аԥырыҩ дызҭам аҳаирплан

Аԥырыҩ дызҭам аҳаирплан Урыстәыла аҳәаа иахьаԥну аԥшыхәрақәа мҩаԥнагон

2
(ирҿыцуп 11:36 03.07.2019)
Еиду аштатқәа рҳаиртә мчрақәа аԥырыҩ дызҭам аҳаирплан RQ-4A Global Hawk Калининградтәи аобласти Белоруссиеи рыбжьара ирбеит ԥхынгәы 2 рзы.

АҞӘА, ԥхынгәы 3 – Sputnik. Еиду аштатқәа рҳаиртә мчрақәа аԥырыҩ дызҭам аҳаирплан RQ-4A Global Hawk Калининградтәи аобласти Белоруссиеи рыбжьара аԥшыхәратә хаԥраара мҩаԥнагон.

Амониторингтә ресурс PlaneRadar адыррақәа рыла, америкатәи аԥырҩы дызҭам аҳаирплан Италиа аҳаиртә баӷәазаҟынтә ишьҭыԥрааит. Асааҭ 18:50 рзы Калининградтәи аобласти Белоруссиеи рыбжьара ирбеит.

"Асааҭ 21:30 мск рзы аҳаиртә баӷәазахь ихынҳәит", - аҳәоит адырраҭараҿы.

Аҵыхәтәантәи аамҭақәа рзы Урыстәыла аҵакыра ааигәара асеиԥш иҟоу аҳаирплан-ԥшыхәцәа рбо иалагеит.

2018 шықәса иалагӡаны арадио-техникатә ар иҭарыԥшыхәхьеит 980 нызқь аппарат. Урҭ рҟынтәи х-нызқь рҟынӡа аҳаирплан-ԥшыхәцәа роуп.

 

2