Аахыҵ Уаԥстәыла ААР: Қырҭтәыла ахымҩаԥгашьа абџьаршьҭыхрахь икылнагар алшоит

35
Аахыҵ Уаԥстәылатәи ареспубликеи Қырҭтәылеи рҳәааҿы аҭагылазаашьа иаалырҟьаны аибарххара аиуит ииасыз аԥсшьарамшқәа рзы. Ақырҭуа полициа аҳәаа иаԥну ацәаҳәаҿы аблокпост аргылара нападыркит.

АҞӘА, нанҳәа 29 - Sputnik. Аахыҵ Уаԥстәыла Адәныҟатәи аусқәа рминистрра Қырҭтәыла ахымҩаԥгашьа ареспублика ауаажәларра ирҿагылоу акәны иаԥхьаӡоит ҳәа аанацҳауеит Sputnik Аахыҵ Уаԥстәыла.

Ақыҭа Цнелис, Знауртәи араион аҿы, ауааԥсыра рынхарҭақәа ирцәыхарамкәа ақырҭуа ар арратә обиектқәеи анџьныртә коммуникациақәеи рыргылареи рырӷәӷәареи нападыркит.

"Аахыҵ Уаԥстәыла Адәныҟатәи аусқәа рминистрра Қырҭтәыла ахымҩаԥгашьа ареспублика ауаажәларра ирҿагылоу акәны иаԥхьаӡоит, аҳәамҭагьы ҟанаҵоит аҭагылазаашьа ԥхьаҟагьы иуадаҩхар, Аахыҵ Уаԥстәылатәи ареспублика аҵакыратә акзаареи ауааԥсыра ршәарҭадареи рыхьчаразы иақәнагоу ашьаҿақәа ҟанаҵоит", - ҳәа Аахыҵ Уаԥстәыла Адәныҟатәи аусқәа рминистрра аҳәамҭа ҟанаҵеит.

Адәныҟаполитикатә усбарҭа агәҭынчымра аанарԥшуеит Қырҭтәыла имҩаԥнаго апровокациатә усқәа рхылҿиаазы.

Аахыҵ Уаԥстәылатәи адипломатцәа ражәақәа рыла, аҭагылазаашьа аруадаҩра иара ареспубликаҿ мацарагьы акәымкәа, арегион зегьы аҟны аҭынчра ҵнашәаауеит.

"Ишәгәалаҳаршәоит 2008 шықәса рызтәи ахҭысқәагьы абасеиԥш иҟаз ахымҩаԥгашьа аҭыԥ шамаз, Қырҭтәыла имҩаԥнагоз аҽазыҟаҵарақәа ОБСЕ анаԥшыҩцәа рыла ишадмырбоз. Иахьа Қырҭтәыла иҟоу Евроеидгыла анаԥшыҩцәа рмиссиагьы иара убасҵәҟьоуп рхы шымҩаԥырго", - ҳәа рҳәоит аусбарҭаҿы.

Абри инадҳәаланы Аахыҵ Уаԥстәыла Қырҭтәыла иҟоу Евроеидгыла амиссиахь ааԥхьара ҟанаҵоит "бџьаршьҭыхлатәи аиҿагылара ҿыц" аҭыԥ аиур шалшо азы, аҳәара ауеит ақырҭуа-ауаԥс еизыҟазаашьақәа рҭышәныртәаларазы апроцесс алахәылацәа зегь ақырҭуа ган анырра арҭарц, иҟоу аҭагылазаашьа аҭыԥ ақәҵара иацхраарц".

Аахыҵ Уаԥстәыла Адәныҟатәи аусқәа рминистрра "Қырҭтәыла ар абри аҭыԥ аҟынтәи иқәгазарци изакәаным аргыларақәа аанкылазарци" адҵа ҟанаҵоит.

Нанҳәа 8, 2008 шықәса рзы Қырҭтәыла "Град" ала ареспублика иалахысуа иажәланы, аҳҭнықалақь Цхинвал ҟәыбаса ишьҭарҵеит.

Абри ашьҭахь Урыстәылатәи Афедерациа нанҳәа 26, 2008 шықәса рзы Аԥсныи Аахыҵ Уаԥстәылеи рхьыԥшымра азханаҵеит.

Иара убас шәаԥхьар ҟалоит:

35

Урыстәыла уахыки-ҽнаки рыла 6 422-ҩык акоронавирус рыдбалоуп

4
(ирҿыцуп 12:14 15.07.2020)
Иахьатәи аамҭа инақәыршәаны Урыстәылатәи арегионқәа 85 рҿы 746 369-ҩык акоронавирустә инфекциа рыдырбалахьеит.

АҞӘА, ԥхынгәы 15 - Sputnik. Урыстәыла уахыки-ҽнаки рыла 6 422 -ҩык авирус рыдбалоуп арегионқәа 85 рҿы ҳәа аанацҳауеит COVID-19 аҿагыларазы Москва аоперштаб.

Авирус зыдбалаз рҟынтәи 26,6% аклиникатә ҟазшьақәа рныԥшуамызт.

Уахыки-ҽнаки рыла рыԥсҭазаара иалҵит 156-ҩык, ргәы бзиахеит 10 424-ҩык.

Зынӡа атәылаҿы COVID-19 иахҟьаны 11 770 ԥсыҭбара азгәаҭоуп, 523 249-ҩык ргәы бзиахахьеит.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, урҭ рҟынтәи 37-ҩык ргәы бзиахеит, аӡәы лыԥсҭазаара далҵит.

