Бџьарла еибыҭаз Гитлер ишьҭрақәлаҩцәа ргәыԥ Урыстәыла иҭарыԥшыхәит

12
Азинхьчаратә органқәа агәыԥ алахәылацәа ирымырхит аҳәызбақәа, акәылӡышәҵатәқәа, аҽыҵәахратәхалаҭқәа, абитақәа, аракеташьҭыгақәа, арациақәа, арезиналых лабақәа.

АҞӘА, лаҵара 7 - Sputnik. 30-ҩык рҟынӡа Адольф Гитлер ишьҭрақәлаҩцәа ргәыԥ аадырԥшит Аиааира амшныҳәа аламҭалазы ҳәа аанацҳауеит РИА Новости.

Азинхьчаратә органқәа агәыԥ алахәылацәа ирымырхит абџьар, аҳәызбақәа, акәылӡышәҵатәқәа, аҽыҵәахратәхалаҭқәа, абитақәа, аракеташьҭыгақәа, арациақәа, арезиналых лабақәа.

"Лаҵара 7 рзы агәыԥ алахәылацәа арадикалцәа ахьынхоз аҭыԥқәа рҿы имҩаԥгаз аԥшаарақәа ирылҵшәаны иаарԥшын: акомпиутерқәа, ателефонқәа, афлешкақәа, Адольф Гитлер исахьеи афашисттә символикеи зныԥшуа акьыԥхьтә ҭыжьымҭақәа, "Калашников" автоматқәа, атапанчақәа ПМ", - ҳәа аҳәоит адырраҭараҿы.

Урыстәыла ашьаусҭҵааратә Еилакы ашьаус хацнаркит абри аус аганахь ала.

Амаҵзура ахаҭарнак иажәақәа рыла агәыԥ алахәылацәа Москва, Владимир, Риазань рҿы аекстремисттәии атеррористтәии цәгьоурақәа рымҩаԥгара рыгәҭакын.

12