Dupuy de Lôme

Амшын еиқәа акваториа иҭалеит франциатәи аԥшыхәратә ӷба

4
Украина-америкатәи аҽазыҟаҵарақәа Sea Breeze — 2019 хацыркхеит ԥхынгәы 1 азы.

АҞӘА, ԥхынгәы 4 — Sputnik. Амшынеиқәа акваториа иҭалеит Франциа арра-мшынтә флот аԥшыхәратә ӷба Dupuy de Lôme ҳәа аанацҳауеит РИА Новости, аресурс Bosphorus Observer адыррақәа ҵаҵӷәыс иганы. Аӷба Dupuy de Lôme аԥҵоуп арадиоелектронтә ԥшыхәразы.

Украина-америкатәи аҽазыҟаҵарақәа Sea Breeze—2019 мҩаԥысраны иҟоуп адгьыл, аҳауа, амшын, амшын аҵан.

Уаанӡа, аминамҩангаҩ "Карни" асабша, рашәара 29 рзы Амшынеиқәа акваториа иҭалеит, Амшынеиқәа акваториа иҭалаз америкатәи аесминец ашьклаԥшуеит Амшынеиқәтә флот аӷбақәа ҳәа аанацҳахьан РИА Новости.

Уи, аӷба "Сметливый", аелектронтәи атехникатәи хархәагақәа ацырхырааны аесминец Амшын еиқәа аӡқәа рҿы иҟанаҵ иашьклаԥшлоит.

Уаанӡа Еиду аштатқәа афбатәи рфлот адырра ҟанаҵахьан "Карни" арра-мшынтә ҽазыҟаҵарақәа Sea Breeze - 2019 ирылахәхоит ҳәа. "Амшын еиқәа иаҵанамкуа аҳәынҭқаррақәа рыӷбақәа аӡыбжьахала ибжьысырц азы иҳәаақәызҵо аконвенциа Монтрио инақәыршәаны аесминец ара иҟазар алшоит 21 уахи-ҽни ирхымгакәа.

Урыстәыла Амшынеиқәатә флот агәыԥқәа НАТО аҽазыҟаҵарақәа ирхылаԥшуеит>>

Украина азакәанԥҵара инақәыршәаны, атәылаҿ аҳәаанырцә ар рыҟазаара азин ыҟам, убри азы атәым ҳәынҭқарра аруаа уахь инеир ҟалоит атәыла ахада ҷыдала инапы зҵеиҩуа азакәан ала.

Sea Breeze адагьы арахь иаҵанакуеит украина-америкатәи аҽазыҟаҵарақәа Rapid Trident, украина-румыниатәи аҽазыҟаҵарақәа Riverine, украина-британиатәи аҽазыҟаҵарақәа Warrior Watcher, амилаҭрацәатә ҽазыҟаҵарақәа "Кленовая арка".

 

4