Урыстәылатәи аихамҩақәа апассаџьырцәа смс ала адыррақәа рырҭалоит

13
(ирҿыцуп 14:36 24.09.2019)
Апассаџьыр имобилтә ҭел аномер нижьыр илшоит абилеҭ анааихәо, уи ала адырра ирҭалоит аиҭакрақәак ҟалар.

АҞӘА, цәыббра 24 - Sputnik. Урыстәылатәи аихамҩақәа амаҵзура ҿыц аларгалеит. Хәыда-ԥсада апассаџьыр адырра рырҭалоит адәыӷба аныҟәараамҭаҿ еиҭакрақәак ҟалар. Апассаџьыр имобилтә ҭел аномер нижьыр илшоит абилеҭ анааихәо, уи ала адырра ирҭалоит аиҭакрақәа раан.

"Амаҵ аура еиҳа ахаҭабзиара аиӷьтәразы, адәыӷбақәа рпассаџьырцәа иҟалар зылшо аиҭакрақәа дырдырразы аҳәара ҟаҳҵоит абилеҭқәа аазхәо рмобилтә ҭел аномер нрыжьларц. Ари амаҵзура хәыда-ԥсадоуп", - аҳәоит адырраҭараҿы.

Аԥхынтәи аамҭазы Аԥсныи Урыстәылеи адәыӷбақәа хԥа еимардоит.Рашәарамза инаркны нанҳәамзанӡа Москвеи Санкт-Петербурги рҟынтәи адәыӷба есыҽны ибжьыслоит.

Арҭ адәыӷбақәа Урыстәылатәи Афедерациаҿы иныҟәо адәыӷбақәа иреиуоуп: аплацкарт, акупе. Аԥсны иаҭаар зҭаху атуристцәеи аԥсшьаҩцәеи рзы иманшәалоуп. Иара убасгьы иаку абилеҭ ала Аԥсныҟа аара алшоит. Уи иаанаго Адлерынӡа иааз атурист имҩа иациҵар илшоит автомобилтә транспорт ала.

Адәыӷба Санкт-Петербург – Аҟәа жьҭаара 12 рҟынӡа иныҟәалоит.

13

Урыстәылеи Ҭырқәтәылеи рҳаиртә еимадара хацдыркуеит

0
(ирҿыцуп 13:33 15.07.2020)
Ҭырқәтәылатәи АИХқәа рҟны ицәыргоуп Ҭырқәтәыла атранспорт аминистр Адил Караисмаилоӷлу иҟынтәи ихыҵхырҭоу аинформациа аҳауатә еимадара ԥхынгәы 15 инаркны ишхацыркхо азы.

АҞӘА, ԥхынгәы 15 - Sputnik. Урыстәылеи Ҭырқәтәылеи рҳаиртә еимадара хацдыркырц азы еилацәажәеит, аха макьаназы арыцхә еилкаам ҳәа аанацҳауеит РИА Новости, Ҭырқәтәыла атранспорт аминистрраҟынтә ахыҵхырҭа шьаҭас иганы.

"Иахьа ҳминистр аҳәамҭа ҟаиҵеит атәылақәа рыҩба рҳауатә ҵакыра аартра ишақәшаҳаҭхаз, аха макьаназы арыцхә шьақәыргылам, аимадара анхацыркхогьы еилкаам", - ҳәа иҳәеит амаҵзура иацәажәоз ахаҿы.

Урыстәыла акоронавирустә пандемиа инадҳәаланы хәажәкыра 27 раахыс аҳауатә еимадара ԥнакит. Ззин ыҟаз аидаратә, аԥошьҭатә, асанитартә, агуманитартә реисқәа ракәын, иара убасгьы аиҳабыра рзин ҷыдала иалшон атехникатә маҵзуразы, иҭацәу аҳаирпланқәа рырԥырреи атранзит реисқәа рымҩаԥгареи рзы.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Уаанӡа Роспотребнадзор ажәалагала ҟанаҵахьан аҳаиртә еимадара шьақәыргылазарц: Германиа, Италиа, Великобританиа, Польша, Даниа, Финлиандиа, Венгриа, Нидерланды, Норвегиа, Китаи, ШриЛанка, Вьетнам, Монголиа рахь.

Аԥыза-министр ихаҭыԥуаҩ Татиана Голикова аҳәамҭа ҟалҵеит аҳаиртә еимадара ахацыркразы аҭагылазаашьа иахәаԥштәуп, 100000-ҩык ауааԥсыра рыбжьара 40 вирус хҭыс еиҳамкәа аҭыԥ амазароуп ҳәа.

Иара убас шәаԥхьар ҟалоит:

0
Атемақәа:
Ачымазара ҿкы – акоронавирус Аԥсни адунеи аҿи: иалкаау

Урыстәыла уахыки-ҽнаки рыла 6 422-ҩык акоронавирус рыдбалоуп

4
(ирҿыцуп 12:14 15.07.2020)
Иахьатәи аамҭа инақәыршәаны Урыстәылатәи арегионқәа 85 рҿы 746 369-ҩык акоронавирустә инфекциа рыдырбалахьеит.

АҞӘА, ԥхынгәы 15 - Sputnik. Урыстәыла уахыки-ҽнаки рыла 6 422 -ҩык авирус рыдбалоуп арегионқәа 85 рҿы ҳәа аанацҳауеит COVID-19 аҿагыларазы Москва аоперштаб.

Авирус зыдбалаз рҟынтәи 26,6% аклиникатә ҟазшьақәа рныԥшуамызт.

Уахыки-ҽнаки рыла рыԥсҭазаара иалҵит 156-ҩык, ргәы бзиахеит 10 424-ҩык.

Зынӡа атәылаҿы COVID-19 иахҟьаны 11 770 ԥсыҭбара азгәаҭоуп, 523 249-ҩык ргәы бзиахахьеит.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, урҭ рҟынтәи 37-ҩык ргәы бзиахеит, аӡәы лыԥсҭазаара далҵит.

Иахьазы Аԥсны акоронавирустә инфекциа змоу ҳәа уаҩ дыҟам.

Иара убас шәаԥхьар ҟалоит:

4