Акциа Мадуро изы

Акциа "Мадуро изы" рхы аладырхәит хәмиллионҩык рҟынӡа Венесуела ауааԥсыра

50
(ирҿыцуп 16:33 07.04.2019)
Аиҳабыра иадгылоуи аоппозиациеи рымчрақәа ракциақәа Венесуела ахьынӡанаӡааӡо имҩаԥысуеит асабшеи амҽышеи рзы.

АҞӘА, мшаԥы 7 - Sputnik. Венесуела ахада Николас Мадуро иҳәеит Венесуела ашҭақәа рҟны 5 миллионҩык ауааԥсыра шцәырҵыз напхгара зуа азакәантә еиҳабыра адгылара аадырԥшырц, абри атәы аанацҳауеит РИА Новости.

"Хәмиллионҩык рҟынӡа амобилизациа рызуп ахақәиҭреи аҭынчреи рыхьчара иазку аоперациазы. Ажәлар адәқәа рахь ицәырҵит рыдгьыл аолигархцәа ракәымкәа, ажәлар ишыртәу дырбаразы. Ахақәиҭреи аҭынчреи рыхьчаразы аоперациа маншәаланы имҩаԥысит", - иҳәеит Венесуела ахада, Каракас зықьҩыла идгылаҩцәа имҩаԥыргаз ақәгылараҟны.

Николас Мадуро иара убас адырра ҟаиҵеит ртәыла афымцалашара ааха аиура аҭҵаара иахьаҿу ишеилыркааз Хиустони Чикагои, иара убас Чилии Колумбиеи рҟынтәи ЕАА рыцхыраарала акомпиутертә вирусқәа Венесуела афымцатә система ишаларгалоз. Иара убасгьы мызкы иҭагӡаны ари аҭагылазаашьа шҭышәныртәалахо атәы иҳәеит.

Николас Мадуро егьырҭ аҳәынҭқаррақәеи аиҳабырақәеи рхадацәа рахь ааԥхьара ҟаиҵеит Вашингтон Каракас иаҿагыланы имҩаԥнаго ақәымчра ааннакыларц азы иқәгыларц.

Уи, иеизаз ижәлар дрылаԥшуа, Дональд Трамп иизынархаз ажәа иҳәеит: "Сыжәлар шәрылаԥш - иаҭаххар, урҭ зқьынтәгьы ишәиааиуеит!" - ҳәа.

Мадуро иара убасгьы Венесуела иҟоу амчрақәа зегьы амилаҭтә еидгылара аадырԥшырц, рҳәынҭқарра акзаара иазхьаԥшырц ажәа рниҵеит, рҳәоу еиқәшәаны, ЕАА Венесуела аекономика иазыруа аахақәа ааныркыларц азы аҳәамҭа еицыҟарҵарц азы дрыҳәеит.

"Иахьа ҳазҭадыргылаз аблокада аԥырхроуп! Иарбан санкциоу ҳазқәдыршәозаалак, иақәнагоу аҭак аҳҭалоит, иҵегьы иеиҳау ареволиуциақәа мҩаԥаҳгалоит. Урҭ ҳара ахаангьы иаҳиааираны иҟаӡам!" - иҳәеит Николас Мадуро.

Ажьырныҳәа 21 рзы Венесуела иахьатәи ахада Николас Мадуро иҿагыланы Каракас ақәгыларақәа ирылагеит. Апарламент ахада Хуан Гуаидо ажьырныҳәа 23 рзы атәыла ахадас ихы рылеиҳәеит.

Венесуела ААР: ЕАА аҭоурыхтә гха ҟанаҵеит
© Sputnik / Алехандро Мартинез Велез

Усҟан Гуаидо истатус адгылара арҭеит Еиду америкатәи аштатқәеи егьырҭ атәылақәа жәпаки.

Урыстәыла Мадуро адгылара инаҭоит аконституциатә шьаҭа зманы иҟоу атәыла ахадак иаҳасаб ала.

Европатәи атәылақәа зеижә: Испаниа, Португалиа, Германиа, Великобританиа, Даниа, Нидерланды, Франциа, Венгриа, Австриа, Финлиандиа, Бельгиа, Лиуксембург, Чехиа, Латвиа, Литва, Естониа, Польша, Швециа, Хорватиа, Македониа, Румыниа - жәабран 4 рзы рнапы еицаҵарҩит адекларациа, уа иазгәарҭеит Хуан Гуаидо аамҭалатәи Венесуела ахада ҳәа дшазхарҵо.

50
Информационные буклеты Пенсионного фонда России

УАФи Россотрудничествои аҳәаанырцәтәи атәанчаҩцәа аконсультациақәа рзыҟарҵалоит

4
(ирҿыцуп 16:24 07.08.2020)
Аԥсны аҵакыраҿы атәанчахәқәеи асоциалтә шәарақәеи зауа 32 754-ҩык урыстәылатәи атәанчаҩцәа нхоит.

АҞӘА, нанҳәа 7 - Sputnik. Россотрудничествои Урыстәыла атәанчахәытә Фонди ҿҳәарадатәи аиқәшаҳаҭра рнапы аҵарҩит аҳәаанырцә инхо рџьынџьуаа асоциалтәи атәанчахәытәи рыҭаразы аҭагылазаашьа рзеиҿкаара, абри атәы аанацҳауиет РИА Новости.

