Ацхыраара лас амашьынақәа аҳаирбаӷәаза Шереметьево аҟны

Sukhoi Superjet 100 апассаџьырцәа руаӡәк ахәышәтәырҭа дҭырҩааит

33
(ирҿыцуп 11:06 14.05.2019)
Урыстәыла Ашьаусҭҵааратә еилакы адыррақәа рыла Шереметьево 78-ҩык апассаџьырцәеи аԥрыҩцәеи рҟынтәи иҭахеит 41-ҩык.

АҞӘА, лаҵара 14 - Sputnik. Шереметьево, аҳаирплан Sukhoi Superjet 100 аҟны амцакраан ааха зауны ахәышәтәырҭа иҭаз апассаџьырцәа руаӡәк дҭырҩааит ҳәа аанацҳауеит РИА Новости.

Иахьатәи аамҭазы ахәышәтәра иахысуеит жәҩык ауааԥсыра. Урҭ рҟынтәи хәҩык Склифосовски ихьӡ зху ацхыраара ласы аинститут аҿы, ԥшьҩык – Вишневски ихьӡ зху Амилаҭтә медицинатә центр аҿы.

Уаанӡа амаҵзура ҷыдақәа рхаҭарнакцәа "Амолекулиар-генетикатә идентификациа аганахьала аусурақәа хыркәшоуп, Sukhoi Superjet 100 аҟны иҭахаз рыԥсыбаҩқәа рхаҭарақәа шьақәыргылоуп" ҳәа адырра ҟарҵахьан.

Шереметьево апассаџьыртә ҳаирплан Sukhoi Superjet 100 Москва - Мурманск амца акит лаҵара 5 рзы. Уи 28 минуҭ аҳауа ишалаз, иаалырҟьаны иахьынтәишьҭыԥрааз аҳаирбаӷәаза "Шереметьево" ахь ихынҳәыр акәхеит. Аҳауатә ҭагылазаашьа иахҟьаны, ҩынтә атәарҭа иахыԥраауан. Иантәоз аҳаирплан ашассиқәа ԥҵәеит, аусаругақәа амца рыцралеит.78-ҩык апассаџьырцәа рахьтә 41 ҭахеит, 37-ҩык еиқәхеит.

Иҟалаз ахҭыс инамаданы ҩыџьа ма инареиҳаны ауааԥсыра рыԥсҭазаара ралҵра зыхҟьаз аҳаиртә транспорт ашәарҭадара аԥҟарақәа реилагаразы ашьаусҭҵаара хацыркуп.

 

33

Краснодар уахыки-ҽнаки рыла 79 коронавирус хҭыс азгәаҭоуп, хҩык рыԥсҭазаара иалҵит

2
(ирҿыцуп 17:46 02.06.2020)
Арегионалтә оперштаб адыррақәа рыла апандемиа иаалагазар Краснодартәи атәылаҿацә аҿы иԥсхьеит 36-ҩык COVID-19 змаз.

АҞӘА, рашәара 2 - Sputnik. Адиагноз "акоронавирус" ззықәыргылаз хҩык рыԥсҭазаара иалҵит Краснодартәи ахәышәтәырҭақәа рҿы ҳәа аанацҳауеит COVID-19 аҿагыларазы аоперативтә штаб.

Атәылаҿацә аҿы пандемиа иаалагазар акоронавирус змоу рхыԥхьаӡара 3987-ҩык ыҟоуп. Урҭ рҟынтәи 2842 пациент ргәы бзиахахьеит. Краснодар аҵыхәтәантәи уахыки-ҽнаки рыла 79 коронавирус хҭыс азгәаҭоуп, хҩык рыԥсҭазаара иалҵит.

Иахьазы Урыстәыла 423 741 акоронавирус хҭыс азгәаҭоуп 85 регион рҿы. Иԥсхьеит 5 037-ҩык, ргәабзиара шьақәгылеит 186 985-ҩык.

Краснодартәи атәылаҿацә аҿы акарантин аҿҳәара инахоуп рашәара 6 рҟынӡа. Атәылаҿацә алалара макьаназы иԥкуп атранзит транспорт азы ада.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

2
Астероид на фоне Земли

NASA Адгьыл ишәарҭоу астероид шазааигәахо азы адырра ҟанаҵеит

3
(ирҿыцуп 15:57 02.06.2020)
Адгьыл азы ишәарҭоу астероид аҭбаара 250—570 метра иҟоуп. Зегь раасҭа иара адгьыл иазааигәахараны иҟоуп асааҭ 06:00 рзы.

АҞӘА, рашәара 2 - Sputnik. Адгьыл азы ишәарҭоу астероид 163348 (2002 NN4) асабша Адгьыл иазааигәахоит ҳәа аҳәоит НАСА асаитқәа руак аҿы.

Зегь раасҭа иара адгьыл иазааигәахараны иҟоуп асааҭ 06:00 рзы.

Убри аан иара апланета иаахап ҳәа азгәарҭом, избанзар Амза аорбита аасҭа 13-нтә ихарахоит.

Астероид гәаҭан 2002 шықәса рзы. Иара Амра зныктәи акәшара 300 дгьылтә уахи-ҽни иҟоуп.

Иара убас шәаԥхьар ҟалоит:

3

Гәарамиа акалмаҳааӡарҭазы: аԥсшьаҩцәа ҳзымаар, ҳус ҽеихом

0
(ирҿыцуп 18:10 02.06.2020)
Гәылрыԥшь араион Дранда аҳаблан иҟоу акалмаҳааӡарҭа "Кәыдрытәи аӡыхь" аԥшәма Беслан Гәарамиа арадио Sputnik арубрика "Раионк аԥсҭазаараҟынтә" аҿы еиҭеиҳәеит русура шеиҿкаау, уадаҩрас ирымоу атәы.
Раионк аԥсҭазаараҟынтә: Гәарамиа акалмаҳааӡарҭа аусура иазкны

"Ҳусқәа хар рымамкәа ицоит, аха адунеи аҟны иҟоу ачымазара иахҟьаны ишьақәгылаз аҭагылазаашьа ҳԥырхагоуп. Акоронавирус иахҟьаны аԥсшьаҩцәа ҳзымаар, ҳус ҽеихом. Урҭ ааир, ҳшәахтәқәа, ҳуалгьы ҳшәоит, ҳаргьы хәыҷык ҳауа иҟалон. Аԥсыӡқәа рыфатә уалла иааҳгеит, миллион мааҭ инацны иҳақәуп. Избанзар 60-70 кьыла ҽнак ирфоит, кьылак 150-200 мааҭ рҟынӡа иаԥсоуп рыфатә. Уи 10 тоннак ааҳгеит, акәацлых ауп, ахә цәгьоуп", - иҳәеит Гәарамиа.

Иара убасгьы еиҭеиҳәеит аԥсыӡааӡарҭаҟны шаҟаҩы аус руа, акалмаҳа аҭыԥаҟны ишхырхуа, уи шаҟа мааҭ иаԥсоу.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

0