Аҳаракыра ахьчаразы: аблокпост ахьдыргылаз Аахыҵ Уаԥстәыла апозициа ааннакылеит

24
(ирҿыцуп 13:36 05.09.2019)
Аахыҵ Уаԥстәыла АШәМ аҳәаахьчаратә маҵзура ақыҭа Уиста (Цнелис) ааигәара иҟоу аҳаракырақәа рҿы аҳәаахьчаратә пост дыргылеит, ареспублика атәылауаа ршәарҭадара аиҿкааразы.

АҞӘА, цәыббра 5 – Sputnik. Аахыҵ Уаԥстәыла Аҳәынҭқарратә шәарҭадаратә маҵзура аҳәаахьчаратә усбарҭа еиду аотриад ақыҭа Уиста (Цнелис) ааигәара иҟоу ҳаракырақәа рҿы аҳәаахьчаратә пост дыргылеит, ареспублика атәылауаа ршәарҭадара аиҿкааразы. Абри атәы аанацҳауеит Sputnik Аахыҵ Уаԥстәыла.

"2019 шықәса нанҳәа 23 инаркны Аахыҵ Уаԥстәылатәи ареспубликеи Қырҭтәылеи рҳәааҿы аҭагылазаашьа иаалырҟьаны аибарххарахь икылсит. Ақырҭуа полициа аҳәаа иаԥну ацәаҳәаҿы Капребис-сери ашьхеибаркыраҿы аблокпост аргылара нападыркит. Аахыҵ Уаԥстәыла Адәныҟатәи аусқәа рминистрра Қырҭтәыла ахымҩаԥгашьа ареспублика ауаажәларра ирҿагылоу, аҳәаа иаԥну араионқәа аннексиа рзура иазырханы иаԥхьаӡоит. Аҭыԥантәи ауааԥсыра рыԥсҭазаарақәа ракәзар, ашәарҭара иҭагылоуп", - аҳәоит аусбарҭа адырраҭараҿы.

Аахыҵ Уаԥстәыла Аҳәынҭқарратә шәарҭадаратә маҵзура аҳәаахьчаратә усбарҭа атәыла ахада Анатоли Бибилов инапынҵала ақыҭа Уиста иахьаҵанакуа агуманитартә операциа изаамҭанытәиу аетап анагӡара нап адыркит.

"Ақырҭуа ган ақыҭа Уиста иахьаҵанакуа аҳәынҭқарратә ҳәааҿы апровокациақәа мҩаԥыргар ахьалшо азы Аахыҵ Уаԥстәыла Аҳәынҭқарратә шәарҭадаратә маҵзура аҳәаахьчаратә усбарҭа аотриад аҳаракыра 944,8 ааныркылеит. Абри аҭыԥ аҿы аҳәынҭқарратә ҳәаахьчаратә дыргеи Аахыҵ Уаԥстәыла аҳәынҭқарратә бираҟи ықәдыргылеит", - ҳәа азгәарҭеит ареспублика АШәМ аҟны.

Аоперациа агуманитартә ҟазшьа амоуп ҳәа рҳәеит аусбарҭаҿы.

"Аахыҵ Уаԥстәыла Аҳәынҭқарратә шәарҭадаратә маҵзура аҳәаахьчаратә усбарҭа аотриад имҩаԥнагаз аусқәа аҳәаа иаԥну аиланхарҭақәа Кобии Чорчонеи руааԥсыра рзы шәарҭарак аҵам, иззырхоу Аахыҵ Уаԥстәыла ауааԥсыра ршәарҭадара аиҿкаароуп, арегион аҿы арра-политикатә ҭагылазаашьа аҭышәныртәалароуп", - ҳәа инаҵшьны иазгәарҭеит АШәМ аҟны.

Аахыҵ Уаԥстәыла Аҳәынҭқарратә шәарҭадаратә маҵзура апресс-маӡаныҟәгаҩ Екатерина Биазрова лажәақәа рыла, Аахыҵ Уаԥстәыла АШәМ аҳәаахьчаратә усбарҭа аотриад аҳаракырахь анеира ззырхоу ақырҭуа мчрақәа абри аҵакырадгьылхәҭа рнапахьы иаарымгарц ауп.

Лара лажәақәа рыла, ареспублика амҩатә маҵзурақәа нападыркит абри аҭыԥ ахь амҩа арыцқьара, аҳәаахьчаҩцәа рпост аусура аҭышәныртәаларазы.

Аахыҵ Уаԥстәыла Аҳәынҭқарратә шәарҭадаратә маҵзура аҳәаахьчаратә усбарҭа атәыла ахада Анатоли Бибилов инапынҵала ақыҭа Уиста иахьаҵанакуа агуманитартә операциа изаамҭанытәиу аетап анагӡара нап адыркит, иара аҭынчратә ҟазшьоуп иамоу ҳәа аҳәамҭа ҟанаҵеит Аахыҵ Уаԥстәыла Адәныҟатәи аусқәа рминистрра.

