АҞӘА, лаҵара 26 — Sputnik. Апортал OneTwoTrip аҟны иаагоу ареитинг инақәыршәаны, аԥсшьаҩцәа рзы еиҳа имариахоит Балканқәа иахьрыҵаркуа асасааирҭақәа рыҟны уахык аԥсшьара, Монакои Аҩада Европеи ракәзар, уи ахә акыр еиҳахоит.
"4 еҵәак" аҩаӡара змоу асасааирҭақәа рыҟны уахык аангылара бжьаратәла шаҟа иаԥсахо атәы еилыркааит аекспертцәа.
3500 мааҭ еиҳамкәа иахьшәатәу атәылақәа рсиахь иаҵанакит Аҩадатәи Македониа, Албаниа, Босниеи Герцеговинеи. Иара убас ахә маҷхоит Молдавиеи, Чехиеи, Венгриеи, Румыниеи, Болгариеи рсасааирҭақәа рыҟны.
Аангылара зегь реиҳа ахә ахьыцәгьоу ҳәа иалыркааит Монако иҟоу асасааирҭақәа. Уа уахык азы 23 нызқь мааҭ шәатәхоит.
Исландиа асасааирҭақәа рыҟны уахык азы ишәатәхоит 11 нызқь мааҭ.
Ахԥатәи аҭыԥ зыхә цәгьоу рсиаҟны иааннакылеит Лихтенштеин. Уатәи асасааирҭаҟны уахык азы иушәароуп 10 нызқь мааҭ.
Урыстәылауаа еиҳа аԥсшьара ахьырҭаху атәылақәа хәба ирылоуп Аԥсны>>
Иара убас зыхә цәгьоу рсиахь иаҵанакит Даниа, Швеицариа, Финлиандиа, Нидерландқәа, Норвегиа, Ирландиа.
