ОБСЕ Донецк агәаҭара мҩаԥнагоит

ОБСЕ: Украина Донбасс абџьар хьанҭа адыргалоит

6
(ирҿыцуп 10:34 17.05.2019)
Донбасс аҭагылазаашьа аҭышәныртәаларазы аинырратә гәыԥ уаанӡа "ааԥынтәи аинышәаразы" еиқәышаҳаҭхахьан.

АҞӘА, лаҵара 17 – Sputnik. ОБСЕ амониторингтә миссиа ҷыда Украина ирыԥшааит 33 реактивтә система, украинатәи амчрақәа аинырратә цәаҳәахьы инаргаз. Абри атәы еиҭеиҳәеит ОБСЕ иҟоу Урыстәыла ахаҭарнак ҷыда Александр Лукашевич ҳәа аанацҳауеит РИА Новости.

Убас, лаҵара 6 рзы иҭаԥшыхәын азенит-ракетатә комплексқәа "Бук" хәба, агаубицақәа "Гиацинт-Б" фба, РСЗО "Ураган" хԥа.

"Лаҵара 6 - 14 рзы Минсктәи аиҿцәажәарақәа еилаганы иаарԥшын 25 "Ураган", 8 "Градк", агаубица "Гвоздика", ашьақәгылақәа "Мста-Б", "Тунгускақәа" 2", - иҳәеит Лукашевич.

ОБСЕ иҟоу Урыстәыла ахаҭарнак ҷыда Александр Лукашевич иҳәеит иара убасгьы ишҭаԥшыхәу минсктәи аиқәшаҳаҭрақәа ззин ҟарымҵо атехника.

Лукашевич иазгәеиҭеит УАМ Донбасс иаахыкәыршаны аминақәа рыҵаҵара ишаҿу.

CC BY 2.0 / Ministry of Defense of Ukraine / Tanks on the march
Атанкқәа ВСУ

"Украинатәи аруаа хылаԥшра ахьыҟарҵо аҭыԥқәа аминақәа ыҵоуп ҳәа амониторинг аҟаҵара алдыршом. Убри аан украинатәи арратә мчрақәа массала аминақәа рыҵаҵара иаҿуп. Убас, лаҵара 4 - 9 рзы амиссиа хнызқь рҟынӡа мина ахьышьҭаҵоу шьақәдыргылеит Донецктәи аобласт аҟны", - иҳәеит Лукашевич.

Адипломат агәыӷра ааирԥшит аганқәа лаҵара 22 рзы имҩаԥысраны иҟоу аинырратә гәыԥ реиԥылараан азҵаара рыӡбап ҳәа.

6