SputnikPro ажурналистцәа рзы асессиа мҩаԥнагеит

44
(ирҿыцуп 13:27 16.05.2019)
Апрактикатә усурақәа раан ажурналистцәа алацәажәеит адунеитә информациатә ҵакыра аҿиара атенденциа хадақәа.

АҞӘА, лаҵара 16 –Sputnik. Жәларбжьаратәи аинформациатә маҵзуреи арадиои Sputnik Москва имҩаԥнагеит апроект SputnikPro изаамҭанытәиу асессиа ИАРи Балтиеи ртәылақәа рҟынтәи ажурналистцәа рзы. Апрограмма иалахәуп — агазеҭ "Hraparak" (Ермантәыла), "Гомельская праўда" (Беларусь), "Обзор" (Литва), ателеканалқәа Абаза ТВ (Аԥсны), "TV1.KG" (Кыргызстан), аинформациатә маҵзурақәа "Новости-Азербайджан"; ONA (Азербайджан), ателерадиокорпорациа "Казахстан" рхаҭарнакцәа.

© Sputnik
SputnikPro ажурналистцәа рзы асессиа мҩаԥнагеит

Арҵаратә проект аменеџьерцәеи аекспертцәеи алахәылацәа иднардырит Жәларбжьаратәи аинформациатә маҵзуреи арадиои Sputnik аҷыдарақәа, аконтент аԥҵашьа, аинтернет-аналитика аус адулашьа.

"SputnikPro — иуникалу проектуп, ҿыц ахԥышәара иалаго азанааҭуаа ажурналисттә усура аспектқәа дырдырреиԥш ридеиақәеи рԥышәаәқеи ахьеимырдаша аҭыԥгьы рнаҭоит. Апроект шықәсык иназынаԥшуа аус ауеит. Иахьазы иаҳбарҭоуп иара даара актуалра аҵаны ишыҟалаз абри аамҭала", - иҳәоит Жәларбжьаратәи аинформациатә маҵзуреи арадиои Sputnik аредактор хада лхаҭыԥуаҩ Андреи Благодыренко.

"Асеиԥш иҟоу апрограммақәа акыр ихәарҭоуп. Ҳара ҳгазеҭ ааигәа 102 шықәса ахыҵит аха ҳара иаҳҭахуп аамҭа ҳақәшәозарц. Уажәы ҳара асаит, арадио, асоциалтә ҳақәа, арбаратә контент русура еиҵаҳхуеит. Убри азы акыр аинтерес ҳзаҵоуп амультимедиатә форматқәа Sputnik аҿы аус шыруа", - лҳәоит "Гомельская праўда" ажурналист Анастасиа Лашкевич.

Арҵаратә программа SputnikPro – урыстәылатәи амедимениџьерцәеи АИХ рҟны аԥышәа ду змоу аҟазауааи имҩаԥырго аӡыргарақәеи амастер-классқәеи рсериоуп. Апрограмма иӡырнагоит ҳаамҭазтәи амультимедиатә информмаҵзурақәа русура атехнологиақәеи астандартқәеи.

© Sputnik
SputnikPro ажурналистцәа рзы асессиа мҩаԥнагеит

Раԥхьатәи амастер-классқәа рсериа мҩаԥысит Минск. Урыстәылатәи АИХ-қәа раԥхьаӡа акәны имҩаԥыргоит асеиԥш иҟоу апрограмма. Мраҭашәаратәи АИХ-қәа ракәзар абри аус рнапы алакуижьҭеи акрааҵуеит.

Sputnik-и МИА "Россия Сегодниеи" рхаҭарнакцәа ажурналистцәа ирымардоит аинтерес зҵаны ирбо аԥышәа. Апрограмма SputnikPro аус ауеижьҭеи рҽаладырхәхьеит 80 рҟынӡа тәыла.

SputnikPro амастер-классқәа мҩаԥысхьеит: Аԥсны, Азербаиџьан, Ермантәыла, Белоруссиа, Бырзентәыла, Қырҭтәыла, Индиа, Киргизиа, Китае, Урыстәыла, Ҭырқәтәыла, Естониа.

Sputnik (sputniknews.com) – Жәларбжьаратәи аинформациатә маҵзуреи арадиои Sputnik атәылақәа жәпакы рҟны амультимедиатә хабқәа амоуп.

Sputnik асаитқәа аус руеит 30 рҟынӡа бызшәа рыла. Ажәабжьтә лентақәа ракәзар, англыз, араб, акитаи, аиспан бызшәақәа рыла уахи-ҽни иҭыҵуеит.