"Аахыҵ Уаԥстәыла Аҳәынҭқарратә шәарҭадаратә маҵзура аҳәаахьчаратә усбарҭа ақыҭа Уиста иахьаҵанакуа агуманитартә операциа ҷыда изаамҭанытәиу аетап анагӡара нап адыркит, иара аҭынчратә ҟазшьоуп иамоу. Уи азырхоуп Аахыҵ Уаԥстәыла ауааԥсыра ршәарҭадара аиҿкаареи арегион аҿы арра-политикатә ҭагылазаашьа аҭышәныртәалареи", - ҳәа азгәарҭоит аминистрраҿгьыы.

Иара убасгьы аминистрраҿы иазгәарҭеит Аахыҵ Уаԥстәылатәи аган ақырҭуа мчрақәа абри аҭыԥ ахь рнеира азакәаншьаҭа амам ҳәа, урҭ арантәи иалганы аблокпост аргылара аанкыланы аус еиҿкаатәуп ҳәа иахәаԥшуеит.

Аахыҵ Уаԥстәыла Адәныҟатәи аусқәа рминистрра Қырҭтәыла ахымҩаԥгашьа ареспублика ауаажәларра ирҿагылоу акәны иаԥхьаӡоит, аҳәамҭагьы ҟанаҵоит аҭагылазаашьа ԥхьаҟагьы иуадаҩхар, Аахыҵ Уаԥстәылатәи ареспублика аҵакыратә акзаареи ауааԥсыра ршәарҭадареи рыхьчаразы иақәнагоу ашьаҿақәа ҟанаҵоит ҳәа.

Знауртәи араион ақыҭа Цнелис ааигәара, аҭыԥантәи ауааԥсыра рынхарҭақәа ирцәыхарамкәа, ақырҭуа ар аблокпост аргылара нападыркит нанҳәа 23 рзы...

Аблокпост ахьдыргылоз аҭыԥ Аахыҵ Уаԥстәыла аҵакыра иатәуп. Нанҳәа 29 рзы Аахыҵ Уаԥстәыла аделегациа МПРИ (Аинцидентқәа раԥырҟәҟәаареи аҭак рыҭареи рзы Амеханизм) аформат ала 95-тәи аиԥылара ааннажьит Қырҭтәыла аҳәааҿы иаргыло аблокпост аргылара ари аиҿкаара иааннакыларц агәы иахьҭам азы.

Аибарххаратә ҭагылазаашьа ахьыҟоу аҭыԥқәа рахь инаган Аахыҵ Уаԥстәыла АШәМ, ОМОН уҳәа егьырҭ амчратә еилазаарақәа. Аахыҵ Уаԥстәыла аҳәаахьчаҩцәа акәылӡтәы техника ала ареид мҩаԥыргеит аҳәаа иаԥну аҭыԥқәа рҿы.

Нанҳәа 8, 2008 шықәса рзы Қырҭтәыла "Град" ала ареспублика иалахысуа иажәланы аҳҭнықалақь Цхинвал ҟәыбаса ишьҭарҵеит.

Абри ашьҭахь Урыстәылатәи Афедерациа, нанҳәа 26, 2008 шықәса рзы Аԥсни Аахыҵ Уаԥстәылеи рхьыԥшымра азханаҵеит.

Иара убас шәаԥхьар ҟалоит:

24
Тренировка боксеров на набережной

Аԥсуа боксиорцәа злахәыз атурнир Шәачантәи Казанҟа ииаргеит акоронавирус иахырҟьаны

8
Абокс азы ашоу "Столото. Вечер бокса WBC" мҩаԥысраны иҟоуп нанҳәа 22 рзы Казантәи акультура-гәмырҿыӷьратә комплекс "Пирамида" аҿы.

АҞӘА, нанҳәа 14 – Sputnik. Нанҳәа 15 рзы имҩаԥысраны иҟаз, аԥсуа боксиорцәа злахәыз атурнир Шәачантәи Казанҟа ииаргеит  акоронавирустә ҭагылазаашьа иахырҟьаны ҳәа Sputnik иазеиҭеиҳәеит абоксиор Баҭал Чежьиа.

"Шәача авирус иахырҟьаны азин ҟарымҵеит атурнир мҩаԥаагарц. Ахәаԥшыҩцәа аламырхәыкәагьы ирымуит. Казангьы ақәгыларақәа ахәаԥшыҩцәа рыда имҩаԥгахоит. Арыцхә рыԥсахит аҭыԥ ахьыԥсаххаз азы", - ҳәа иҳәеит иара.

Атурнир аҳәаақәа ирҭагӡаны иқәгылар акәын аԥснытәи аспортсменцәа ҩыџьа – Баҭал Чежьиеи Харитон Агрбеи.

