ЕАА Рконгресс Урыстәыла аҳәынҭуал аганахьала асанкциақәа арҽеирақәа рыларгалоит

7
(ирҿыцуп 14:59 12.07.2019)
Урыстәыла аҳәынҭуал аганахьала асанкциақәа рырӷәӷәара аԥшьыргеит Калифорниа ахьӡала Адемократиатә партиа ахаҭарнакцәа Бредли Шермани Максин Уотерси.

АҞӘА, ԥхынгәы 12 – Sputnik. ЕАА Рконгресс ахаҭарнакцәа рпалата Урыстәыла аҳәынҭуал аганахьала асанкциақәа арҽеирақәа рыларгалоит ҳәа аанацҳауеит РИА Новости ателеканал C-Span адыррақәа ҵаҵӷәыс иганы.

"Ариашара иазԥхьагәанаҭоит Урыстәыла аганахьала асанкциақәа рырӷәӷәара. Уи ариашара инақәыршәаны америкатәи атәылауаа иҿыцу еилаӡарак амҩаԥгаразы азин роуам. Иара асанкциақәа рхыхра азԥхьагәанаҭоит, ЕАА рхадара Урыстәыла алхрақәа ирылахәымызт ҳәа шьақәнарӷәӷәар", - ҳәа иҳәоит аконгрессмен Бредли Шерман.

2016 шықәса рызтәи алхрақәа рышьҭахь ЕАА Москва алхрақәа аҽрыланархәит ҳәа ахара адырҵеит.

Кремль изныкымкәа уи мап ацәнакхьеит, Урыстәыла ахада ипресс-маҵзуҩы Дмитри Песков иакәзаргьы, уи "ҵаҵӷәы змам харадҵароуп" ҳәа азиҳәахьеит.

Урыстәыла АА рминистр Сергеи Лавров абри шьақәзырӷәӷәо иарбанызаалак фактк ыҟам ҳәа дықәгылахьеит.

 

7