Апортал РИА Новости Украина ахада Кирилл Вышински

Вышински: ара абахҭаҿы Порошенко изы рыбжьы рҭиӡом

43
(ирҿыцуп 14:37 18.04.2019)
Киевтәи аусӡбарҭаҿ иҭаку иахьатәи Украина ахада Пиотр Порошенко изы рыбжьы рҭиӡом ҳәа иҳәоит апортал РИА Новости Украина ахада Кирилл Вышински.

АҞӘА, мшаԥы 18 - Sputnik. Апортал РИА Новости Украина ахада Кирилл Вышински еиҭеиҳәеит Киевтәи аусӡбарҭаҿ иҭаку алхрақәа ирышьклаԥшуеит, иахьатәи Украина ахада Пиотр Порошенко бзиа дырбаӡом ҳәа.

Ажурналист иажәақәа рыла Пиотр Порошенко ихыччоит, аԥыжәара иоуп ҳәагьы иазыԥшым.

"2014 шықәсазы Донбасс аибашьра мчыбжьқәак рыла салгоит ҳәа зҳәаз, аха нас уи аԥара аҭнухыр шауа еилызкааз атәыла ахада ихыччоит. Иахыччоит алхрақәа рыламҭалаз игхақәа ибо дахьалагаз", - ҳәа иҩуеит ажурналист РИА Новости ахь.

Иара убри аан ажурналист иҳәеит аччара ишаамҭам Порошенко даныҽхәо, аиҳаракгьы "Европа зегь рҟны иреиӷьу ар аԥысҵеит", визада Евроеидгыла анеира сара исыбзоуроуп аниҳәо.

Вышински иажәақәа рыла ара иҭакуп х-нызқьҩык инарзынаԥшуа абаандаҩцәа. Урҭ зегьы шамахамзар Порошенко дырцәымӷуп.

"Зеленскигьы даарак игәра ргом, избанзар ишьҭахь игыло украинатәи аолигарх Игор Коломоиски игага убарҭоуп. Порошенко аҵыхәтәанӡа амчра дшахьынҳалогьы рдыруеит. Убри ауп ирҭахы-ирҭахым Зеленски изы рыбжьы аҭира еиҳа изақәшаҳаҭу", - ҳәа иҳәоит иара.

Вышински иазгәеиҭоит Порошенко алхрақәа рышьҭахь абрахь даанагаргьы ҟалоит ҳәа.

Украина ахада иалхрақәа мҩаԥысуан хәажәкыра 31 рзы. Алхрақәа аҩбатәи ртур мҩаԥысуеит мшаԥы 21 рзы. Аҩбатәи атур ахь инеиит Пиотр Порошенкои Владимир Зеленскии.

Апортал РИА Новости Украина анапхгаҩы Кирилл Вышински даанкылан Киев, лаҵара 15, 2018 шықәса рзы. Ажурналист аҳәынҭқарра иԥсахит ҳәа ахара идырҵоит. Абри ахәҭаҷ ала иазԥхьагәаҭоуп 15 шықәса рҟынӡа ҭакрала ахгара.

Вышински Урыстәыла ахада Владимир Путин иахь аҳәара ҟаиҵеит ацхырааразы. Иара Украина атәылауаҩра мап ацәкра дазыхиоуп.

Арзаҳал Украина ахада иусеилыргарҭахь инашьҭуп, аха макьаназы уи аҭак ҟаҵам. Урыстәыла ахада ари аҭагылазаашьа аиԥш зеиԥшу ыҟам ҳәа ахиҳәааит, иазгәеиҭеит "Вышински дзаанкылоу ипрофессионалтә усуразоуп" ҳәа. Москва Киевҟа инанашьҭит апресса ахаҭарнак иганахьала имҩаԥнаго ақәымчра ааннакыларц азы аҿагыларазы ажәанҵа.

Амассатә информациатә хархәагақәа рхақәиҭра азҵаарақәа рзы ОБСЕ ахаҭарнак Арлем Дезир уаанӡагьы агәҭынчымра ааирԥшхьан Киев апортал РИА Новости Украина аганахьала ахымҩаԥгашьазы. Дезир ааԥхьара ҟаиҵахьеит ажурналист ихы дақәиҭыртәырц.

 

43
Атемақәа:
Вышински иус (51)

Урыстәыла Аконституциа ариашарақәа рзы абжьыҭара ҟалоит ԥхынгәы 1 азы

4
(ирҿыцуп 10:21 02.06.2020)
Урыстәылатәи Афедерациа Аконституциахь аԥсахрақәа ралагаларазы абжьыҭара ҟалараны иҟан мшаԥы 22 рзы, аха акоронавирус иахырҟьаны иахыган.

АҞӘА, рашәара 2 - Sputnik. Урыстәыла ахада Владимир Путин аусԥҟа инапы аҵаиҩит Урыстәыла Аконституциа ариашарақәа рзы абжьыҭара ҟалоит ԥхынгәы 1 азы ҳәа. Аусԥҟа атекст кьыԥхьуп Кремль асаит аҿы.

"2020 шықәса ԥхынгәы 1 Аконституциа аԥсахрақәа ралагаларазы абжьыҭира иамшны ишьақәгылазааит", - ҳәа аҳәоит адокумент аҿы.

