Скорая помощь в Индии. Архивное фото

Индиа автобус аиҩхаа иҭаҳаит: 30-ҩык ҭахеит

14
Аҵыхәтәантәи адыррақәа рыла аԥсҟы зкыз амҩа уадаҩраҿ аԥсҟы импыҵҟьеит. Абри ашьҭахь амашьына аиҩхаа иагеит.

АҞӘА, ԥхынгәы 1 - Sputnik. Аҭыԥантәи аполициаа ражәаәқа рыла 30-ҩык инареиҳаны иҭахеит индиатәи аштат Джамму-Кашмир аҿы. Абри атәы аанацҳауеит РИА Новости ателеканал NDTV адыррақәа ҵаҵӷәыс иганы.

"Амашәыр иахҟьаны 30-ҩык ауаа ҭахеит, аҽа быжьҩык ахәра ӷәӷәақәа рымоуп", - иҳәеит аштат Ангрес Сингх азинхьчаратә усбарҭақәа рхаҭарнак.

Автобус Кешван аҟынтә аокруг Киштварҟа амҩа иқәын. Уажәы аҭыԥ аҿы аус руеит аиқәырхаҩцәа. Аполициа ахҭыс ҭырҵаауеит.

АИХ ишырҳәо ала есышықәса Индиа амҩатә машәырқәа ирыхҟьаны иҭахоит 100 нызқьҩык рҟынӡа ауааԥсыра, 300 - 400 нызқьҩык еиуеиԥшым аахақәа роуеит.

 

14

Урыстәыла уахыки-ҽнаки рыла 6 422-ҩык акоронавирус рыдбалоуп

3
(ирҿыцуп 12:14 15.07.2020)
Иахьатәи аамҭа инақәыршәаны Урыстәылатәи арегионқәа 85 рҿы 746 369-ҩык акоронавирустә инфекциа рыдырбалахьеит.

АҞӘА, ԥхынгәы 15 - Sputnik. Урыстәыла уахыки-ҽнаки рыла 6 422 -ҩык авирус рыдбалоуп арегионқәа 85 рҿы ҳәа аанацҳауеит COVID-19 аҿагыларазы Москва аоперштаб.

Авирус зыдбалаз рҟынтәи 26,6% аклиникатә ҟазшьақәа рныԥшуамызт.

Уахыки-ҽнаки рыла рыԥсҭазаара иалҵит 156-ҩык, ргәы бзиахеит 10 424-ҩык.

Зынӡа атәылаҿы COVID-19 иахҟьаны 11 770 ԥсыҭбара азгәаҭоуп, 523 249-ҩык ргәы бзиахахьеит.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, урҭ рҟынтәи 37-ҩык ргәы бзиахеит, аӡәы лыԥсҭазаара далҵит.

Иахьазы Аԥсны акоронавирустә инфекциа змоу ҳәа уаҩ дыҟам.

Иара убас шәаԥхьар ҟалоит:

3

Урыстәылатәи атуристцәа рыдкылара иазыхиоу атәылақәа рыхьӡ ҳәоуп

20
Ԥхынгәы 15 рҟынӡа атуристцәа Аԥсны аҳәаа рахысреи заанаҵы аԥсшьарҭа ҭыԥқәа раҿаҵареи рзы аԥкрақәа аус руеит.

АҞӘА, ԥхынгәы 15 - Sputnik. Урыстәыла Атуроператорцәа рассоциациа (АТОР) атуристцәа рыдкылара иазыхиоу атәылақәа ааба рыӡбахә рҳәеит ҳәа аанацҳауеит РИА Новости.

Арахь иаҵанакуеит: Ҭырқәтәыла, Куба, Доминикана, Мексика, Мальдивы, Хорватиа, Египет, Арабтәи Аемиратқәа.

Убри аан АТОР иазгәанаҭоит ԥхынгәы 16 инаркны ишеилкаахо Аԥсны урыстәылатәи атуристцәа рзы аҳәаа аанартуоу иаанамыртуоу.

