Владимир Путин Владимир Зеленски ҭелла диацәажәеит

Путини Зеленскии ҭелла реицәажәара мҩаԥысит

3
(ирҿыцуп 17:59 07.08.2019)
Урыстәыла ахада Владимир Путин Украина ахада Владимир Зеленски ҭелла диацәажәеит Украина алада-мрагыларатәи ахәҭаҿы аҭыԥ змоу аимак аӡбахә ала.

АҞӘА, нанҳәа 7 – Sputnik. Урыстәылеи Украинеи рхадацәа Владимир Путини Владимир Зеленскии ҭелла иалацәажәеит "нормандиатәи аформат" ала аинырра ԥхьаҟатәи аԥеиԥш.

Кремль асаит аҿы ишазгәаҭоу ала, аганқәа ацеиқәшаҳаҭхеит Минсктәи аиқәшаҳаҭрақәа аҵак ду рыманы ишыҟоу, ЛЖәРи ДЖәРи аиуристтә статус рыҭара азҵаарагьы абрахь иналаҵаны.

Владимир Путин иажәақәа рыла, аимак аҭышәныртәалара амҩа иқәлоит Украина ар арҭ аҭыԥқәа рылахысра анааныркылалак ашьҭахь, иара убасгьы аҳәааҟны ар реиԥыгара анымҩаԥгахалак ашьҭахь.

Атәылақәа рхадацәа еилацәажәеит иаанкылан иҟоу ауаа роушьҭра аганахьала аусурақәа мҩаԥгахарц азы.

Ҭелла аицәажәара аԥшьгоуп Киев агәаԥхарала ҳәа аҳәоит асаит аҿы.

Иара убас шәаԥхьар ҟалоит:

3