чымазцәа рҟынтәи 26–ҩык хацәоуп, 50-ҩык ҳәсоуп. Ахҭысқәа абасала еихшоуп: 25 - Краснодар, 8 – Кавказтәи араион, 7 – Шәача, 5 – Гулькевичтәи араион, 5 - Гориачи Клиуч, Қарҭтәи Тимашевсктәи араионқәа рҿы хԥа-хԥа, Новопокровск, Динск, Красноармеиск, Усть-Лабинск, Еиск, Туапсинск, Белореченск, Кореновск араионқәа рҿы ҩба-ҩба, Калининск, Мостовск, Славианск, Лабинск араионқәа рҿы акака", - аҳәоит адырраҭараҿы.

Роспотребнадзор 44729 ҭҵаара мҩаԥнагахьеит акоронавирус азы, Агәабзиарахьчара арегионалтә лабораториақәа – 124401, урҭ рахьтә 3582 аҵыхәтәантәи уахыки-ҽнаки рыла имҩаԥгоуп.

Ауааԥсыра акоронавирус рацәыхьчаразы аоперативтә штаб аҵыхәтәантәи адыррақәа рыла, апандемиа аамҭала Аԥсны акоронавирус рыман 28-ҩык. Урҭ рҟынтәи жәохәҩык ргәабзиара ҭышәынтәалеит, аӡәы дыԥсит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

3
Атемақәа:
Ачымазара ҿкы – акоронавирус Аԥсни адунеи аҿи: иалкаау

Ҟәбан акоронавирустә инфекциа змоу рхыԥхьаӡара 3,5 нызқь рҟынӡа инаӡеит

19
(ирҿыцуп 14:25 27.05.2020)
Аҵыхәтәантәи уахыки-ҽнаки рыҩныҵҟа COVID-19 80-ҩык ирыдбалоуп. Ичмазаҩу рыбжьара хәҩык хәыҷқәоуп.

АҞӘА, лаҵара 27 - Sputnik. Ҟәбан акоронавирустә инфекциа змоу рхыԥхьаӡара 3,5 нызқь ыҟоуп ҳәа аанацҳауеит Краснодартәи атәылаҿацә ахадара.

"Ичмазаҩу рзеиԥш хыԥхьаӡара 3506-ҩык инаӡоит. Убри аан реиҳараҩык –2257-ҩык ргәабзиара шьақәгылахьеит. Атәылаҿацә аҿы апандеми аамҭа иаҵаркны рыԥсҭазаара иалҵхьеит 29-ҩык", - ҳәа ҳаәоит адырраҭараҿы.

Лаҵара 27 аамҭала COVID-19 азы рхы гәарҭахьеит 8724-ҩык, 855-ҩык хәыҷқәоуп. Астационар аҿы рҽырхәышәтәуеит 2214 пациент, (250-ҩык хәыҷқәоуп). Иахьынхо аҭыԥ аҿы амедицинатә хылаԥшра рымоуп 13410-ҩык.

Роспотребнадзор 44048 ҭҵаара мҩаԥнагахьеит акоронавирус азы, Агәабзиарахьчара арегионалтә лабораториақәа – 121190, урҭ рахьтә 2626 аҵыхәтәантәи уахи-ҽни рыла имҩаԥгоуп.

Краснодар, Шәача, Тҟәаԥс, Армавир, Анапа, Еиск, астаницақәа Голубицки, Кушьчевски, аиланхарҭақәа Псебаи, Кабардинка иртәу аобсерваторқәа рҟны иҟоуп 2812-ҩык. Абарҭ аамҭақәа рзы уахь инанагахьеит 6728-ҩык, авирус рыдбалан 42-ҩык.

Аоперативтә штаб аҵыхәтәантәи адыррақәа рыла, апандемиа аамҭала Аԥсны акоронавирус рыман 28-ҩык. Урҭ рҟынтәи жәохәҩык ргәабзиара ҭышәынтәалеит, аӡәы дыԥсит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

19
Атемақәа:
Ачымазара ҿкы – акоронавирус Аԥсни адунеи аҿи: иалкаау

Чаблахԥҳа иаԥшәымадоу алақәа рызҵаара аӡбашьазы: ус дууп, зегь ҳзы ибзиоуп

0
Гагра араион Алаҳаӡы ақыҭан инхо Хамида Чаблахԥҳа арадио Sputnik аефир аҟны арубрика "Раионк аԥсҭазаараҟынтә" аҿы еиҭалҳәеит иаԥшәымадоу алақәа рызҵааразы араион аҟны аҭаагылазаашьа зеиԥшроу.
Раионк аԥсҭазаараҟынтә: Чаблахԥҳа иаԥшәымадоу алақәа ртәы

Гагра арион ахада инапынҵақәа назыгӡо Иури Хагәышь лаҵара 27 рзы аилацәажәара мҩаԥигеит иаԥшәымадоу алақәа рызҵаара иазкны. Уи аҟны аӡбамҭа рыдыркылеит араион аҟны иҟоу иҷыдоу алақәа рыԥхьарҭахь инаргаларц хылаԥшра змам аԥстәқәа.

"Аилацәажәараҟны ирыӡбаз аус бзиоуп. Шьҭа хәышықәса ҵуеит алақәа рааӡарҭа "Топа" аиҳабы Саида Оҭырԥҳа ари имариам аус лнапы алакуижьҭеи. Лара илыбзоураны 700 инареиҳаны алақәа Аԥсны анҭыҵҟа ишьҭуп, аԥшәмацәа рзыԥшаауп. Ааӡарҭаҟны 180 рҟынӡа алақәа ыҟоуп, аҭыԥ азхаӡом. Гагра ақалақь аӡәгьы итәымкәа иалоу алақәа маҷым, ари аҭагылазаашьа ҽеим ҳара ҳзеиԥш, дара алақәа рзгьы, ауадаҩрақәа рацәаны иацуп ари азҵаара. Амҩа иану алақәа амла иакуеит, амашьынақәа ирыҵалоит, ауаа ирзыҭрысыр ҟалоит, ишәарҭоуп, аха рышьра иашам, игәнаҳароуп ҳәа сыԥхьаӡоит. Ари азҵаара даҽа ӡбашьак амоуп - алақәа мшьӡакәа ааӡарҭахь рышьҭра. Уи иахьадгылаз Гагра ахадара иҭабуп ҳәа расҳәоит, ааӡарҭа ацҵара ацхыраара ахьарҭо азы. Ари ус дууп, зегьы ҳзы ибзиоуп", - лҳәеит Чаблахԥҳа.

Шәазыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

0