Игорь Додон

Додон инапынҵақәа шнимыжьуа атәы иҳәеит

26
(ирҿыцуп 19:40 10.06.2019)
Молдова ахада Игор Додон аҳәамҭа ҟаиҵеит ақәыӷәӷәара ду ширҭогьы атәыла ахада инапынҵақәа шнимыжьуа атәы иҳәеит.

АҞӘА, рашәара 10 - Sputnik. Молдова ахада Игор Додон аҳәамҭа ҟаиҵеит ԥхьатәара ацаразы арзаҳал шимыҩуаз. Абри атәы аанацҳауеит Sputnik Молдова.

Додон иҳәеит иҭыԥ иамхразы авариантқәа хԥа шыҟоу: ирбаандаҩра, иҭаацәа рыршәара, ихаҭа иаԥырхра.

"Сҭаацәа сыманы атәыла салҵып ҳәа игәыӷуазаргьы башоуп. Мап. Сара сахьыҟоу сыҟоуп. Аҵыхәтәантәи амшқәа рзы исырҭо анырра бааԥсгьы сацәшәом, сҭыԥгьы сахыҵуам. Саԥырырхыр шрылшогь здыруеит. Зыҟны аус сымоу еилыскаауеит", - иҳәеит иара.

Урыстәыла ААР Молдоватәи аполитикатә кризис ахҳәаа анаҭеит. Иазгәанаҭеит Москва аҭагылазаашьа ҭышәынтәалап ҳәа ишгәыӷуа. Уи азы мҩак ауп иҟоу – аполитикатә мчрақәа зегьы реицәажәара.

Асоциалистцәа рпартиеи аблок ACUM асабша апарламенттә еиҳара еиҿыркааит. Атәыла ауааԥсыра аиҳабыра ҿыц роуит ахаа Аконституциатә ӡбарҭа уи иашам ҳәа иқәгылеит. Апарламент уи аҭакс иахьазы амчраҿ иҟоу Адемократиатә партиа аӡбарҭа ахы ианархәеит амчра анапахьы аагаразы ҳәа рҳәеит.

Молдавиа ахада Игор Додон Аконституциатә ӡбарҭа аӡбамҭа амчра анапахьы аагароуп иаанаго ҳәа иҳәеит.

 

26

Бырзентәыла Атәылахьчара аминистрра Ҭырқәтәылеи иареи реибашьра ишазыхиоу аҳәеит

2
Мышқәак раԥхьа Ҭырқәтәыла аиҳабыра ргазеҭ аҿы аҳәамҭа ҟаҵан абырзен дгьылбжьахақәа рааигәара арацәаӡри аҟазаара аҭҵаареи аҵхреи рзы азин ҷыда аиуразы азыҳәа ҟаҵоуп ҳәа.

АҞӘА, рашәара 5 - Sputnik. Бырзентәыла Атәылахьчара аминистр Никос Панаиотопулос аҳәамҭа ҟаиҵеит атәыла асуверентә зинқәа рыхьчаразы бџьаршьҭыхла аҿагылара ишазыхиоу.

"Аҵыхәтәантәи аамаҭқәа рзы Ҭырқәтәыла ахымҩаԥгашьа агрессиа аҵоуп. Сара исыԥхьаӡоит Ҭырқәтәыла ахымҩаԥгашьа арҭынчразы ганкахьала иҟоу адипломатиатә лшарақәа зегьы ахархәара рыҭатәуп, даҽа ганкахьала арратә мчра ахы иархәатәуп", - иҳәеит иара, ателеканал Star аинтервиу аҭо. Абри атәы аанацҳауеит РИА Новости.

Ателеканал ажурналист изҵаара "Иазыхиоума Бырзентәыла бџьаршьҭыхла аимак аҭыԥ ақәҵара?" Панаиотопулос аҭак аиҭеит "Иазыхиоуп" ҳәа.

"Ҳара аҭагылазаашьа аиҭакра ҳазыхиоуп. Арбџьармчқәа рхархәарагьы абрахь иналаҵаны. Усеиԥш ҳҭахым, аха ҳзинқәа рыхьчаразы уаҳа аҽак аанымхозар, ҳахиоуп", - иҳәеит аминистр.

Мышқәак раԥхьа Ҭырқәтәыла аиҳабыра ргазеҭ аҿы иҟаҵан аҳәамҭа абырзен дгьылбжьахақәа рааигәара арацәаӡри аҟазаара аҭҵаареи аҵхреи рзы азин ҷыда аиуразы азыҳәа ҟаҵоуп ҳәа.

Бырзентәыла Адәныҟатәи аусқәа рминистр Никос Дендиас ашәахьаҽны аҳәамҭа ҟаиҵеит Ҭырқәтәыла Бырзентәыла асуверентә зинқәа амнахырц агәы иҭоуп ҳәа. Ари провокациоуп ҳәагьы ахиҳәааит.

