Алада Уаԥстәыла абираҟ

Алада Уаԥстәыла Чамериа иаиааины Европа Ачемпионат ConIFA-2019 афинал ахь инеит

39
(ирҿыцуп 17:57 06.06.2019)
Алада Уаԥстәылеи Чамериеи рыбжьара Европа Ачемпионат ConIFA-2019 афиналбжатәи ахәмарра мҩаԥысит ақалақь Аскеран рашәара 6 рзы.

АҞӘА, рашәара 6 – Sputnik, Бадраҟ Аҩӡба. Алада Уаԥстәылатәи акоманда Европа Ачемпионат ConIFA-2019 афинал ахь инеит ахәмарра ашьҭахь имҩаԥгаз апенальтиқәа рсериаҟны 6:5 ҳәа Чамериа акоманда иаиааины.

Ахәмарра ишалагазҵәҟьа, ампыл рнапахьы иааргеит ауаԥсаа. Акырынтә ишәарҭаз амоментқәа ыҟан. Ахәмарра ахьынӡацоз аԥыжәара командак аҟынтәи даҽа командак ахь ииасуан, аха амба аҭаршәра рылымшеит.

Убри инамаданы аамҭа хада анынҵәа, имҩаԥыргеит апенальтиқәа рсериаҟны 6:5. Уаҟа ауаԥсаа ркоманда аиааира ргеит.

Аинформациатә агентра Sputnik Аԥсныи Мраҭашәаратәи Ермантәылеи рыхәмарра ишиашоу аефир ала иднарбоит, уи алагоит асааҭ 17:30 рзы.

ConIFA рашәара 7 2013 шықәса рзы ишьаҭаркуп. Еиднакылоит FIFA иалам 40 команда. 2016 шықәса рзы атурнир Аԥсны имҩаԥган. Аԥснытәи акоманда аиааирала ахәмаррақәа хыркәшахеит.

39
Атемақәа:
ConIFA- 2019 (36)

Краснодартәи атәылаҿацә аҿы аԥшатлакәқәа ирзыԥшуп

7
(ирҿыцуп 17:36 13.08.2020)
Шәача ақалақь аоперативтә маҵзурақәа арежим ҷыдахь русура ииагоуп. Ақалақь ахадара ауааԥсыреи акурорт асасцәеи рахь аҳәара ҟарҵоит ашәарҭадаратә ԥҟаррақәа ирықәныҟәаларц.

АҞӘА, нанҳәа 13 - Sputnik. Нанҳәа 13 азы Краснодартәи атәылаҿацә иахьаҵанакуа амш аҽеиҭакра иазыԥшуп.

"Нанҳәа 13 рзы Краснодартәи атәылаҿацә иахьаҵанакуа амш цәгьахар алшоит. Азанааҭуаа ишырҳәо ала, аԥшасра секундк ала 20 метра ҟалар алшоит, ақәаршҩы, адыд-амацәыс иазыԥшуп. Иара убасгьы Анапа инаркны Магри аҟынӡа амшын аҟны аԥшеиларҳә шьҭыҵыр ауеит", - ҳәа аҳәоит Шәача ақалақь ахадара асаит.

Ақалақь ахада Алексеи Копаигородскии адҵа ҟаиҵеит Шәача аоперативтә маҵзурақәа арежим ҷыдахь русура ииагазарц. Ақалақь ахадара ауааԥсыреи акурорт асасцәеи рахь аҳәара ҟарҵоит ашәарҭадаратә ԥҟаррақәа ирықәныҟәаларц.

Ақалақь аҿы аҭагылазаашьа хылаԥшра арҭалоит аиқәырхаратә маҵзурақәа, Кубань-СПАС, "Водосток" русуҩцәа.

Ақалақь ауааԥсыреи асасцәеи ирабжьыргоит ашәарҭадаратә уснагӡатәқәа мҩаԥыргарц – амашьынақәа абаннерқәеи, аихатә конструкциақәеи, аҵла дуқәеи ирыҵадмыргылаларц.

7

Ихәарҭоуп, ишәарҭадоуп: Урыстәыла идырхиаз акоронавирус аҟынтә раԥхьаӡатәи алаҵа

8
(ирҿыцуп 15:11 13.08.2020)
Владимир Путин аҳәамҭа ҟаиҵеит адунеи аҿы ираԥхьаӡатәиу акоронавирус аҟынтә алаҵа ашәҟәы ишҭагалоу азы. Ахәшә аԥырҵеит Урыстәыла Атәылахьчара аминистрреи Гамалеиа ихьӡ зху аҭҵааратә центри рыспециалистцәа, хьӡысгьы иарҭеит "Спутник V".

