ООН Ашәарҭадаратә хеилак

Полиански: Мраҭашәара Қырҭтәылеи Аԥсныи реинырра иаԥырхагоуп

18
(ирҿыцуп 11:51 09.08.2019)
Уаанӡа ООН Ашәарҭадаратә хеилак аҟны имҩаԥысит ақырҭуа-ауаԥс еибашьра ашықәсхыҵра иазкыз иарку аилацәажәара.

АҞӘА, нанҳәа 9 - Sputnik. ООН иҟоу Урыстәыла ахаҭарнак инапынҵақәа назыгӡо Дмитри Полиански аҳәамҭа ҟаиҵеит Қырҭтәылеи Аԥсныи Аахыҵ Уаԥстәылеи рыбжьара аибарххара зырԥсыҽыр алшо Қарҭ, Цхинвал, Аҟәа ишиашо имҩаԥысуа адиалог шакәу. Абри атәы аанацҳауеит РИА Новости.

Уаанӡа ООН Ашәарҭадаратә хеилак аҟны имҩаԥысит 2008 шықәсазтәи ақырҭуа-ауаԥс еибашьра ашықәсхыҵра иазкыз иарку аилацәажәара.

Абра иқәгылеит ЕАА, Великобританиа, Польша, Бельгиа, Естониа, Германиа, Франциа рдипломатцәа. Арҭ атәылақәа рхаҭарнакцәа аҽазныкгьы ирҳәеит "Қырҭтәыла асуверинитети аҵакырадгьылтә акзаареи ахьыԥшымреи" адгылара шрырҭо.

Полиански иазгәеиҭеит 11 шықәса раахыс арҭ атәылақәа ргәаанагара аҽшеиҭанамкыз.

"Қырҭтәыла абри агха ахәԥса ҳарак ахнашәааит. Ҳара мҩак ауп иаабо Кавказ аҭынчра аҟаларазы. Қырҭтәылеи Аԥсныи Қырҭтәылеи Аахыҵ Уаԥстәылеи рыбжьара аибарххара зырԥсыҽыр алшо Қарҭ, Цхинвал, Аҟәа ишиашо имҩаԥысуа адиалог заҵәык ауп", - иҳәеит Полиански.

Иара игәаанагарала арҭ аиҿцәажәарақәа ахы рыланархәыр алшоит Москвагьы. Адипломат иҳәеит Кремль иалшо зегь шыҟанаҵо Қырҭтәылеи Урыстәылеи рыбжьара ҩ-ганктәи аимадарақәа ҿиаларц.

"Аполитикатә ҭагылазаашьа иахьмырԥшыкәа урыстәылатәи атуристцәа Қырҭтәыла иаҭаауеит. Ауаа дара-дара рыбжьара аинырра бзиа ыҟоуп. Проблемада ақырҭуа аалыҵ ҳџьармыкьақәа рахь иааиуеит. Қырҭтәыла уи ахашәала бзиа анаҭоит. Ҳаргьы уи агәахәара ҳнаҭоит", - иҳәеит Полиански.

Қырҭтәыла нанҳәа 8, 2008 шықәса рзы "Градқәа" рыла Аахыҵ Уаԥстәыла алахысра иалагеит, ар аҳҭнықалақь Цхинвал ҟәыбаса ишьҭарҵеит.

Урыстәыла Аахыҵ Уаԥстәыла ауааԥсыра рыхьчаразы ар ареспублика иаланагалеит. Москва нанҳәа 26, 2008 шықәса рзы Аԥсныи Аахыҵ Уаԥстәылеи рсуверинитет азханаҵеит.

Аамҭақәак рышьҭахь Аԥсныи Аахыҵ Уаԥстәылеи азхарҵеит: Никарагуа, Венесуела, Науру, Вануату, Тувалу, Шьамтәыла.

Иара убас шәаԥхьар ҟалоит:

18

Урыстәыла АШәМ Ростовтәи аобласт аҿы атеракт аԥдырҟәҟәааит

14
(ирҿыцуп 14:31 13.07.2020)
Урыстәыла АШәМ адиректор Александр Бортников иқәгылара инақәыршәаны, аҵыхәтәантәи жәашықәса рыҩныҵҟа Урыстәыла 160 теракт рымҩаԥгара аԥырҟәҟәаан, 2019 шықәса рзы – 43.

АҞӘА, ԥхынгәы 13 - Sputnik. Урыстәыла Афедералтә Шәарҭадаратә маҵзура иаадырԥшит "Исламское государство" алахәылацәа ргәыԥ Ростовтәи аобласт аҿы ҳәа аанацҳауеит Урыстәыла АШәМ ауаажәларра рнырразы Ацентр.

"Дара аполициаа рықәлареи амедицинатәи аҵараҵаратәии усбарҭақәа рҿы атеррористтә акциақәеи рымҩаԥгара рҽаздырхион", - аҳәоит арелиз аҿы.

Аоперациа ҷыда мҩаԥган Азовтәи араион аҿы. Агәыԥ ахада иаанкылараан аҿагылара ҟаиҵеит автомат Калашников ала дхысуа, нас арԥжәагала иҽԥижәеит. Иара дҭахеит, егьырҭ ахәҩык аанкылоуп.

Иааныркылаз ргәаҭараан ирыдбалоуп автоматқәа, аџьаԥҳаны, ахалаҟаҵаратә рԥжәага, анаркотикқәа.

Атеракт, абџьар закәанда ахархәара, азинхьчаратә усбарҭақәа рҿагылара рзы ашьаус хацыркуп.

Урыстәыла АШәМ адиректор Александр Бортников иқәгылара инақәыршәаны, аҵыхәтәантәи жәашықәса рыҩныҵҟа Урыстәыла 160 теракт рымҩаԥгара аԥырҟәҟәаан, 2019 шықәса рзы – 43.

Иара убас шәаԥхьар ҟалоит:

14

Урыстәыла уахыки-ҽнаки рыла 6 537-ҩык авирус рыдбалоуп

9
(ирҿыцуп 11:47 13.07.2020)
Иахьатәи аамҭазы Урыстәылатәи арегионқәа 85 рҿы 733 699-ҩык акоронавирустә инфекциа ирыдбалоуп.

АҞӘА, ԥхынгәы 13 - Sputnik. Урыстәыла уахыки-ҽнаки рыла 6 537-ҩык авирус рыдбалоуп арегионқәа 84 рҿы ҳәа аанацҳауеит COVID-19 аҿагыларазы Москва аоперштаб.

Авирус зыдбалаз рҟынтәи 25,6% аклиникатә ҟазшьа рныԥшуамызт. Уахыки-ҽнаки рыла рыԥсҭазаара иалҵит 104-ҩык, ргәы бзиахеит 2 960-ҩык.
Зынӡа атәылаҿы иазгәаҭоуп 11 439-ҩык COVID-19 змоу, урҭ рҟынтәи 504 021 -ҩык ргәы бзиахахьеит.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, ҩыџьа Гәдоуҭатәи ахәышәтәырҭа иҭоуп, 35-ҩык ргәы бзиахеит, аӡәы лыԥсҭазаара далҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

9
Атемақәа:
Ачымазара ҿкы – акоронавирус Аԥсни адунеи аҿи: иалкаау

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

0
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

0