Аганқәа рыбжьара аибарххара ҟалеит жәабранмза анҵәамҭазы. Усҟан Ҭырқәтәыла аҳәамҭа ҟаанҵеит Идлибтәи амигрантцәа шазаанымкыло азы, Евроеидгылеи иареи рҳәаа аанартит. Зықьҩыла ахҵәацәа Бырзентәылаҟа идәықәлеит.

Афины аҭакс аҳәаақәа анаркит. Ҭырқәтәылеи Бырзентәылеи рҳәаа 190 километра иреиҳауп.

Бырзентәыла Османтәи аимпериаҟынтә ахьыԥшымра аиуит 1821 шықәса рзы. Уи аахыс бџьаршьҭыхлатәи аиҿагыларақәа ԥшьынтә аҭыԥ рыман: 1897 шықәса рзы, Актәи Балкантәи аибашьраан, Актәи адунеизегьтәи еибашьраан, 1919—1922 шықәсазы аҭырқә-абырзен еибашьраан.

2

Америкатәи ахҭысқәа: ЕАА 350 қалақь рҟны аҿагыларатә акциақәа мҩаԥысуеит

3
Америка атәылауаа аполициа аусзуҩцәа рымч ахархәара аанкыларазы аҿагыларатә акциақәа мҩаԥыргоит. Урҭ рхыԥхьаӡара 350 нызқьҩык иреиҳауп.

Акциа алахәылацәа ҭынч рхы мҩаԥыргом: адәкьанқәа ирыҩналаны аԥара ргоит, асаркьақәа ԥырҽуеит, ахәаахәҭратә ҩнқәа ирыҩналаны идырҳәуеит.

Америка имҩаԥысуа аҵыхәтәантәи ахҭысқәа RT аматериал аҟны.

Асоциалтә ҳақәа рҟны ицәырҵит ақалақь Миннеаполис аҟны дшаанкылаз афроамерикауаҩ Џьорџь Флоид. Аҭыхымҭаҟны иубарҭоуп аполициа аусзуҩцәа Флоид адгьыл аҿы дышьҭаҵаны, анапеидҳәалагақәа шихарҵоз, афицарцәа руаӡәы иаанкылаз ихәда шьапыла дақәгылеит. Иаанкылаз ауаҩы изныкымкәа иҳәеит иԥсыԥ алагаҩагара шицәыуадаҩу, уи ашьҭахь иԥсы маҷхеит. Флоид ахәышәтәырҭахь днаган, ԥыҭрак ашьҭахь ареанимациаҿы иԥсҭазаара далҵит.

Америка атәылахьчара аминистрра аҿагыларатә акциақәа раанкыларазы Вашингтонҟа идәықәырҵеит 1,6 нызқьҩык аруаа.

Аҿагыларатә акциақәа мҩаԥысуеижьҭеи аполициа аусзуҩцәа жәа-нызқьҩык ауааԥсыра ааныркылахьеит.

Иара убас шәаԥхьар ҟалоит:

3

Галтәи ахәышәтәырҭа аҳақьым хада аметадон адкыларазы ахараԥса иқәырҵеит

3
(ирҿыцуп 02:02 06.06.2020)
Амедицинатә гәаҭара данахрыжь ашьҭахь еилкаахеит Галтәи Араионтә хәышәтәырҭа хада аҳақьым хада аметадон идкыланы дшыҟаз.

АҞӘА, рашәара 5 - Sputnik. Галтәи Араионтә хәышәтәырҭа хада аҳақьым хада, уи адагьы Гал араион асанитартә ҳақьым хада Гьаргь Шьониа 40 нызқь мааҭ иреиҳаны ахараԥса иқәырҵеит анаркотикатә маҭәашьарқәа рыдкыларазы, абри атәы аанацҳауеит Аԥсны ААР асаит. 

"Гал араион иатәу Аҩнуҵҟатәи аусқәа рыҟәша аусзуҩцәа анаркотикатә маҭәашьарқәа здызкыло ауаа раарԥшразы имҩаԥыргаз аоперативт усҩмаԥгатәқәа ирылҵшәаны анаркологиатә диспансер ахь днаган Галтәи Араионтә хәышәтәырҭа хада аҳақьым хада Шьониа Гьаргь Аполлон-иԥа, 1974 шықәсазы ииз, амедициантә ршаҳаҭра акт инақәыршәаны анаркотикатә маҭәашьар "метадон" идкыланы дшыҟаз шьақәырӷәӷәан", - ҳәа аанацҳауеит адырраҭара.

"Изакәанымкәа анаркотикатә маҭәашьарқәа рыдкыларазы Шьониа Галтәи араион аӡбарҭа аӡбамҭала аџьа ахәԥса иреиҵаӡоу ашәагаақәа 700 иҟоу ахараԥса иқәҵоуп - 42 нызқь мааҭ", - ҳәа азгәарҭоит ААР аҿы.

3