Алаҵа қәҿиарала аԥышәара иахысит хатәгәаԥхарала издызкылаз рҟны. Дара иазгәарҭеит рхы бзианы ишырбо, алаҵа аамышьҭахь иҽеим ҷыдаҟазшьақәак рхы иадрымбалеит ҳәагьы азгәарҭеит. Амедикцәа ражәақәа рыла, алаҵа ззыҟаҵаз зегьы COVID-19 азы аиммунитет роуит, алаҵа ахаҭа акәзар ишшәарҭам шьақәнарӷәӷәеит. Адунеи атәылақәа жәпакы урстәылатәи ахәшә иазҿлымҳауп. Аҳәаанырцә ари ахәшә аҭыжьреи аԥышәарақәеи ирылагарц азы аицәажәарақәа цоит уажәы. Атәылахьчара аминистрреи Гамалеиа ихьӡ зху ацентри рыдагьы Урыстәыла алаҵа аҟаҵара иалахәуп

Новосибирсктәи аҭҵаарадырратә центр "Вектори", Санкт-Петербургтәи алаҵақәа ҭызҵаауа аҭҵаарадырратә институти. Урыстәылауаа инарҭбааны алаҵа рзыҟаҵаразы раԥхьатәи апартиа хиахоит ҳәа иазыԥшуп нанҳәамза аҽеиҩшамҭазы.

8

Ажьиԥҳа еиҭалҳәеит Гагра араион аҿы зҭагылазаашьа уадаҩу ашколқәа ртәы

0
(ирҿыцуп 20:25 13.08.2020)
Гагра араион аҵара аҟәша аиҳабы Мадина Ажьиԥҳа арадио Sputnik аефир аҿы еиҭалҳәеит Аԥсны аҵареи абызшәатә политикеи рминистр Инал Габлиа араион аҟны иныҟәараан излацәажәаз азҵаарақәа ртәы.
Раионк аԥсҭазаараҟынтә: Ажьиԥҳа Гагра араион ашколқәеи ахәыҷбаҳчақәеи рҭагылазаашьа атәы

"Ҿыц иргылоу Гагратәи актәи ашкол ҳаҭаан игәаҳҭеит, уи ашәқәа раартразы иагу ыҟоуп, аха ари аамҭа иалагӡаны аусқәа хыркәшахоит. Иара убас иаҭаан ахәыҷбаҳча, иара акапиталтә ремонт азун, аха ашҭаҿы иагу ыҟоуп, уи анагӡаразы адгылара шауа атәы ҳәан. Иааиуа амчыбжь азы ахәыҷқәа рыдкылара ҳалагоит, иахьа уажәраанӡа араион аҿы ахәыҷбаҳчақәа еиуеиԥышм амзызқәа ирхырҟьаны аус руӡом. Арыцхә 20 рзы ахәыҷбаҳчақәа раартразы аҭагылазаашьа ҳауп ҳәа ҳгәыӷуеит. Хшыҩзышьҭра ааҭан иаԥсыуам ашколқәа рҿы аԥсуа бызшәа дырҵаразы аметодика", - ҳәа еиҭалҳәеит Ажьиԥҳа.

Гагра араион аҵара аҟәша аиҳабы еиҭалҳәеит араион аҿы зҭагылазаашьа уадаҩу ашколқәагьы шыҟоу.

"Урҭ руак - Цандрыԥшьтәи аҩбатәи абжьаратә школ ауп, уаҟа 350 инареиҳаны аҵаҩцәа аҵара рҵоит. Аӡымҩангагақәа зынӡагьы инагаӡам, уажәы аҿкы аан ишьақәыргылоу аԥҟарақәа рықәныҟәара даара иуадаҩуп, араион ахадара ҳақәдыргәыӷит ари азҵаара аӡбара адгылара шаиуа ҳәа. Ашкол аартразы иахьӡом, аха мызкы-ҩымз иалагӡаны аусурақәа нагӡахап ҳәа агәыӷра ҳамоуп. Иара убас аҭагылазаашьа уадаҩуп Пицундатәи аурыс школ аҿы, уаҟа аҵара рҵоит 400-ҩык, ашкол ҩ-сменак рыла аус ауан. Аҿкы аҽацәахьчаразы аԥҟарақәа инарықәыршәаны ҩ-сменак зынӡа иаҟәыхтәуп, ари азҵаарагьы ӡбашьак аиуп ҳәа ҳгәы иаанагоит", - ҳәа еиҭалҳәеит Ажьиԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

0