Аусԥҟаҿ иарбоуп абжьыҭараан ишазхьаԥштәу аепидемиологиатә ҭагылазаашьа, ауааԥсыра рсанитар-епидемиологиатә хьчара.

Ԥхынгәы 1 Урыстәыла иԥсшьарамшхоит.

Иара убас шәаԥхьар ҟалоит:

4

Ҟәбина авирус змаз рҟынтәи 70% ргәабзиара шьақәгылеит

4
(ирҿыцуп 12:55 01.06.2020)
Аҵыхәтәантәи уахыки-ҽнаки рыла арегион аҿы 84 COVID-19 хҭыс ҿыц аҭыԥ амоуп. Апациентцәа рықәра ԥшьымз зхыҵуа инаиркны 88 шықәса зхыҵуа рҟынӡа инаӡоит.

АҞӘА, рашәара 1 - Sputnik. Краснодартәи атәылаҿацә аҿы авирус змаз рҟынтәи 70% ргәабзиара шьақәгылеит ҳәа аанацҳауеит Ҟәбина ахадара.

Аҵыхәтәантәи уахыки-ҽнаки рыла арегион аҿы 84 хҭыс ҿыц аҭыԥ амоуп COVID-19 ачымазарз.

"Иахьазы ачымазара рымоуп ҳәа ишьақәыргылоуп 3908-ҩык. Урҭ рҟынтәи 233-ҩык хәыҷқәоуп, 2748-ҩык ргәабзиара шьақәгылеит, 33-ҩык рыԥсҭазаара иалҵит. Арыԥҳақәа рҳауаҭарсра иахыргеит 35 пациент", - ҳәа аҳәоит арегион агәабзиарахьчара аминистрраҿы.

Амедицинатә усҳәарҭақәа рахь акоронавирус рымазар ҳәа идҵаалеит 9771-ҩык. Астационар аҿы аҽыхәышәтәра иахысуеит 2191-ҩык, 205-ҩык хәыҷқәоуп. Аполиклиникақәа рҿы агәаҭара иахысуеит 13466-ҩык, 586-ҩык хәыҷқәоуп.

Аԥсны акоронавирус апандемиа ҟалазар аахыс 28 хҭыс аҭыԥ амоуп. Аӡәы лыԥсҭазаара далҵит.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау
Мост на реке Ингур, соединяющий Грузию с Абхазией. Архивное фото.

Атест-система ҿыцқәеи аҳәаа агәаҭареи: Аԥсны аепидемиологиатә ҭагылазаашьа

1
(ирҿыцуп 11:15 02.06.2020)
Аԥсны Аҳәынҭқарратә шәарҭадаратә маҵзура адыррақәа рыла, лаҵара 26 инаркны рашәара 1 аҟынӡа ареспубликахь ихынҳәит 532-ҩык ауааԥсыра, акарантин аамҭазы Қырҭтәыла иҟаз.

АҞӘА, рашәара 2 – Sputnik, Бадри Есиава. Аԥсныҟа иаагоуп 4400 тест-система ҿыц, амедусзуҩцәа лаҵара 26 инаркны рашәара 1 аҟынӡа ареспубликахь ихынҳәыз 532-ҩык ауааԥсыра, акарантин аамҭаз Қырҭтәыла иҟаз рыхәҭак гәарҭахьеит ҳәа еиҭалҳәеит асанитартә ҳақьым хада Лиудмила Скорик.

"Егрытәи аҳәаа иахысыз зегьы рганахьала ашәҟәқәа шьақәыргылоуп, игоуп ранализқәа авирусологиатә лабораториахь инашьҭу. Иахьатәи аамҭазы акоронавирус аӡәгьы имам", - лҳәеит Скорик.

Убри аан заҟаҩы гәарҭахьоу рхыԥхьаӡара лара иазгәалымҭеит.

Скорик иара убасгьы илҳәеит ареспубликахь иҭалаз ауаа аҽыԥхьакра арежим ишахысуа. Аҩнуҵҟатәи аусқәа рминистрра аусзуҩцәа дара амедицинатә бжьагарақәа ишрықәныҟәо гәарҭоит. Скорик лажәақәа рыла, СЕС макьаназ дыррак амам иааз атәылауаа ари арежим еиларгоит ҳәа.

Скорик иара убасгьы дрылацәажәеит ԥхьаҟатәи азԥхьагәаҭарақәа.

"Азыԥхьагәаҭарақәа шьахәуп. Гәдоуҭатәи ахәышәтәырҭаҟынтәи илааҩаауеит занализқәа шьақәгылоу ауаа. Уа уажәы зынӡа хҩык роуп иҟоу. Ҳашцац ҳцозар, зегь маншәалахоит", - лҳәеит Скорик.

Лара ааԥхьара ҟалҵеит ауааԥсыра амассатә уснагӡатәқәа рыҽрыцәхьаркларц.

Лаҵара 26 инаркны рашәара 1 аҟынӡа ареспубликахь ихынҳәит 532-ҩык Аԥсны ауааԥсыра, мшаԥы 14 аахыс акарантин аамҭаз Қырҭтәыла иҟаз. Рашәара 1 азы аҳәаа еиҭаркхеит.

Акоронавирус иадҳәалоу ажәабжьқәа зегьы шәрыҳьар ҟалоит абра>>

1