Кирилл Вышински

Зеленски ихьӡала Вышински ихақәиҭтәразы ажурналистцәа ашәҟәы нарышьҭит

34
(ирҿыцуп 11:34 04.05.2019)
Аграждантә уаажәларра рыҿиареи ауаатәыҩса рхақәиҭреи рзы Ахеилак уаанӡа адырра ҟанаҵахьан Украина ахада ҿыц Владимир Зеленски ихьӡала ашәҟәы шаздырхио азы, апортал РИА Новости Украина ахада Кирилл Вышински иус аганахь ала.

АҞӘА, лаҵара 3 — Sputnik. Апортал РИА Новости Украина ахада Кирилл Вышински ихы иақәиҭтәразы ажурналистцәа Украина ахада ҿыц Владимир Зеленски иахь инарышьҭыз ашәҟәы рнапы аҵарҩит 240-ҩык ауаа ҳәа аанацҳауеит РИА Новости.

Урыстәылатәи ажурналистцәа рпетициа атекст амаҵзура асаит аҿы ицәыргоуп.

Апетициа рнапы аҵарҩит: ажурналистцәа Реидгыла ахантәаҩы Владимир Соловьев, МИА "Россия сегодня", RT, Sputnik рредактор хада Маргарита Симониан, ателеканал "Россия-1" адиректор хада ихаҭыԥуаҩ Сергеи Брилиов, ателеканал ТВЦ адиректор хада Иулиа Быстрицкаиа, ТАСС адиректор хада Сергеи Михаилов, аредактор хада Максим Филимонов, ателеканал НТВ аредактор хада Александра Кошарницкаиа, "Матч-ТВ" апродиусер Тина Канделаки, амаҵзура "Росбалт" адиректор хада Николаи Улианов, "Россиа 1" амҩаԥгаҩцәа Ольга Скабеевеи Евгени Попови, апортал LIFE аредактор актәи ихаҭыԥуаҩ Андреи Гридасов, ажурналистцәа Пиотр Толстои, Евгени Примаков, Евгени Ревенко уҳәа егьырҭгьы.

Урыстәылатәи ажурналистцәа Зеленски иҳәеит Вышински иоужьраҿ ацхыраара иурц>>

Акьыԥхь ахақәиҭра Адунеизегьтәи Амш (World Press Freedom Day) азгәарҭоит есышықәса лаҵара 3 рзы.

Апортал РИА Новости Украина анапхгаҩы Кирилл Вышински даанкылан Киев, лаҵара 15, 2018 шықәса рзы. Ажурналист аҳәынҭқарра иԥсахит ҳәа ахара идырҵоит. Абри ахәҭаҷ ала иазԥхьагәаҭоуп 15 шықәса рҟынӡа ҭакрала ахгара.

Вышински Урыстәыла ахада Владимир Путин иахь аҳәара ҟаиҵеит ацхырааразы. Иара Украина атәылауаҩра мап ацәкра дазыхиоуп.

Арзаҳал Украина ахада иусеилыргарҭахь инашьҭуп, аха макьаназы уи аҭак ҟаҵам.

Урыстәыла ахада ари аҭагылазаашьа аиԥш зеиԥшу ыҟам ҳәа ахиҳәааит, иазгәеиҭеит "Вышински дзаанкылоу ипрофессионалтә усуразоуп" ҳәа. Москва Киевҟа инанашьҭит апресса ахаҭарнак иганахьала имҩаԥнаго ақәымчра ааннакыларц азы аҿагыларазы ажәанҵа.

Амассатә информациатә хархәагақәа рхақәиҭра азҵаарақәа рзы ОБСЕ ахаҭарнак Арлем Дезир уаанӡагьы агәҭынчымра ааирԥшхьан Киев апортал РИА Новости Украина аганахьала ахымҩаԥгашьазы.

Дезир ааԥхьара ҟаиҵахьеит ажурналист ихы дақәиҭыртәырц.

34
Атемақәа:
Вышински иус (51)

Урыстәыла Аконституциа ариашарақәа рзы абжьыҭара ҟалоит ԥхынгәы 1 азы

5
(ирҿыцуп 10:21 02.06.2020)
Урыстәылатәи Афедерациа Аконституциахь аԥсахрақәа ралагаларазы абжьыҭара ҟалараны иҟан мшаԥы 22 рзы, аха акоронавирус иахырҟьаны иахыган.