Аԥсны ахада Аслан Бжьаниа иусдҵала ԥхынгәы 15 рҟынӡа Аԥсны атуристцәа аҳәаа рахысреи заанаҵы аԥсшьарҭа ҭыԥқәа раҿаҵареи рзы аԥкырақәа аус руеит.

Ԥхынгәы 3 рзы имҩаԥысуаз апресс-конференциаҟны Аслан Бжьаниа иазгәеиҭеит аҳәаа аартра аепидемиологиатә ҭагылазаашьа ишадҳәалахо, Аԥсны аҳәаа аартра ишазыхиоу, аха атәылақәа рыҩба аамҭак ала рус еиқәдыршәар шакәу.

Иара убасгьы иҳәеит Урыстәыла аиҳабыра рхада Михаил Мишустин ихьӡала ашәҟәы шишьҭхьо абри азҵаара аӡбаразы.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Уаанӡа Роспотребнадзор ажәалагала ҟанаҵахьан аҳаиртә еимадара шьақәыргылазарц: Германиа, Италиа, Великобританиа, Польша, Даниа, Финлиандиа, Венгриа, Нидерландқәа, Норвегиа, Китаи, ШриЛанка, Вьетнам, Монголиа рахь.

Аԥыза-министр ихаҭыԥуаҩ Татиана Голикова аҳәамҭа ҟалҵеит аҳаиртә еимадара ахацыркразы аҭагылазаашьа иахәаԥштәуп, 100 нызқьҩык ауааԥсыра рыбжьара 40 вирус хҭыс еиҳамкәа аҭыԥ амазароуп ҳәа.

Ԥхынгәы 14 рзы Аԥсны акоронавирустә инфекциа аҭыԥ амам.

Иара убас шәаԥхьар ҟалоит:

20

Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа

12
(ирҿыцуп 13:32 15.07.2020)
Аԥсны Ахада аҳәааҿы аԥкрақәа рыҿҳәара анахаразы аусԥҟа инапы аҵаиҩит Ауааԥсыра акоронавирус рацәыхьчаразы акоординациатә штаб иаднакылаз аӡбамҭа инақәыршәаны.

АҞӘА, ԥхынгәы 15 - Sputnik. Аԥсны ахада Аслан Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа, абри атәы аанацҳауеит атәыла ахада ипресс-маҵзура.

Адырраҭараҿы иазгәаҭоуп аԥсуа ган аурыс-аԥсуа ҳәаа ахысразы иҟоу аԥкрақәа раԥыхра алзыршо ажәалагалақәа шышьақәнаргылаз.

Урыстәыла аиҳабыра рхада Михаил Мишустин ихьӡала ашәҟәы нашьҭуп Аԥсны аҳәааҟны аԥкрақәа рахыхра шрылшо, иахәҭоу асанитар-епидемиологиатә усмҩаԥгатәқәа ирықәныҟәозар.

Уажәазы аҩганк реиҳабырақәа рхаҭарнакцәа злахәу аилацәажәарақәа мҩаԥысуеит аҳәааҟны аԥкрақәа раԥыхра алзыршо еицырзеиԥшу аӡбамҭа рыдыркыларц азы.

Ԥхынгәы 3 рзы имҩаԥысуаз апресс-конференциаҟны Аслан Бжьаниа иазгәеиҭеит аҳәаа аартра аепидемиологиатә ҭагылазаашьа ишадҳәалахо, Аԥсны аҳәаа аартра ишазыхиоу, аха атәылақәа рыҩба аамҭак ала рус еиқәдыршәар шакәу.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, урҭ рҟынтәи 37-ҩык ргәы бзиахеит, аӡәы лыԥсҭазаара далҵит.

Иахьатәи аамҭазы Аԥсны Аҳәынҭқарраҟны акоронавирустә инфекциа зыхьуа ҳәа аӡәгьы дыҟаӡам.

Иара убас шәаԥхьар ҟалоит:

12