Ҳаспортсменцәа зындаҭлараны иҟаз ирындаҭлоит. Баҭал Чежьиа жәа-раундктәи ақәгылара мҩаԥигоит, урыстәылатәи абоксиор Сергеи Кожухар диндаҭлоит аваканттә титул WBC Youth азы.

Харитон Агрбагьы жәа-раундктәи ақәгылара мҩаԥигоит урыстәылатәи абоксиор Сослан Тедеев диндаҭло.

Иара убас шәаԥхьар ҟалоит:

8

Аӷба "Князь Владимир" 2020 шықәсазтәи ареисқәа зегьы аԥыхуп

9
(ирҿыцуп 10:07 14.08.2020)
Краснодартәи атәылаҿацә агубернатор Вениамин Кондратиев акоронавирус иахырҟьаны ашәарҭара арежим нанҳәа 21 аҟынӡа днахеит.

АҞӘА, нанҳәа 14 - Sputnik. Аӷба "Князь Владимир"  2020 шықәсазтәи ареисқәа зегьы аԥыхуп ҳәа аанацҳауеит аӷба зтәу аилахәыра "Черноморские круизы".

"Акоронавирустә инфекциа иахырҟьаны аӷба "Князь Владимир" ахьныҟәо арегионқәа рҿы 2020 шықәсазтәи ареисқәа зегь аԥыхуп", - ҳәа ҳәоуп адырраҭараҿы.

ИАЕ "Черноморские круизы" аҳәамҭа ҟанаҵеит заанаҵы зныҟәара аԥара ахызшәааз атуристцәа 2021 шықәсазы еиуеиԥшым аԥсшьарахкқәа рвариантқәа рыдгалахоит ҳәа.

"Князь Владимир" анавигациа хацнаркраны иҟан ԥхынгәы 19 рзы. Хәажәкыра  1 - жьҭаара 31 рзы аӷба 35 реис мҩаԥнагахьазар акәын, аха хәажәкыра 22 рзы анавигациа аанкылан Краснодартәи атәылаҿацә агубернатор Вениамин Кондратиев ирылеиҳәаз акарантин инақәыршәаны.

Лаҵара инаркны цәыббранӡа "Князь Владимир" аграфик инақәыршәаны фынтә Аҟәатәи абаӷәазахь икыдгылар акәын, аха сынтәа уи залыршахом.

Иара убас шәаԥхьар ҟалоит:

9

Кәыҵниа ашәарыцаратә сезон ахацыркразы: ашәарыцаҩцәа рыламыс ҳақәгәыӷуеит

0
(ирҿыцуп 19:24 15.08.2020)
Нанҳәа 15 рзы Аԥсны иаатуеит ашәарыцаратә сезон. Уи злалаго, насгьы ашәарыцара аԥҟарақәа ртәы арадио Sputnik аефир аҿы еиҭеиҳәеит ашәарыцаҩцәеи аԥсыӡкыҩцәеи реидгыла ахантәаҩы Ҳаџьараҭ Кәыҵниа.
Кәыҵниа ашәарыцаратә сезон ахацыркразы: ашәарыцаҩцәа рыламыс ҳақәгәыӷуеит

"Асезон аатуеит ачала, уи адагьы акгьы уазышәарыцар ҟалаӡом. Ашәарах жьҭаара 1 инаркны иалагоит. Зныктәи ашәарыцараан ача ҩажәа еиҳаны иушьыр ҟалаӡом. Раԥхьа ача цәырцуеит Цандрыԥшь, Маҳадыр ҳәа иахьашьҭоу аҭыԥ аҿы, уаҟа ирацәаны иубар улшоит, нас цәыббрамзазы Очамчыра араион ахь иаауеит. Ашәарыцаҩ данҭыҵуа имазароуп хышәҟәык: ашәарыцаратә билеҭ, ашәақь аныҟәгаразы аршаҳаҭга, иара убас алицензиа. Ашәарыцара аԥҟарақәа рықәныҟәаразы ахылаԥшра зду аекологиа аусзуҩцәа роуп. Аха еиҳарак ҳара ҳақәгәыӷуеит ашәарыцаҩцәа рыламыс. Ашәарацыҩ аԥсабара даԥырхагахар иҭахызар уи азы еснагь имоуп алшара, аха ҳара ҳзықәгәыӷуа еиҳарак иламысоуп, мамзар, акы икәа иҭаиҵап егьы - иӡап, еснагь уи узишьҭалом. Иҟоуп есышықәса аԥҟарақәа еилазго, урҭ иаҳа-иаҳа шьҭахьҟа ицоит, аха сынтәа ҳақәгәыӷуеит, аекологцәа рус иаҳа идырџьбарап ҳәа избанзар, хаала измаҳауа ыҟоуп", - еиҭеиҳәеит Кәыҵниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

0