Урыстәыла Адәныҟатәи аусқәа рминистр Сергеи Лавров

Лавров: Урыстәылеи Венесуелеи рекономикатә еимадара аинтерес ҳзаҵоуп

14
Урыстәыла Адәныҟатәи аусқәа рминистр Сергеи Лавров далацәажәеит Венесуела ирымоу аинтересқәа, Москва апозициа уи атәылаҿ адиалог хымԥада ишаҭаху шьақәирӷәӷәеит.

АҞӘА, рашәара 6 — Sputnik. Москва ихымԥадатәуп ҳәа иашьоит Венесуелеи иареи рекономикатә еинырра, аинтерес амоуп атәыла ахахьы иагахьо ахыдҵақәа шыҟоу иаанхар ҳәа иҳәеит Урыстәыла Адәныҟатәи аусқәа рминистр Сергеи Лавров.

"Венесуела ҳара ҳхатәы интересқәа ҳамоуп. Китаи иҳамоу аинтересқәа реиԥш иҭбаамзаргьы, акыр хра рылоуп. Уа аус руеит еиуеиԥшым ҳаилахәырақәа. Аусеицураз аилаӡарақәа ҳамоуп арра-техникатә, аенергетикатә усхкқәа рҟны", - иҳәоит Лавров РБК аинтервиу аҭо.

Адипломат иажәақәа рыла урыстәылатәи амчрақәа аоппозициаа ирыҿцәажәақәахьеит. Арҭ аиҿцәажәарақәа раангьы ишьақәырӷәӷәан Москва апозициа – Боливариантәи ареспубликаҿ азеиԥшмилаҭтә диалог ашьақәыргылара.

Аминистр ииашоуп ҳәа ахиҳәааит Осло имҩаԥысуаз Венесуела анапхгареи аоппозициааи реиԥыларақәа.

Ажьырныҳәа 21 рзы Венесуела иахьатәи ахада Николас Мадуро иҿагыланы Каракас ақәгыларақәа ирылагеит. Апарламент ахада Хуан Гуаидо ажьырныҳәа 23 рзы атәыла ахадас ихы рылеиҳәеит.

Усҟан Гуаидо истатус адгылара арҭеит Еиду америкатәи аштатқәеи егьырҭ атәылақәа жәпаки.

Урыстәыла Мадуро адгылара инаҭоит аконституциатә шьаҭа зманы иҟоу атәыла ахадак иаҳасаб ала.

Европатәи атәылақәа зеижә: Испаниа, Португалиа, Германиа, Великобританиа, Даниа, Нидерланды, Франциа, Венгриа, Австриа, Финлиандиа, Бельгиа, Лиуксембург, Чехиа, Латвиа, Литва, Естониа, Польша, Швециа, Хорватиа, Македониа, Румыниа - жәабран 4 рзы рнапы еицаҵарҩит адекларациа, уа иазгәарҭеит Хуан Гуаидо аамҭалатәи Венесуела ахада ҳәа дшазхарҵо.

 

14