Урыстәыла ауаҩытәыҩса изинқәа рзы азинмчы змоу Татиана Москальковеи апортал РИА Новости Украина ахада Кирилл Вышинскии

Москалькова: Вышински азин аганахьала иус аиԥш зеиԥшу уԥылом

34
(ирҿыцуп 11:12 03.05.2019)
МИА "Россия сегодня", RT редактор хада Маргарита Симониан уаанӡа ажәалагала ҟалҵахьан лаҵара 15 рзы акьыԥхь ахақәиҭра Адунеизегьтәи Амш аҽны Москва иҟоу Украина Ацҳаражәҳәарҭа аҿаԥхьа ажәа ахақәиҭра иалацәажәазарц.

АҞӘА, лаҵара 3 - Sputnik. Урыстәыла ауаҩытәыҩса изинқәа рзы азинмчы змоу Татиана Москалькова апортал РИА Новости Украина ахада Кирилл Вышински иус иеиԥшу адунеижәларбжьаратә зин аганахьала аиԥш зеиԥшу уԥылом лҳәеит ҳәа аанацҳауеит РИА Новости.

"Адунеижәларбжьаратә зин аганахьала ари аҭагылазаашьа аиԥш зеиԥшу уԥылом. Агәыӷра сымоуп аӡбарҭа аформат ҿыц аиашара аанарԥшып, иҟоу аҭагылазаашьа азинхьчаратә тематика иақәшәо иазнеип", - лҳәоит Москалькова.

Москалькова лгәаанагарала, Вышински ихарарҵо азакәаншьаҭа амам, иҟаҵәҟьоу ипрофессионалтә усура ахьынеигӡоз ианарыжьуам ауп.

Москалькова иара убасгьы илҳәеит 2018 шықәса рзы Украина алалараз мап рцәыркит урыстәылатәи ажурналистцәа жәпаҩык ҳәа.

"Акраҵанакуеит лаҵара 15 рзы акьыԥхь ахақәиҭра Адунеизегьтәи Амш аҽны ажурналистцәа рзинқәа реилагара "мап" ҳәа азаҳҳәар", - лҳәоит азинхьчаҩ.

Апортал РИА Новости Украина анапхгаҩы Кирилл Вышински даанкылан Киев, лаҵара 15, 2018 шықәса рзы. Ажурналист аҳәынҭқарра иԥсахит ҳәа ахара идырҵоит. Абри ахәҭаҷ ала иазԥхьагәаҭоуп 15 шықәса рҟынӡа ҭакрала ахгара.

Вышински Урыстәыла ахада Владимир Путин иахь аҳәара ҟаиҵеит ацхырааразы. Иара Украина атәылауаҩра мап ацәкра дазыхиоуп.

Арзаҳал Украина ахада иусеилыргарҭахь инашьҭуп, аха макьаназы уи аҭак ҟаҵам.

Урыстәыла ахада ари аҭагылазаашьа аиԥш зеиԥшу ыҟам ҳәа ахиҳәааит, иазгәеиҭеит "Вышински дзаанкылоу ипрофессионалтә усуразоуп" ҳәа. Москва Киевҟа инанашьҭит апресса ахаҭарнак иганахьала имҩаԥнаго ақәымчра ааннакыларц азы аҿагыларазы ажәанҵа.

Амассатә информациатә хархәагақәа рхақәиҭра азҵаарақәа рзы ОБСЕ ахаҭарнак Арлем Дезир уаанӡагьы агәҭынчымра ааирԥшхьан Киев апортал РИА Новости Украина аганахьала ахымҩаԥгашьазы.

Дезир ааԥхьара ҟаиҵахьеит ажурналист ихы дақәиҭыртәырц.

 

34
Атемақәа:
Вышински иус (51)

Урыстәыла Аконституциа ариашарақәа рзы абжьыҭара ҟалоит ԥхынгәы 1 азы

4
(ирҿыцуп 10:21 02.06.2020)
Урыстәылатәи Афедерациа Аконституциахь аԥсахрақәа ралагаларазы абжьыҭара ҟалараны иҟан мшаԥы 22 рзы, аха акоронавирус иахырҟьаны иахыган.

АҞӘА, рашәара 2 - Sputnik. Урыстәыла ахада Владимир Путин аусԥҟа инапы аҵаиҩит Урыстәыла Аконституциа ариашарақәа рзы абжьыҭара ҟалоит ԥхынгәы 1 азы ҳәа. Аусԥҟа атекст кьыԥхьуп Кремль асаит аҿы.

"2020 шықәса ԥхынгәы 1 Аконституциа аԥсахрақәа ралагаларазы абжьыҭира иамшны ишьақәгылазааит", - ҳәа аҳәоит адокумент аҿы.

Аусԥҟаҿ иарбоуп абжьыҭараан ишазхьаԥштәу аепидемиологиатә ҭагылазаашьа, ауааԥсыра рсанитар-епидемиологиатә хьчара.

Ԥхынгәы 1 Урыстәыла иԥсшьарамшхоит.

Иара убас шәаԥхьар ҟалоит:

4

Ҟәбина авирус змаз рҟынтәи 70% ргәабзиара шьақәгылеит

4
(ирҿыцуп 12:55 01.06.2020)
Аҵыхәтәантәи уахыки-ҽнаки рыла арегион аҿы 84 COVID-19 хҭыс ҿыц аҭыԥ амоуп. Апациентцәа рықәра ԥшьымз зхыҵуа инаиркны 88 шықәса зхыҵуа рҟынӡа инаӡоит.

АҞӘА, рашәара 1 - Sputnik. Краснодартәи атәылаҿацә аҿы авирус змаз рҟынтәи 70% ргәабзиара шьақәгылеит ҳәа аанацҳауеит Ҟәбина ахадара.

Аҵыхәтәантәи уахыки-ҽнаки рыла арегион аҿы 84 хҭыс ҿыц аҭыԥ амоуп COVID-19 ачымазарз.

"Иахьазы ачымазара рымоуп ҳәа ишьақәыргылоуп 3908-ҩык. Урҭ рҟынтәи 233-ҩык хәыҷқәоуп, 2748-ҩык ргәабзиара шьақәгылеит, 33-ҩык рыԥсҭазаара иалҵит. Арыԥҳақәа рҳауаҭарсра иахыргеит 35 пациент", - ҳәа аҳәоит арегион агәабзиарахьчара аминистрраҿы.

Амедицинатә усҳәарҭақәа рахь акоронавирус рымазар ҳәа идҵаалеит 9771-ҩык. Астационар аҿы аҽыхәышәтәра иахысуеит 2191-ҩык, 205-ҩык хәыҷқәоуп. Аполиклиникақәа рҿы агәаҭара иахысуеит 13466-ҩык, 586-ҩык хәыҷқәоуп.

Аԥсны акоронавирус апандемиа ҟалазар аахыс 28 хҭыс аҭыԥ амоуп. Аӡәы лыԥсҭазаара далҵит.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау