Владимир Путини Дональд Трампи

Путини Трампи еиԥылеит асаммит G-20 аҟны

17
G-20 асаммит мҩаԥысуеит иапониатәи ақалақь Осаке, рашәара 28- 29 рзы. Урыстәыла ахада ари афорум аҳәаақәа ирҭагӡаны ҩ-ганктәи аиԥыларақәа жәаба мҩаԥигоит.

АҞӘА, рашәара 28 – Sputnik. Урыстәылеи Америкеи рхадацәа Владимир Путини Дональд Трампи G-20 асаммит аҿы еиԥылеит. G-20 асаммит мҩаԥысуеит иапониатәи ақалақь Осаке, рашәара 28- 29 рзы.

РИА Новости ишаҳәо ала, Америка ахада иазгәеиҭеит аганқәа еиуеиԥшым ахырхарҭақәа змоу азҵаарақәа шьҭырхраны ишыҟоу. Иара убасгьы иазгәеиҭеит реицәажәара хра аманы иҟалап ҳәа дшазыԥшу.

Путин иакәзар, уаанӡа иҳәахьан асаммит адунеи аԥсахра алымшаргьы жәларбжьаратәи аинырра арҿиап, афинанстәи ахәаахәҭратәи институтқәа русура арӷәӷәап ҳәа дышгәыӷуа.

Урыстәыла Адәныҟатәи аусқәа рминистр Сергеи Лавров иажәақща рыла Путини Трампи уаанӡа реиԥылара амшхәаԥштә иаламцәажәацызт, еиҳа аԥыжәара зырҭо азҵаарақәа аиԥылараан иалыркаауеит. Путин иазгәеиҭеит америкатәи иколлега СНВ-3 азы аиқәшаҳаҭра дицалацәажәап ҳәа дышгәыӷуа.

G-20 асаммит мҩаԥысуеит иапониатәи ақалақь Осаке, рашәара 28- 29 рзы. Ауснагӡатә уаанӡатәи алахәылацәа рыдагьы иалахәуп Испаниа, Сингапур, Таиланд, Египет, Сенегал, Чил, Вьетнам, Нидерланды.

Урыстәыла ахада ари афорум аҳәаақәа ирҭагӡаны ҩ-ганктәи аиԥыларақәа жәаба мҩаԥигоит.

 

17
Аптечка

Россотрудничество Ливан арыцҳара иақәшәаз рзы ахәшәқәа реизгара хацнаркит

5
(ирҿыцуп 18:03 05.08.2020)
Ливан аҭыԥ змаз аԥжәара иахҟьаны, аҵыхәтәантәи адыррақәа рыла, шәҩык ауааԥсыра ҭахеит, ԥшь-нызқьҩык рҟынӡа аахақәа роуит. Иҟоуп иара убас хабарда ибжьаӡыз. Аџьар Ҟаԥшь ливантәи аилазаара адырра ҟанаҵеит 60-ҩык рҭагылазаашьа акыр ихьанҭоуп ҳәа.

АҞӘА, нанҳәа 5 -  Sputnik. Россотрудничество алаҳәара ҟанаҵеит аҿаҳәага материалқәеи зыда ԥсыхәа ыҟам ахәшәқәеи еизгазарц Беирут арыцҳара иақәшәаз рзы ҳәа аанацҳауеит Ливантәи ареспубликаҿ иҟоу Россотрудничество ахаҭарнакра.

Ахәшәқәа рнагара ҟалоит Беирут иҟоу Урыстәылатәи акультуратә центр ахь.

"Еизгахо ахәшәқәа зегьы Ливантәи ареспублика Агәабзиарахьчара аминистррахь инашьҭхоит", - ҳәа ҳәоуп адырраҭараҿы.

Уи адагьы изҭаху зегьы ирымоуп алшара ааха зауз рзы ашьа арҭарц.

Уаанӡа, Ливантәи ареспублика Агәабзиарахьчара аминистр Хамад Хасан аҳәамҭа ҟаиҵахьан аԥжәараан ахәышәтәырҭақәа ԥшьба шьаҭанкыла ишырхәашоу азы. Уа ишьҭаз ачымазцәа егьырҭ ахәышәтәырҭақәа рахь ииагахеит. Уи еиҳагьы иаруадаҩит аҭагылазаашьа ҳәа иҳәеит иара.

Иара убас шәаԥхьар ҟалоит:

5

Аԥсни Урыстәылеи рҳәааҿы иҟоу аҭагылазаашьа иалацәажәеит Шәача

4
(ирҿыцуп 16:09 05.08.2020)
Шәача ахада Алексеи Копаигородски амчратә усбарҭақәеи атуристтә усхк анаплакқәеи алархәны аилацәажәара мҩаԥигеит.

АҞӘА, нанҳәа 5 - Sputnik. Шәача ақалақь ахадараҿы Шәача ахада Алексеи Копаигородски амчратә усбарҭақәеи атуристтә усхк анаплакқәеи алархәны Аԥсни Урыстәылеи рҳәааҿ аҭагылазаашьеи аҳәаахьчаратә ҭыԥ "Адлер" аусура аиӷьтәышьеи рзы аилацәажәара мҩаԥигеит. Абри атәы аанацҳауеит акурорт ахадара асаит.