АҞӘА, рашәара 2 - Sputnik. Урыстәыла ахада Владимир Путин аусԥҟа инапы аҵаиҩит Урыстәыла Аконституциа ариашарақәа рзы абжьыҭара ҟалоит ԥхынгәы 1 азы ҳәа. Аусԥҟа атекст кьыԥхьуп Кремль асаит аҿы.

"2020 шықәса ԥхынгәы 1 Аконституциа аԥсахрақәа ралагаларазы абжьыҭира иамшны ишьақәгылазааит", - ҳәа аҳәоит адокумент аҿы.

Аусԥҟаҿ иарбоуп абжьыҭараан ишазхьаԥштәу аепидемиологиатә ҭагылазаашьа, ауааԥсыра рсанитар-епидемиологиатә хьчара.

Ԥхынгәы 1 Урыстәыла иԥсшьарамшхоит.

Иара убас шәаԥхьар ҟалоит:

5

Ҟәбина авирус змаз рҟынтәи 70% ргәабзиара шьақәгылеит

4
(ирҿыцуп 12:55 01.06.2020)
Аҵыхәтәантәи уахыки-ҽнаки рыла арегион аҿы 84 COVID-19 хҭыс ҿыц аҭыԥ амоуп. Апациентцәа рықәра ԥшьымз зхыҵуа инаиркны 88 шықәса зхыҵуа рҟынӡа инаӡоит.

АҞӘА, рашәара 1 - Sputnik. Краснодартәи атәылаҿацә аҿы авирус змаз рҟынтәи 70% ргәабзиара шьақәгылеит ҳәа аанацҳауеит Ҟәбина ахадара.

Аҵыхәтәантәи уахыки-ҽнаки рыла арегион аҿы 84 хҭыс ҿыц аҭыԥ амоуп COVID-19 ачымазарз.

"Иахьазы ачымазара рымоуп ҳәа ишьақәыргылоуп 3908-ҩык. Урҭ рҟынтәи 233-ҩык хәыҷқәоуп, 2748-ҩык ргәабзиара шьақәгылеит, 33-ҩык рыԥсҭазаара иалҵит. Арыԥҳақәа рҳауаҭарсра иахыргеит 35 пациент", - ҳәа аҳәоит арегион агәабзиарахьчара аминистрраҿы.

Амедицинатә усҳәарҭақәа рахь акоронавирус рымазар ҳәа идҵаалеит 9771-ҩык. Астационар аҿы аҽыхәышәтәра иахысуеит 2191-ҩык, 205-ҩык хәыҷқәоуп. Аполиклиникақәа рҿы агәаҭара иахысуеит 13466-ҩык, 586-ҩык хәыҷқәоуп.

Аԥсны акоронавирус апандемиа ҟалазар аахыс 28 хҭыс аҭыԥ амоуп. Аӡәы лыԥсҭазаара далҵит.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Нинуа: ачымазара ҿкы арратә ҵараиурҭа аусура иаԥырхагамхеит

0
Аҟәатәи иреиҳаӡоу азеиԥштә арратә дҵаҟаҵаратә ҵараиурҭа аиҳабы инапынҵақәа назыгӡо Игор Нинуа арадио Sputnik аефир аҟны еиҭеиҳәеит ачымазара ҿкы аҽацәыхьчаразы иалагалаз аԥкрақәа раан аҵараиурҭа аус шауа.
Нинуа: ачымазара ҿкы арратә ҵараиурҭа аусура иаԥырхагамхеит

"Сынтәа иҟоу ачымазара арратә ҵараиурҭа иаԥырхагамхеит ҳәа агәра pгоит, избанзар аҵара мҩаԥысуан. Акарантин аан аҩныҟа аӡәгьы даҳмышьҭӡеит, ҳара аруаа хәыҷык даҽа ԥҟарақәак ҳамоуп. Адәахьы аӡәгьы доуҳмыжьӡеит, уаантәигьы аӡәгьы дааҳмышьҭӡеит. Акарантин аԥҟарақәа ишақәнагоу ҳрыцныҟәон. Ашьыжь абаҩрҵәыра мҩаԥаҳгоит, уи зегьы ирабжьызгоит, аӡәгьы ахьҭа илалом, ргәы бзиа, рхы бзиа иҟазаауеит.

Сынтәа ԥшышықәса аҵара зҵаз аушьҭымҭацәа хәҩык ҳамоуп. Зегьы ибзианы аҵара рҵоит, агәра ганы сыҟоуп иарбан ҭыԥзаалак иахьнеиуа алҵшәа бзиа аадырԥшуеит ҳәа", - иҳәеит Нинуа.

Иара убас шәаԥхьар ҟалоит:

0