Иахьазы Аԥсны акоронавирустә инфекциа змоу ҳәа уаҩ дыҟам.

Иара убас шәаԥхьар ҟалоит:

4

Урыстәылатәи атуристцәа рыдкылара иазыхиоу атәылақәа рыхьӡ ҳәоуп

20
Ԥхынгәы 15 рҟынӡа атуристцәа Аԥсны аҳәаа рахысреи заанаҵы аԥсшьарҭа ҭыԥқәа раҿаҵареи рзы аԥкрақәа аус руеит.

АҞӘА, ԥхынгәы 15 - Sputnik. Урыстәыла Атуроператорцәа рассоциациа (АТОР) атуристцәа рыдкылара иазыхиоу атәылақәа ааба рыӡбахә рҳәеит ҳәа аанацҳауеит РИА Новости.

Арахь иаҵанакуеит: Ҭырқәтәыла, Куба, Доминикана, Мексика, Мальдивы, Хорватиа, Египет, Арабтәи Аемиратқәа.

Убри аан АТОР иазгәанаҭоит ԥхынгәы 16 инаркны ишеилкаахо Аԥсны урыстәылатәи атуристцәа рзы аҳәаа аанартуоу иаанамыртуоу.

Аԥсны ахада Аслан Бжьаниа иусдҵала ԥхынгәы 15 рҟынӡа Аԥсны атуристцәа аҳәаа рахысреи заанаҵы аԥсшьарҭа ҭыԥқәа раҿаҵареи рзы аԥкырақәа аус руеит.

Ԥхынгәы 3 рзы имҩаԥысуаз апресс-конференциаҟны Аслан Бжьаниа иазгәеиҭеит аҳәаа аартра аепидемиологиатә ҭагылазаашьа ишадҳәалахо, Аԥсны аҳәаа аартра ишазыхиоу, аха атәылақәа рыҩба аамҭак ала рус еиқәдыршәар шакәу.

Иара убасгьы иҳәеит Урыстәыла аиҳабыра рхада Михаил Мишустин ихьӡала ашәҟәы шишьҭхьо абри азҵаара аӡбаразы.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Уаанӡа Роспотребнадзор ажәалагала ҟанаҵахьан аҳаиртә еимадара шьақәыргылазарц: Германиа, Италиа, Великобританиа, Польша, Даниа, Финлиандиа, Венгриа, Нидерландқәа, Норвегиа, Китаи, ШриЛанка, Вьетнам, Монголиа рахь.

Аԥыза-министр ихаҭыԥуаҩ Татиана Голикова аҳәамҭа ҟалҵеит аҳаиртә еимадара ахацыркразы аҭагылазаашьа иахәаԥштәуп, 100 нызқьҩык ауааԥсыра рыбжьара 40 вирус хҭыс еиҳамкәа аҭыԥ амазароуп ҳәа.

Ԥхынгәы 14 рзы Аԥсны акоронавирустә инфекциа аҭыԥ амам.

Иара убас шәаԥхьар ҟалоит:

20

Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа

15
(ирҿыцуп 13:32 15.07.2020)
Аԥсны Ахада аҳәааҿы аԥкрақәа рыҿҳәара анахаразы аусԥҟа инапы аҵаиҩит Ауааԥсыра акоронавирус рацәыхьчаразы акоординациатә штаб иаднакылаз аӡбамҭа инақәыршәаны.

АҞӘА, ԥхынгәы 15 - Sputnik. Аԥсны ахада Аслан Бжьаниа Аԥсни Урыстәылеи рҳәаа ахысразы иҟоу аԥкрақәа ирыциҵеит ԥхынгәы 21 рҟынӡа, абри атәы аанацҳауеит атәыла ахада ипресс-маҵзура.

Адырраҭараҿы иазгәаҭоуп аԥсуа ган аурыс-аԥсуа ҳәаа ахысразы иҟоу аԥкрақәа раԥыхра алзыршо ажәалагалақәа шышьақәнаргылаз.

Урыстәыла аиҳабыра рхада Михаил Мишустин ихьӡала ашәҟәы нашьҭуп Аԥсны аҳәааҟны аԥкрақәа рахыхра шрылшо, иахәҭоу асанитар-епидемиологиатә усмҩаԥгатәқәа ирықәныҟәозар.

Уажәазы аҩганк реиҳабырақәа рхаҭарнакцәа злахәу аилацәажәарақәа мҩаԥысуеит аҳәааҟны аԥкрақәа раԥыхра алзыршо еицырзеиԥшу аӡбамҭа рыдыркыларц азы.

Ԥхынгәы 3 рзы имҩаԥысуаз апресс-конференциаҟны Аслан Бжьаниа иазгәеиҭеит аҳәаа аартра аепидемиологиатә ҭагылазаашьа ишадҳәалахо, Аԥсны аҳәаа аартра ишазыхиоу, аха атәылақәа рыҩба аамҭак ала рус еиқәдыршәар шакәу.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, урҭ рҟынтәи 37-ҩык ргәы бзиахеит, аӡәы лыԥсҭазаара далҵит.

Иахьатәи аамҭазы Аԥсны Аҳәынҭқарраҟны акоронавирустә инфекциа зыхьуа ҳәа аӡәгьы дыҟаӡам.

Иара убас шәаԥхьар ҟалоит:

15