Шри-Ланка иҟалаз аԥжәарақәа инарымаданы ауаа аанкылоуп

© AFP 2023 / DINUKA LIYANAWATTEШри-Ланка иҟалаз аԥжәарақәа
Шри-Ланка иҟалаз аԥжәарақәа - Sputnik Аҧсны
Анапаҵаҩра
Шри-Ланка иҟалаз аԥжәарақәа рышьҭахь азинхьчаратә усбарҭақәа агәҩара зызроуз 24-ҩык ауаа ааныркылеит.

АҞӘА, мшаԥы 22 - Sputnik. Шри-Ланка азинхьчаратә усбарҭақәа ртәылаҿы иҟалаз аԥжәарақәа ааба рышьҭахь 24-ҩык ауаа ааныркылеит. Абри атәы аанацҳауеит РИА Новости.

Шри-Ланка иҟалаз атҟәацрақәа - Sputnik Аҧсны
Аԥсны ААР Шри-Ланка иҟалаз атҟәацрақәа инарымаданы ирыдышшылеит

Иаанкылоу рыхьыӡқәа макьаназ ирҳәом. Урҭ аанкылоуп ашьауӷатә ҭҵаарақәа русбарҭаҟны.

Акатоликцәа руахәамақәа рҿы Амшаԥныҳәа аназгәарҭоз аамҭазы аԥжәарақәа ааба атәыла ахы-аҵыхәа иҟалеит. 290-ҩык ҭахеит. Урҭ рыбжьара иҟоуп аҳәаанырцә тәылақәа ртәылауаа - Даниа, Иапониа, Пакистан, Марокко, Индиа, Бангладеш, КНР, Нидерланды, ЕАА, Тырқәтәыла, Британиа ду рҟынтәи. 500-ҩык еиуеиԥшым ахәрақәа роуит. Шри-Ланка иҟоу Урыстәыла ацҳаражәҳәарҭа адыррақәа рыла, дара ртәылауаа ԥырхага рмоуит, иагьрабжьыргоит Коломбо ацара мап ацәыркларц.

Шри-Ланка атҟәацрақәа ааба ҟалеит, ауаа рацәаҩны иҭахеит>>

Шри-Ланка аиҳабыра акоменданттә сааҭ рыларҳәеит. Иадыркит асоциалтә ҳақәеи интернет-мессенџьерқәеи.

Шри-Ланка ахада Маитрипал Сирисен иҟалаз атерактқәа рыҭҵаара анапы ианиҵеит ҷыдала иаԥиҵаз аилак.

Ажәабжьқәа зегьы
0