ашоура бааԥс

Ҟәбина иахьаҵанакуа ашоура бааԥс ҟалоит ҳәа рыларҳәеит

17
Аҳауаԥхарра ҭыԥқәак рҟны 40 градус рҟынӡа ихалар алшоит.

АҞӘА, нанҳәа 23 – Sputnik. Краснодартәи атәылаҿацә аҟны ашоура бааԥс ҟалоит ҳәа иаалырҟьаны адырра ҟарҵеит, абри атәы аҳәоит Шәача ахадара асаит аҟны.

"Нанҳәа 23-24 рзы асааҭ 14:00 - 17:00 ирыбжьаркуа аамҭазы атәылаҿацә аҟны ашоура бааԥс иазыԥшуп. Аҳауаԥхарра +39° рҟынӡа инаӡоит", - ҳәа аарыцҳауеит адырраҭараҟны.

Шәача анапхгара ақалақь-курорт ауааԥсыреи асасцәеи рахь ааԥхьара ҟарҵоит рхы гәарҭарц: амра ицәымларц, аӡы рацәаны иржәларц.

Рашәарамза анҵәамҭа аахижьҭеи Шәача ақәаршыҩ ӷәӷәақәа ауит, урҭ ирыхҟьаны илеит аӡымҭҟьарқәа, аӡхыҵрақәа ҟалеит.

Ԥхынгәы 14 рзы Шәача илеиз ақәаршыҩ ӷәӷәа иахҟьаны аӡы хыҵит Ҟәыдиԥсҭеи Адлери рраионқәа рымҩақәа рҿы, аурыс-аԥсуа ҳәаахь уназго афедералтә мҩаду ахәҭак.

Ԥхынгәы 25 ахәылбыҽха ақәа кыдхаҽан иахьлеиуаз иахҟьаны адгьыл ҳәазан, Шәача агәы иалсуа аӡиас Ԥсахы аӡышьҭра иаԥыраҳаит.

Нанҳәа 4 рзы Шәача ҩаԥхьа амшцәгьа шыҟало рыларҳәеит, усҟан амшын аҿы афырҭынқәа хылеит.

17

Аекспертцәа: Аԥсны Шәача аасҭа аԥсшьарахәқәа 20-40% рыла еиҵоуп

3
Заанаҵтәи аҿаҵара атуроператорцәа ишырҳәо ала Аԥсны иахьазы ахархәара иазыхиоуп 100 - 150 обиект.

АҞӘА, нанҳәа 7- Sputnik. Аԥснытәи асасааирҭақәа рыхәԥсақәа 20-40 процент рыла еиҵоуп Шәача аасҭа, аха аҭагылазаашьа аҽаԥсахыр ҟалоит ҳәа рҳәеит Урыстәыла атуроператоцәа р-Ассоциациаҿы.

Иахьазы асасааирҭатә номерқәа ҵыԥхтәи ахәқәа рыла аахәара ҟалоит, аха аҭахрақәа ишрызҳалак аотельерцәа урҭ шьҭырхыр ауеит.

"Заҟа изааны атурист аара иӡбо аҟара имарианы иоуеит атур", - рҳәоит атуроператорцәа.

Атуроператор "Дельфин" аҟазауаа ишырҳәо ала Аԥсныҟа атурқәа рыҭира ииасыз ашықәс иахыҳәҳәоит, "ексцессқәак" ҟамлар ҵыԥхтәи аҩаӡарахь ихалоит.

Аекспертцәа ирҳәоит Аԥсны ианаамҭаз иаадыртит ҳәа.

Иара убас шәаԥхьар ҟалоит:

3

Урыстәыла уахыки-ҽнаки рыла 5 267-ҩык авирус рыдбалоуп

4
(ирҿыцуп 14:20 06.08.2020)
Иахьатәи аамҭа инақәыршәаны, Урыстәылатәи арегионқәа 85 рҿы зынӡа 871 894-ҩык акоронавирустә инфекциа рыдырбалахьеит.

АҞӘА, нанҳәа 6 - Sputnik. Урыстәыла уахыки-ҽнаки рыла 5 267-ҩык авирус рыдбалоуп арегионқәа 85 рҿы ҳәа аанацҳауеит COVID-19 аҿагыларазы Москва аоперштаб.

Авирус зыдбалаз рҟынтәи 26,2% аклиникатә ҟазшьақәа рныԥшуамызт.

Уахыки-ҽнаки рыла рыԥсҭазаара иалҵит 116-ҩык, ргәы бзиахеит 7 331-ҩык.

Зынӡа атәылаҿы COVID-19 иахҟьаны 14 606 ԥсыҭбара азгәаҭоуп, 676 357-ҩык ргәы бзиахахьеит.

Агәабзиарахьчаразы адунеизегьтәи аиҿкаара хәажәкыра 11 рзы акоронавирустә инфекциа ҿыц COVID-19 пандемиоуп ҳәа ахырҳәааит.

Аԥсны ауааԥсыра акоронавирус рацәыхьчаразы аштаб адыррала, ареспубликаҿавирус рыдырбалахьеит 109-ҩык, ргәы бзиахеит 37-ҩык, хҩык рыԥсҭазаара иалҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсныҟа иааргараны иҟоуп хә-нызқь рҟынӡа атест-системақәа

3
(ирҿыцуп 15:04 07.08.2020)
Аԥсны иахьатәи аамҭазы иааизакны коронавирус рыманы ишьоуп 114-ҩык. Урҭ рҟынтәи 37-ҩык ргәы бзиахахьеит, хҩык ԥсит.

АҞӘА, нанҳәа 7 - Sputnik. Акоронавирустә инфекциа амазаара ашьақәыргыларазы хә-нызқь рҟынӡа атест-системақәа Аԥсныҟа иааргараны иҟоуп, абри атәы Sputnik имҩаԥысуаз апресс-конференциаҿ илҳәеит Агәабзиарахьчара аминистрра ахәышәтәратә усбарҭа аиҳабы Саида Делԥҳа.

"Хара имгакәа хә-нызқь система ааргараны иҟоуп, аха ҳара урҭ изыхәҭаны иҟоу ирзымҩаԥаагалоит", - лҳәеит лара.

Делԥҳа лажәақәа рыла, Аԥсныҟа иаарго атест-системақәа агәаҭара иахыжьуп, рырбагақәа рыгәра угартә иҟоуп.

Иара убас Делԥҳа илҳәеит, нанҳәа 7 рзы Сечин ихьӡ зху аинститут аҟазауаа Аԥсныҟа ишаауа, аковидтә центр ишаҭаауа, иаҭаххар аҭыԥантәи аҳақьымцәа ацхыраара шрырҭо.

Иара убас шәаԥхьар ҟалоит:

  • Аԥснынтә COVID-19 зманы инанаго апациентцәа рзы адкыларҭа дырхиоит Шәача
3
Атемақәа:
Ачымазара ҿкы – акоронавирус Аԥсни адунеи аҿи: иалкаау