Амшынқәылаҩцәа

Камерун иахьаҵанакуа амшынқәылаҩцәа аурыс мшынуаа хҩык рытҟәеит

15
Нанҳәа 15 рзы Камерун иахьаҵанакуа амшын аԥшаҳәаҿы амшынқәылаҩцәа аурыс мшынуаа хҩык рытҟәеит. Урҭ рҿыхразы иззыҳәо аԥара ашәагаа аӡбахә макьана ирҳәом.

АҞӘА, нанҳәа 21 - Sputnik. Амшынқәылаҩцәа иртҟәаз аурыс мшынуаа рҿыхразы аиҿцәажәарақәа ҩымчыбжьа ргар ҟалоит, абри атәы РИА Новости иазеиҭарҳәеит Камерун иҟоу Урыстәыла ацҳаражәҳәарҭаҟны.

"Иҳамоу аинформациала, амшынқәылаҩцәа нигериауаауп. Агәҩара ҳамоуп урҭ иртҟәаз Нигериа аҵакырахь иргеит ҳәа. Ҳамшынуаа ргәабзиара хар амам ҳәа иазаҳԥхьаӡоит. Еиҿкааз Ирццаку аҭак ҟаҵара агәыԥ ҳамшынуаа рҿыхразы аиҿцәажәарақәа мҩаԥнагоит. Уажәазы урҭ афатә-ажәтәи ахәшәқәеи рызнагара иақәшаҳаҭхахьеит", - иҳәеит адипмиссиа ахаҭарнак.

"Ас еиԥш иҟоу хҭысқәа раан аиҿцәажәарақәа ҩымчыбжь рҟынӡа иргоит, иҟоу аԥышәа инақәыршәаны", - рҳәеит ацҳаражәҳәарҭаҟны, иара убасгьы иазгәарҭеит аҿыхразы адыррақәа рырӡара ҟалом амшынуаа ршәарҭадара ҳасаб азуны.

Камерунтәи амшынбаӷәаза Дуалаҟны ареид аан нанҳәа 15 рзы амшынқәылаҩцәа Антигуеи Барбудеи рбираҟ зхашәыршәыруаз анемец компаниа MarConsult Schiffahrt иатәу аидарамҩангага ӷба "Мармалаита" иажәлеит.

Урҭ ирытҟәеит ааҩык ауааԥсыра, урҭ рхыԥхьаӡараҿы иҟоуп хҩык аурысцәа - Санкт-Петербургтәи ацхырааҩ еиҳабы, Владивостоктәи акаԥдан, Мурмансктәи амеханик еиҳабы. Егьырҭ атҟәацәа Украина атәылауаҩи ԥшьҩык афиллипинуааи роуп. Аӷба ахаҭа рымгаӡеит.

15

Аекспертцәа: Аԥсны Шәача аасҭа аԥсшьарахәқәа 20-40% рыла еиҵоуп

3
Заанаҵтәи аҿаҵара атуроператорцәа ишырҳәо ала Аԥсны иахьазы ахархәара иазыхиоуп 100 - 150 обиект.

АҞӘА, нанҳәа 7- Sputnik. Аԥснытәи асасааирҭақәа рыхәԥсақәа 20-40 процент рыла еиҵоуп Шәача аасҭа, аха аҭагылазаашьа аҽаԥсахыр ҟалоит ҳәа рҳәеит Урыстәыла атуроператоцәа р-Ассоциациаҿы.

Иахьазы асасааирҭатә номерқәа ҵыԥхтәи ахәқәа рыла аахәара ҟалоит, аха аҭахрақәа ишрызҳалак аотельерцәа урҭ шьҭырхыр ауеит.

"Заҟа изааны атурист аара иӡбо аҟара имарианы иоуеит атур", - рҳәоит атуроператорцәа.

Атуроператор "Дельфин" аҟазауаа ишырҳәо ала Аԥсныҟа атурқәа рыҭира ииасыз ашықәс иахыҳәҳәоит, "ексцессқәак" ҟамлар ҵыԥхтәи аҩаӡарахь ихалоит.

Аекспертцәа ирҳәоит Аԥсны ианаамҭаз иаадыртит ҳәа.

Иара убас шәаԥхьар ҟалоит:

3

Урыстәыла уахыки-ҽнаки рыла 5 267-ҩык авирус рыдбалоуп

4
(ирҿыцуп 14:20 06.08.2020)
Иахьатәи аамҭа инақәыршәаны, Урыстәылатәи арегионқәа 85 рҿы зынӡа 871 894-ҩык акоронавирустә инфекциа рыдырбалахьеит.

АҞӘА, нанҳәа 6 - Sputnik. Урыстәыла уахыки-ҽнаки рыла 5 267-ҩык авирус рыдбалоуп арегионқәа 85 рҿы ҳәа аанацҳауеит COVID-19 аҿагыларазы Москва аоперштаб.

Авирус зыдбалаз рҟынтәи 26,2% аклиникатә ҟазшьақәа рныԥшуамызт.

Уахыки-ҽнаки рыла рыԥсҭазаара иалҵит 116-ҩык, ргәы бзиахеит 7 331-ҩык.

Зынӡа атәылаҿы COVID-19 иахҟьаны 14 606 ԥсыҭбара азгәаҭоуп, 676 357-ҩык ргәы бзиахахьеит.

Агәабзиарахьчаразы адунеизегьтәи аиҿкаара хәажәкыра 11 рзы акоронавирустә инфекциа ҿыц COVID-19 пандемиоуп ҳәа ахырҳәааит.

Аԥсны ауааԥсыра акоронавирус рацәыхьчаразы аштаб адыррала, ареспубликаҿавирус рыдырбалахьеит 109-ҩык, ргәы бзиахеит 37-ҩык, хҩык рыԥсҭазаара иалҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсныҟа иааргараны иҟоуп хә-нызқь рҟынӡа атест-системақәа

0
(ирҿыцуп 14:59 07.08.2020)
Аԥсны иахьатәи аамҭазы иааизакны коронавирус рыманы ишьоуп 114-ҩык. Урҭ рҟынтәи 37-ҩык ргәы бзиахахьеит, хҩык ԥсит.

АҞӘА, нанҳәа 7 - Sputnik. Акоронавирустә инфекциа амазаара ашьақәыргыларазы хә-нызқь рҟынӡа атест-системақәа Аԥсныҟа иааргараны иҟоуп, абри атәы Sputnik имҩаԥысуаз апресс-конференциаҿ илҳәеит Агәабзиарахьчара аминистрра ахәышәтәратә усбарҭа аиҳабы Саида Делԥҳа.

"Хара имгакәа хә-нызқь система ааргараны иҟоуп, аха ҳара урҭ изыхәҭаны иҟоу ирзымҩаԥаагалоит", - лҳәеит лара.

Делԥҳа лажәақәа рыла, Аԥсныҟа иаарго атест-системақәа агәаҭара иахыжьуп, рырбагақәа рыгәра угоит.

Иара убас Делԥҳа илҳәеит, нанҳәа 7 рзы Сечин ихьӡ зху аинститут аҟазауаа Аԥсныҟа ишаауа, аковидтә центр ишаҭаауа, иаҭаххар аҭыԥантәи аҳақьымцәа ацхыраара шрырҭо.

Иара убас шәаԥхьар ҟалоит:

  • Аԥснынтә COVID-19 зманы инанаго апациентцәа рзы адкыларҭа дырхиоит Шәача
0
Атемақәа:
Ачымазара ҿкы – акоронавирус Аԥсни адунеи аҿи: иалкаау