Германиатәи аруаа реиқәыршәара бааԥсуп

4
(ирҿыцуп 16:23 29.08.2019)
Агазеҭ Die Welt иазгәанаҭоит ааигәа Германиа атәылахьчара аминистр иԥсахрагьы Бундесвер аҭагылазаашьа шазымԥсахыз.

АҞӘА, нанҳәа 29 – Sputnik. Анемец ар аматериал-техникатә проблемақәа рыдагьы, апроблемақәа рымоуп зыда ԥсыхәа ыҟам аҭахрақәа рҿгьы ҳәа аанацҳауеит РИА Новости, агазеҭ Die Welt адыррақәа ҵаҵӷәыс иҟаҵаны.

"Аҳаирпланқәа ԥыруам, атанкқәа ныҟәом, абзарбзанқәа хысуам. Бундесвер аиқәыршәара аарыцҳаушьартә иҟоуп", - ҳәа лыҩуеит аматериал автор.

Автор лажәақәа рыла, Бундесвер ар шьапымаҭәала реиқәыршәараҵәҟьа аамҭа аҭаххеит. Ааглыхра иамоу аԥкырақәа ирхырҟьаны иазыԥхьагәаҭаз арыцхә аҿҳәара акыр иахыԥеит.

Убас 160 нызқь шьапымаҭәа нашьҭын, убри аан Бундесвер ар рхыԥхьаӡара 183 нызқьҩык ыҟоуп.

Агазеҭ Der Tagesspiegel аинтервиу азҭаз Бундестаг адепутат Мари-Агнес Штрак-Циммерман илҳәеит ари рыцҳароуп ҳәа.

Бундестаг адепутатцәа уаанӡагьы иазгәарҭахьан анемец ар ирықәнагоу анапхгарагьы шрымам, еиҿкааралагьы даара ирыцҳаны иҟоуп ҳәа.

Иара убас шәаԥхьар ҟалоит:

4