Сынтәатәи ашықәс иалагӡаны авиабилеҭқәа рыхәԥса иазҳаит

3
(ирҿыцуп 10:36 05.09.2019)
Ашықәс актәи азбжаразы авиабилеҭқәа рыхәԥса 7% иазҳаит ҵыԥхтәи ашықәс иадкыланы.

АҞӘА, цәыббра 5 – Sputnik. 2019 шықәса аԥхьатәи азбжазы авиабилеҭқәа рыхәԥса 7% иазҳаит ҵыԥхтәи ашықәс иадкыланы ҳәа аанацҳауеит РИА Новости.

Урыстәыла атранспорт азы аминистрра аграждантә авиациа аусхк азы аҳәынҭполитика адепартамент аиҳабы Светлана Петрова ажурналистцәа ишралҳәаз ала абилеҭқәа рыхәԥса ашьҭыҵра зыхҟьаз авиабылтәы ахәԥса ахьеизҳаз ауп.

Уаанӡа аҳаиртә транспорт ахархәаҩцәа Рассоциациа аиҳабы Борис Шокуров "Известия" иазеиҭеиҳәахьан 2019 шықәсазы абилеҭқәа рыхәԥса 9-10% рыла иҳаракхар алшоит ҳәа.

3