Владимир Путини Анатоли Бибилови

Урыстәылеи Аахыҵ Уаԥстәылеи рыбжьара Аԥкаанҵа аратификациа азуп

18
Урыстәылеи Аахыҵ Уаԥстәылеи рыбжьара Аԥкаанҵа аратификациа азуразы азакәан апроект Аҳәынҭқарратә Думахь инаишьҭхьан Урыстәыла ахада Владимир Путин.

АҞӘА, рашәара 28 - Sputnik. Урыстәыла Аҳәынҭқарратә Дума аратификациа азнауит Урыстәылеи Аахыҵ Уаԥстәылеи рыбжьара аиҩызареи аинтеграциеи рзы Аиқәшаҳаҭра иацу Аԥкаанҵа. Абри атәы аанацҳауеит РИА Новости.

"Урыстәылеи Аахыҵ Уаԥстәылеи рыбжьара аиҩызареи аинтеграциеи рзы Аиқәшаҳаҭра (хәажәкыра 18 2015ш.) аԥсахрақәа ралагаларазы Аԥкаанҵа аратификациа азуразы ишәыдаагалоит", - ҳәа аҳәоит азакәан апроект иацу аилыркаага шәҟәы.

Аратификациа зызуу Аԥкаанҵа амҩаԥгара Урыстәылеи Аахыҵ Уаԥстәылеи ԥхьаҟагьы реинырреи реиҩызареи иацхраалоит.

Қырҭтәыла нанҳәа 8, 2008 шықәса рзы "Градқәа" рыла Аахыҵ Уаԥстәыла алахысра иалагеит, ар аҳҭнықалақь Цхинвал еилаҟәаҟәа икарыжьит.

Урыстәыла, Аахыҵ Уаԥстәыла ауааԥсыра хьчо ар ареспублика иаларгалеит. Москва нанҳәа 26, 2008 шықәса рзы Аԥсныи Аахыҵ Уаԥстәылеи рсуверинитет азханаҵеит.

 

18
Тренировка боксеров на набережной

Аԥсуа боксиорцәа злахәыз атурнир Шәачантәи Казанҟа ииаргеит акоронавирус иахырҟьаны

8
Абокс азы ашоу "Столото. Вечер бокса WBC" мҩаԥысраны иҟоуп нанҳәа 22 рзы Казантәи акультура-гәмырҿыӷьратә комплекс "Пирамида" аҿы.

АҞӘА, нанҳәа 14 – Sputnik. Нанҳәа 15 рзы имҩаԥысраны иҟаз, аԥсуа боксиорцәа злахәыз атурнир Шәачантәи Казанҟа ииаргеит  акоронавирустә ҭагылазаашьа иахырҟьаны ҳәа Sputnik иазеиҭеиҳәеит абоксиор Баҭал Чежьиа.

"Шәача авирус иахырҟьаны азин ҟарымҵеит атурнир мҩаԥаагарц. Ахәаԥшыҩцәа аламырхәыкәагьы ирымуит. Казангьы ақәгыларақәа ахәаԥшыҩцәа рыда имҩаԥгахоит. Арыцхә рыԥсахит аҭыԥ ахьыԥсаххаз азы", - ҳәа иҳәеит иара.

Атурнир аҳәаақәа ирҭагӡаны иқәгылар акәын аԥснытәи аспортсменцәа ҩыџьа – Баҭал Чежьиеи Харитон Агрбеи.

Ҳаспортсменцәа зындаҭлараны иҟаз ирындаҭлоит. Баҭал Чежьиа жәа-раундктәи ақәгылара мҩаԥигоит, урыстәылатәи абоксиор Сергеи Кожухар диндаҭлоит аваканттә титул WBC Youth азы.

Харитон Агрбагьы жәа-раундктәи ақәгылара мҩаԥигоит урыстәылатәи абоксиор Сослан Тедеев диндаҭло.

Иара убас шәаԥхьар ҟалоит:

8

Аӷба "Князь Владимир" 2020 шықәсазтәи ареисқәа зегьы аԥыхуп

9
(ирҿыцуп 10:07 14.08.2020)
Краснодартәи атәылаҿацә агубернатор Вениамин Кондратиев акоронавирус иахырҟьаны ашәарҭара арежим нанҳәа 21 аҟынӡа днахеит.

АҞӘА, нанҳәа 14 - Sputnik. Аӷба "Князь Владимир"  2020 шықәсазтәи ареисқәа зегьы аԥыхуп ҳәа аанацҳауеит аӷба зтәу аилахәыра "Черноморские круизы".

"Акоронавирустә инфекциа иахырҟьаны аӷба "Князь Владимир" ахьныҟәо арегионқәа рҿы 2020 шықәсазтәи ареисқәа зегь аԥыхуп", - ҳәа ҳәоуп адырраҭараҿы.

ИАЕ "Черноморские круизы" аҳәамҭа ҟанаҵеит заанаҵы зныҟәара аԥара ахызшәааз атуристцәа 2021 шықәсазы еиуеиԥшым аԥсшьарахкқәа рвариантқәа рыдгалахоит ҳәа.

"Князь Владимир" анавигациа хацнаркраны иҟан ԥхынгәы 19 рзы. Хәажәкыра  1 - жьҭаара 31 рзы аӷба 35 реис мҩаԥнагахьазар акәын, аха хәажәкыра 22 рзы анавигациа аанкылан Краснодартәи атәылаҿацә агубернатор Вениамин Кондратиев ирылеиҳәаз акарантин инақәыршәаны.

Лаҵара инаркны цәыббранӡа "Князь Владимир" аграфик инақәыршәаны фынтә Аҟәатәи абаӷәазахь икыдгылар акәын, аха сынтәа уи залыршахом.

Иара убас шәаԥхьар ҟалоит:

9

Бзыԥ аӡы иагаз Питертәи атуристка лыԥсыбаҩ ԥшаауп

3
(ирҿыцуп 13:31 15.08.2020)
Аԥсны Аҭагылазаашьа ҷыдақәа рминистрра аҟазауаа, Бзыԥ аӡы дагеит ҳәа иршьоз атуристка ԥшьымш лыԥшаара иаҿын.

АҞӘА, нанҳәа 15 – Sputnik. Бзыԥ аӡы дагеит ҳәа иршьоз Питертәи атуристка лыԥсыбаҩ ԥшаауп, абри атәы аанацҳауеит Аԥсны Аҭагылазаашьа ҷыдақәа рминистрра апресс-маҵзура.

Аԥшаарақәа ирылахәын Гагреи Гәдоуҭеи араионқәа рымцарцәара-еиқәырхаратә бригадақәеи Аҳәынҭқарратә инспекциа аӡыҵалаҩцәеи, аволонтиорцәеи.

Аӡӷаб лыԥсыбаҩ ԥшаан амашәыр ахьыҟалаз аҭыԥ аҟынтәи шә-метрак инахыганы, ацаҟьа азааигәара, ԥшьметрак аҵаулараҟны.

Ҩыџьа атуристцәа зықәтәаз аквадроцикл Риҵаҟа узгоз амҩа иаҿҟьеит нанҳәа 12 рзы.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Иара убас шәаԥхьар ҟалоит:

  • Атуристцәа зықәтәаз аквадроцикл Бзыԥ аӡиас иалаҳаит

 

 

3