Шәача ашоура ӷәӷәа иазыԥшуп

28
(ирҿыцуп 18:05 14.08.2019)
Иҟаз амшцәгьақәа рышьҭахь Шәача ашоура бааԥс ҟалоит ҳәа иазыԥшуп.

АҞӘА, нанҳәа 14 — Sputnik. Шәачатәи анапхгара ақалақь ауааԥсыреи асасцәеи адырра рырҭоит акрорт иахьаҵанакуа ашоура цәгьа ҟалар алшоит ҳәа. Абри азы аинформациа цәыргоуп ақалақь ахадара асаит аҿы.

Нанҳәа 14 - 15 рзы +37°С рҟынӡа ашоура ҟалар ҟалоит.

"АҶА аусзуҩцәа аҳәара ҟарҵоит шәачааи аԥсшьаҩцәеи акраамҭа амраҿ аҟазаара рҽацәырыхьчаларц, иахьаҭыԥым амца еиқәырымҵаларц", - аҳәоит адырраҭараҿы.

Шәача иахьаҵанакуа амшцәгьақәа аҭыԥ рыман рашәарамза анҵәамҭа инаркны.

Ԥхынгәы 14 рзы Шәача ақалақь ауааԥсыреи асасцәеи амшцәгьақәа инарыдҳәаланы ргәы рҽанырҵеит. Ирабжьыргеит ашьхаҟа ныҟәара имцарц, аӡиасқәа рааигәара аԥсшьарҭаҭыԥ алрымхырц, амашьынақәа аҵлақәеи аихатә канструкциақәеи ирыҵадмыргылаларц.

"Аӡиасқәа рҟны аӡы шьҭыҵыр алшоит. Ашьха иахьаԥну аҳәынҵәеиларшьшь леиуеит. Магри - Веселое иахьаҵанакуа амшын аҿы аԥшеиларҳә ҟалар ауеит", - азгәарҭон акурорт анапхгара.

Ԥхынгәы 14 рзы амшцәгьа иахҟьаны Кудепста, Адлер, аԥсуа-аурыс ҳәаахь уаазго афедералтә трасса рҿы амҩақәа ӡыла иҭәын.

Аԥшацәгьа иахҟьаны адәыӷбақәа рныҟәара еиԥҟьан.

Ԥхынгәы 18, 19 аметеорологцәа иазыԥхьагәарҭоит ақәаршҩы, адыд-мацәыс, аԥшаӷьы. Ԥхынгәы 25 рзы амшцәгьақәа ирхырҟьаны адгьыл ҳәазеит.

Нанҳәа 4 рзгьы агәҽанҵарақәа рылаҳәан. Амшын аҿы ицәырҵыз аԥшатлакә авидео ианҵан.

28

Венгриа алаҵа "Спутник V"аиуразы Урыстәыла иалаӡеит

3
(ирҿыцуп 14:37 22.01.2021)
Урыстәыла агәабзиарахьчара аминистр Михаил Мурашкои Венгриа адәныҟатәи аусқәеи адныҟатә хәаахәҭреи рминистр Петер Сиаиартои алацәажәеит урыстәылатәи алаҵа "Спутник V" Венгриаҟа анашьҭра азҵаара.

АҞӘА, ажьырныҳәа 22 - Sputnik. Венгриеи Урыстәылеи аиқәшаҳаҭра рыбжьарҵеит акоронавирус аҟынтәи алаҵа Венгриа азынашьҭразы ҳәа иҳәеит Венгриа адәныҟатәи аусқәеи адныҟатә хәаахәҭреи рминистр Петер Сиаиартои. Абри атәы аанацҳауеит РИА Новости.

"Ари ԥыжәара зҭатәу милаҭтә зҵаароуп, уи ишалшо ала ирццактәуп. Алаҵа иаарласны аиуразы Урыстәылеи ҳареи аиқәшаҳаҭра ҳабжьаҳҵеит, зыгәра угаша алаҵа Венгриа аиуразы. Алаҵа арахь иаашьҭхоит х-етапкны", - ҳәа иҳәеит Сиаиарто Урыстәыла агәабзиарахьчара аминистр Михаил Мурашкои иареи Москва реиԥылара ашьҭахь.

Венгриа Афармокологиеи афатәи рмилаҭтә институт акоронавирус аҿагылараз урыстәылатәи алаҵа "Спутник V" ашәҟәы иҭанагалеит. Абас ала, Венгриа, Евроеидгыла атәылақәа рахьынтәи ираԥхьатәихеит алаҵа "Спутник V" официалла зҵакыраҿы аҟаҵара ауа. Венгриа алаҵа ҭаҩуп ирццаку апроцедура (emergency use authorization) аҳәаақәа ирҭагӡаны, "Спутник V" аклиникатә ҭҵаарақәа рдыррақәа рышьаҭалеи Венгриатәи аекспертцәа ргәаанагарақәа рышьаҭалеи.

