Урыстәылатәи ателеканал аҿы Вышински адырраҭара "Настоящая Украина" мҩаԥигалоит

© Sputnik / Владимир Песня / Амедиаҵәахырҭахь аиасраАпортал РИА Новости Украина ахада Кирилл Вышински
Апортал РИА Новости Украина ахада Кирилл Вышински  - Sputnik Аҧсны
Анапаҵаҩра
Апортал РИА Новости Украина ахада Кирилл Вышински даанкылан Киев ақалақь аҿы 2018 шықәса лаҵара 15 рзы. Ихы дақәиҭтәын 2019 шықәса нанҳәа 28 рзы.

АҞӘА, цәыббра 24 - Sputnik. МИА "Россия сегодня" адиректор хада Дмитри Киселев ажурналист Кирилл Вышински Урыстәылатәи ателеканал аҿы адырраҭара "Настоящая Украина" мҩаԥигалоит ҳәа аҳәамҭа ҟаиҵеит. Абри атәы аанацҳауеит РИА Новости.

"Кирилл Вышински Урыстәылатәи ателеканал аҿы апрограмма "Настоящая Украина" мҩаԥигалоит. Апрограмма иахықәкуп Украина еиҳа инарҭбааны ҳардырра", - иҳәеит Киселев афорум "Вся Россия" аҟны.

Урыстәылеи Украинеи цәыббра 7 рзы рхы иақәиҭыртәит 35-ҩык иаанкыланы иҟаз ртәылауаа. Урыстәылатәи аган аҟынтәи зхы иақәиҭтәу иреиуоуп атеракт азы иаанкылаз Олег Сенцов, Урыстәыла аҳәаа еилазгаз 24-ҩык украинатәи амшынуаа. Иара убри амш азы Урыстәылаҟа дхынҳәит Апортал РИА Новости Украина ахада Кирилл Вышински.

Вышинского опять оставили в СИЗО - Sputnik Аҧсны
Кирилл Вышински киевтәи аӡбарҭа аҟнытә ихы дақәиҭиртәит

Апортал РИА Новости Украина анапхгаҩы Кирилл Вышински даанкылан Киев, лаҵара 15, 2018 шықәса рзы. Ажурналист аҳәынҭқарра иԥсахит ҳәа ахара идырҵоит. Абри ахәҭаҷ ала иазԥхьагәаҭоуп 15 шықәса рҟынӡа ҭакрала ахгара.

Урыстәыла ахада Владимир Путин иахь аҳәара ҟаиҵеит ацхырааразы. Иара Украина атәылауаҩра мап ацәкра дазыхиоуп.

Урыстәыла ахада иазгәеиҭеит "Вышински дзаанкылоу ипрофессионалтә усуразоуп" ҳәа. Москва Киевҟа инанашьҭит апресса ахаҭарнак иганахьала имҩаԥнаго ақәымчра ааннакыларц азы аҿагыларазы ажәанҵа.

Ажәабжьқәа зегьы
0