 

44

Краснодар уахыки-ҽнаки рыла 79 коронавирус хҭыс азгәаҭоуп, хҩык рыԥсҭазаара иалҵит

2
(ирҿыцуп 17:46 02.06.2020)
Арегионалтә оперштаб адыррақәа рыла апандемиа иаалагазар Краснодартәи атәылаҿацә аҿы иԥсхьеит 36-ҩык COVID-19 змаз.

АҞӘА, рашәара 2 - Sputnik. Адиагноз "акоронавирус" ззықәыргылаз хҩык рыԥсҭазаара иалҵит Краснодартәи ахәышәтәырҭақәа рҿы ҳәа аанацҳауеит COVID-19 аҿагыларазы аоперативтә штаб.

Атәылаҿацә аҿы пандемиа иаалагазар акоронавирус змоу рхыԥхьаӡара 3987-ҩык ыҟоуп. Урҭ рҟынтәи 2842 пациент ргәы бзиахахьеит. Краснодар аҵыхәтәантәи уахыки-ҽнаки рыла 79 коронавирус хҭыс азгәаҭоуп, хҩык рыԥсҭазаара иалҵит.

Иахьазы Урыстәыла 423 741 акоронавирус хҭыс азгәаҭоуп 85 регион рҿы. Иԥсхьеит 5 037-ҩык, ргәабзиара шьақәгылеит 186 985-ҩык.

Краснодартәи атәылаҿацә аҿы акарантин аҿҳәара инахоуп рашәара 6 рҟынӡа. Атәылаҿацә алалара макьаназы иԥкуп атранзит транспорт азы ада.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

2
Астероид на фоне Земли

NASA Адгьыл ишәарҭоу астероид шазааигәахо азы адырра ҟанаҵеит

3
(ирҿыцуп 15:57 02.06.2020)
Адгьыл азы ишәарҭоу астероид аҭбаара 250—570 метра иҟоуп. Зегь раасҭа иара адгьыл иазааигәахараны иҟоуп асааҭ 06:00 рзы.

АҞӘА, рашәара 2 - Sputnik. Адгьыл азы ишәарҭоу астероид 163348 (2002 NN4) асабша Адгьыл иазааигәахоит ҳәа аҳәоит НАСА асаитқәа руак аҿы.

Зегь раасҭа иара адгьыл иазааигәахараны иҟоуп асааҭ 06:00 рзы.

Убри аан иара апланета иаахап ҳәа азгәарҭом, избанзар Амза аорбита аасҭа 13-нтә ихарахоит.

Астероид гәаҭан 2002 шықәса рзы. Иара Амра зныктәи акәшара 300 дгьылтә уахи-ҽни иҟоуп.

Иара убас шәаԥхьар ҟалоит:

3

Гәарамиа акалмаҳааӡарҭазы: аԥсшьаҩцәа ҳзымаар, ҳус ҽеихом

0
(ирҿыцуп 18:10 02.06.2020)
Гәылрыԥшь араион Дранда аҳаблан иҟоу акалмаҳааӡарҭа "Кәыдрытәи аӡыхь" аԥшәма Беслан Гәарамиа арадио Sputnik арубрика "Раионк аԥсҭазаараҟынтә" аҿы еиҭеиҳәеит русура шеиҿкаау, уадаҩрас ирымоу атәы.
Раионк аԥсҭазаараҟынтә: Гәарамиа акалмаҳааӡарҭа аусура иазкны

"Ҳусқәа хар рымамкәа ицоит, аха адунеи аҟны иҟоу ачымазара иахҟьаны ишьақәгылаз аҭагылазаашьа ҳԥырхагоуп. Акоронавирус иахҟьаны аԥсшьаҩцәа ҳзымаар, ҳус ҽеихом. Урҭ ааир, ҳшәахтәқәа, ҳуалгьы ҳшәоит, ҳаргьы хәыҷык ҳауа иҟалон. Аԥсыӡқәа рыфатә уалла иааҳгеит, миллион мааҭ инацны иҳақәуп. Избанзар 60-70 кьыла ҽнак ирфоит, кьылак 150-200 мааҭ рҟынӡа иаԥсоуп рыфатә. Уи 10 тоннак ааҳгеит, акәацлых ауп, ахә цәгьоуп", - иҳәеит Гәарамиа.

Иара убасгьы еиҭеиҳәеит аԥсыӡааӡарҭаҟны шаҟаҩы аус руа, акалмаҳа аҭыԥаҟны ишхырхуа, уи шаҟа мааҭ иаԥсоу.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

0