Иара убас шәаԥхьар ҟалоит:

3

Урыстәыла афинансқәа рминистрраҿы ирҳәеит ЕАЕС аиҭалалараан атауарқәа рхымс еиҭакзарц

4
ЕАЕС аҵакыра алалара аԥҟаррақәа аус руеит аурыс-аԥсуа ҳәааҿгьы. Евразиатәи аекономикатә комиссиа аӡбрала Аԥснынтәи Урыстәылаҟа аӡәы илшоит ииаигар адекларациада 25 кьыла ақыҭанхамҩаалыҵ.

АҞӘА, ажьырныҳәа 22 - Sputnik. Урыстәыла афинансқәа рминистрра ажәалагала ҟанаҵеит ԥхынгәы 1 инаркны мызкы аҩнуҵҟа ЕАЕС аиҭалалараан атауарқәа баџьдатәи рхымс еиҭакзарц - 50 евро рҟынӡеи 10 кьылак аалыҵи ҳәа. Абри азы Евразиатәи аекономикатә комиссиа (ЕЕК) аӡбара кьыԥхьуп анормативтә зинтә актқәа рыпроектқәа рфедералтә портал аҿы. Абри атәы аанацҳауеит РИА Новости.

Ажьырныҳәа 1 2019 шықәса инаркны ирыдкылан анорма, зҳәаала ахатәхархәаразы ахатәхаҿқәа баџьда 500 еврои 25 кьыла аалыҵи ииаргар ауаз. Адокумент инақәыршәаны Афинансқәа рминистрра актәи алалараан ари анорма еиқәырханы, аҩбатәи алалараани егьырҭ амза аҩнуҵҟа ралалараани еиҵартәарц ажәалагала ҟанаҵеит.

"Ԥхынгәы 1 2021 шықәса рзы ахәԥса 500 евро иашьашәалахоит, акапан 25 кьыла еиҳам мзартә мзак аҩнуҵҟа знык; ахәԥса 50 евро иашьашәалахоит, акапан 10 кьылак еиҳам мзартә мзак аҩнуҵҟа ҩынтәи хынтәи раан", - ҳәа аҳәоит адокумент аҿы.

ЕАЕС аҵакыра алалара аԥҟарақәа аус руеит аурыс-аԥсуа ҳәааҿгьы. Евразиатәи аекономикатә комиссиа аӡбарала Аԥснынтәи Урыстәылаҟа аӡәы илшоит ииаигар декларациада 25 кьыла ақыҭанхамҩаалыҵ.

Ари инахыҳәҳәо аҭагылазаашьаан ишәатәуп абаџь атауар ахәԥсаҟынтәи 30% инаӡо. Убри адагьы ақыҭанхамҩаалыҵ азы афитосанитартә сертификат хымԥадатәиуп.

4

Аԥсуа ҳазалхыҩцәа амаининг хархәагақәа аҳәаа рахыгара аԥдырҟәҟәааит

2
(ирҿыцуп 18:42 22.01.2021)
Акриптовалиута аиуразы амаининг азы аусурақәа Аԥсны иахьаҵанакуа иаанкылоуп 2021 шықәса рашәарамза акы азынӡа Аминистрцәа реилазаара аусԥҟа инақәыршәаны, иара абри аамҭазы азин ыҟам амаининг хархәагақәагьы ареспубликахь ралагалара.

АҞӘА, ажьырныҳәа 22 - Sputnik. Аԥсуа ҳазалхыҩцәа амаининг хархәагақәа быжьба аҳәаа рахыгара аԥдырҟәҟәааит ҳәа аанацҳауеит Аԥсны Аҳазалхратә еилакы.

"Ажьырныҳәа 19 2021 шықәсазы аҳазалхратә хылаԥшра азонаҿы аҳазалхырҭатә ҭыԥ "Ԥсоу" амаҵзурауаҩ иааникылеит автотранспорттә хархәага, Урыстәылатәи Афедерациа атәылауаҩ зыԥсҟы икыз. Автомашьына агәаҭараан аидараҭраҿы иԥшаан Аԥсны залагалара азин ыҟам амаининг хархәагақәа быжь-цырак", - ҳәа аҳәоит Аԥсны АЕ адырраҭараҿы.

Абри административтә зинеилагара аганахьала аус нашьҭуп Аԥсны Аҳәынҭқарра Аҳазалхратә еилакы аҳазалхратә ҭҵаарақәа рыҟәшахьы.

Иара убас шәаԥхьар ҟалоит:

2