Адокумент рнапы аҵарҩит Россотрудничество ахада Евгени Примакови Урыстәыла атәанчахәытә Фонди анапхгара ахантәаҩы Максим Топилини.

"Урыстәыла атәанчахәытә Фонди Россотрудничествои рхаҭарнакцәа аҳәаанырцә инхо рџьынџьуаа иддырдырлоит Урыстәыла азакәанқәеи жәларбжьаратәи аиқәшаҳаҭрақәеи инарықәыршәаны асоциалтәи атәанчахәытәи еиқәыршәара рзеиҿкаара аҭагылазаашьақәа ртәы", - аҳәоит Россотрудничество апресс-маҵзура адырраҭараҿ.

Аконсультациақәа мҩаԥгахар алшоит авидеоконференциа аформат ала.

Нанҳәамза инаркны Аԥсны инхо урыстәылатәи атәанчаҩцәа рԥарақәа Аҵәахырҭатә банк абанкоматқәа рҟынтәи акәымкәа акассаҿынтә рыҭара иалагоит.

Иахьазы Урыстәыла анҭыҵ, адунеи атәылақәа 122 рҿы инхоит 342 нызқьҩык урыстәылатәи атәанчаҩцәа. Реиҳарак нхоит Германиа – 97 654, Израиль – 56 109, Абԥсны – 32 754, Белоруссиа – 25 428, Латвиа – 22 739, ЕАА – 21 308.

4

Адунеи аҿы ираԥхьатәиу: Урыстәыла авирус азы алаҵа ԥыршәоит

6
(ирҿыцуп 15:38 07.08.2020)
Алаҵа аклиникатә ԥышәара мҩаԥнагеит Гамалеи ихьӡ зху аепидемиологиеи амикробиологиеи рыҭҵааратә Центр Сеченов ихьӡ зху ауниверситет аҿы рашәара 18 рзы.

АҞӘА, нанҳәа 7 - Sputnik. Гамалеи ихьӡ зху аепидемиологиеи амикробиологиеи рыҭҵааратә Центр иԥнашәаз урыстәылатәи алаҵа аҭаҩра мҩаԥгахоит нанҳәа 12 рзы ҳәа аанацҳауеит COVID-19 иаҿагылан ақәԥаразы Москва аоперштаб.

Аԥхьа алаҵа рзыҟарҵоит аҳақьымцәеи абыргцәеи ҳәа иҳәеит Агәабзиарахьчара аминистр ихаҭыԥуаҩ Олег Гриднев.

"Уажәы аԥышәара ахԥатәи аетап мҩаԥысуеит. Алаҵа шәарҭара аламзароуп. Аԥхьа алаҵа рзыҟарҵоит аҳақьымцәеи абыргцәеи", - иҳәеит Гриднев, Уфа аонкоцентр акорпус аартраан ажурналистцәа дрыҿцәажәо.

Уаанӡа аминистр Михаил Мурашкоиҳәахьан Урыстәыла массала алаҵаҟаҵара шалшо жьҭаара инаркны. Иара иажәаәқа рыла ахарџьқәа зегьы абиуџьет иҭыгахоит.

38-ҩык хатәгәаԥхарала алаҵа ҟазҵаз ишьақәдырӷәӷәеит алаҵа ашәарҭадара. Алаҵаҟаҵара иахысыз зегьы аиммунитет роуит.

Иара убас шәаԥхьар ҟалоит:

6

Барганџьиа еиҭеиҳәеит Аԥсны шаҟа араса аҽаҩра иазыԥшу

0
(ирҿыцуп 19:03 07.08.2020)
Ақыҭанхамҩа аминистрра агрономиа аҟәша аиҳабы Едуард Барганџьиа арадио Sputnik аефир аҟны еиҭеиҳәеит сынтәа аҳәынҭқарраҟны шаҟа араса аҽаҩра иазыԥшу, ахаҭабзиара зеиԥшроу атәы.
Барганџьиа еиҭеиҳәеит Аԥсны шаҟа араса аҽаҩра иазыԥшу

"Араса атәыла анҭыҵ ианахырго ашәахтә аԥыхуп ҵыԥх аахыижьҭеи. Егьыс араса аҽаҩра 13 нызқь тонна рҟынӡа сынтәа иҟалоит ҳәа ҳазыԥшуп. Уи аҿыхра, аизгара, аҭира иалагахьеит. Араионқәа рҟны араса ахьрыдыркыло еиҿкааны ирымоуп, макьаназы ахә 60 мааҭ рҟынӡа ыҟоуп. Сынтәа аҽаҩра ҵыԥх аасҭа еиҳауп. Иҟоуп араса ахәшәтәра иахьахьӡаз, аҳәынҭқарраҟны аԥара аҟамзаара иахҟьаны ахәшәтәра иахьагхазгьы ыҟоуп. Араса ачымазара акит, ҳахьахьымӡаз. Аҽаҩра иҟоу 60 процент рҟынӡа араса бзиоуп ҳәа адырра ҳамоуп", - иҳәеит Барганџьиа.

Иара иазгәеиҭеит иахьа аҳәынҭқарраҟны азҿлымҳара шыҟоу ақыҭанхамҩа аҿиара азҵаара аганахьала.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sрutnik аефир аҟны.

Иара убас шәаԥхьар ҟалоит:

0