Аиԥылараан иазааҭгылан аҳәаахьчаратә ҭыԥ "Адлер" ахь инеиуа амҩақәа рҿы ауаатәыҩсатәи автомашьынатәи гәаранқәа рыпроблема.

Аекскурсиақәа рхацыркра инадҳәаланы Алексеи Копаигородски иазгәеиҭеит аҽазырхиаратә режим аҭахрақәа ишрықәныҟәалатәу.

"Есыҽны атрафик шеизҳауа азгәаҳҭоит. Хымԥада, иқәныҟәалатәуп асабардақәа рныҟәгареи асоциалтә еицәыхарареи режим. Уи хра амоуп ачымазара аламырҵәаразы. Ауааԥсыреи асасцәеи идырдырлатәуп аҳәаа ахысраан Роспотребнадзор абжьагарақәа ишрықәныҟәалатәу", - ҳәа иҳәоит Копаигородски.

Ҩышықәса раԥхьа аушьҭырҭатә ҭыԥ аҿы иаартын атерминал ҿыц, ахылаԥшратә цәаҳәа, атәылауаҩшәҟәқәа ргәаҭара азона. Ҷыдала автобусқәа рымҩанысырҭа еиҿкаан. Арҭ алагалақәа иалдыршеит аушьҭралшара арҭбаара.

Шәача ақалақь ахадараҿы Аԥсни Урыстәылеи рҳәаа ахысратә ҭыԥ "Адлер" ԥхьаҟатәи амодернизациа иалацәажәеит.

4

Игәышьҭыхгоу аланарԥшыра: ансамбль "Кавказ" аконцерт шымҩаԥысыз

0
(ирҿыцуп 20:47 05.08.2020)
Кандид Ҭарба ихьӡ зху жәлар рыкәашаратә ансамбль "Кавказ" аконцерт мҩаԥысит Аԥснытәи аҳәынҭқарратә филармониаҟны нанҳәа 4 рзы. Ихамышҭыхәу аконцерт аимгеимцарақәа шәыдаагалоит Sputnik афотолентаҿы.

Ҳазҭоу ашықәс жьҭаарамзазы иазгәаҭоуп Аԥсны аҩныҵҟа хәыда-ԥсада ансамбль "Кавказ" агастрольқәа рымҩаԥгара.

Аконцерт иазку ажәабжь шәаԥхьар ҟалоит абра:

0
  • © Sputnik / Томас Тхайцук

    Нанҳәа 4 рзы Аԥснытәи аҳәынҭқарратә филармониаҟны имҩаԥысит акарантиншьҭахьтәи аамҭазы ансамбль "Кавказ" раԥхьатәи аконцерт.

  • © Sputnik / Марианна Кубрава

    Адаул асыҩцәа ахәаԥшцәа дыршанхон, рнапы аусушьа, рыццакыратә елементқәа убла хыркуан.

  • © Sputnik / Томас Тхайцук

    Ансамбль асахьаркыратә напхгаҩы Арвелод Ҭарба ишиҳәаз ала, апрограмма иалаз акәашарақәа аҿыцрақәа рылагалан.

  • © Sputnik / Марианна Кубрава

    Аконцерт рбарц иаҭааит ахәаԥшцәа рацәаҩны, аԥсшьаҩцәагьы уахь иналаҵаны.

  • © Sputnik / Томас Тхайцук

    Акәашацәа рҟазара уаршанхо иҟан.

  • © Sputnik / Томас Тхайцук

    Аԥсуа жәлар рыкәашарақәа егьырҭ ажәларқәа излареиԥшым рхатәы ҟазшьа, рхатәы ритм, рхатәы еиҿкаашьа рымоуп.

  • © Sputnik / Томас Тхайцук

    Иқәԥраауа асцена иқәлаз акәашацәа улаԥш рхьымӡо игьежьуан, ишьацәхартәуан.

  • © Sputnik / Томас Тхайцук

    Аконцерт арыцхә машәыршақә иалхымызт: абри аҽны 26 шықәса раԥхьа имҩаԥысит "Кавказ" раԥхьаӡатәи арепетициа.

  • © Sputnik / Марианна Кубрава

    Аконцерт аҟны аныҳәатә гәалаҟазаара аԥҵан.

  • © Sputnik / Томас Тхайцук

    Ахәаԥшцәа рнапеинҟьабжьқәа еихсыӷьуамызт.

  • © Sputnik / Марианна Кубрава

    "Изларылшои абас ахәмарра, уамашәа избоит!" - лҳәеит аҳәаанырцәынтә ҳтәыла иаҭааз ируаӡәку аконцерт ахәаԥшҩы.

  • © Sputnik / Томас Тхайцук

    Жәлар рыкәашаратә ансамбль "Кавказ" Кандид Ҭарба ихьӡ ахырҵеит 2017 шықәсазы.

  • © Sputnik / Томас Тхайцук

    Аҵыхәтәантәи акәашара ашьҭахь ахәаԥшцәа рахь дцәырҵит ансамбль асахьаркыратә напхгаҩы, уи адиректор, "Ахьӡ-Аԥша" аорден 3-тәи аҩаӡара занашьоу, Аԥсны жәлар рартист Арвелод Ҭарба.