Зеленски: нормандиатәи аформат ала аиԥылара Трамп ида имҩаԥгахоит

19
Дональд Трамп уаанӡа агәыӷра ааирԥшит Украина ахада Владимир Зеленскии Урыстәыла ахада Владимир Путини Украина мрагыларатәи ахәҭаҿы аҭагылазаашьазы акахьы еицазкылсып ҳәа.

АҞӘА, цәыббра 26 - Sputnik. Украина ахада Владимир Зеленски иҳәеит Трамп "нормандиатәи аформат" иалахәхаразы ааԥхьара шиимҭаз, аха ааԥхьара шыҟаиҵаз Дональд Трамп Донбасстәи аимак аҭышәныртәалараҿ ацхыраара ҟаиҵарц. Абри атәы аанацҳауеит РИА Новости.

Иара игәаанаграла, "иполитикатә ԥсҭазаараҿы абри аформат ала раԥхьатәи аиԥылараҿы ишыҟоу иныжьтәны иԥхьаӡоит".

"Аформат аус нанамыгӡар, егьырҭгьы адҳаԥхьалап", - иҳәеит иара.

Зеленски иара убасгьы дазааҭгылеит ЕАР Ассамблеиа хада амҩаԥысраан Сергеи Лаврови иареи реиԥылара атәы.

Москвеи Киеви реизыҟазаашьақәа ԥхасҭахеит Донбасс аҭагылазаашьа иахҟьаны. Украинатәи амчрақәа изныкымкәа Урыстәыла иақәыӡбахьан атәыла аҩнуҵҟатә усқәа ахы рыланагалоит ҳәа. 2015 шықәса рзы Украина Иреиҳаӡоу арада Урыстәыла "атәыла-агрессор" ҳәа ахнаҳәааит. Москва акәзар, абарҭ ахарадҵарақәа зегьы мап рыцәнакуеит.

19

Краснодар уахыки-ҽнаки рыла 79 коронавирус хҭыс азгәаҭоуп, хҩык рыԥсҭазаара иалҵит

3
(ирҿыцуп 17:46 02.06.2020)
Арегионалтә оперштаб адыррақәа рыла апандемиа иаалагазар Краснодартәи атәылаҿацә аҿы иԥсхьеит 36-ҩык COVID-19 змаз.

АҞӘА, рашәара 2 - Sputnik. Адиагноз "акоронавирус" ззықәыргылаз хҩык рыԥсҭазаара иалҵит Краснодартәи ахәышәтәырҭақәа рҿы ҳәа аанацҳауеит COVID-19 аҿагыларазы аоперативтә штаб.

Атәылаҿацә аҿы пандемиа иаалагазар акоронавирус змоу рхыԥхьаӡара 3987-ҩык ыҟоуп. Урҭ рҟынтәи 2842 пациент ргәы бзиахахьеит. Краснодар аҵыхәтәантәи уахыки-ҽнаки рыла 79 коронавирус хҭыс азгәаҭоуп, хҩык рыԥсҭазаара иалҵит.

Иахьазы Урыстәыла 423 741 акоронавирус хҭыс азгәаҭоуп 85 регион рҿы. Иԥсхьеит 5 037-ҩык, ргәабзиара шьақәгылеит 186 985-ҩык.

Краснодартәи атәылаҿацә аҿы акарантин аҿҳәара инахоуп рашәара 6 рҟынӡа. Атәылаҿацә алалара макьаназы иԥкуп атранзит транспорт азы ада.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

3
Астероид на фоне Земли

NASA Адгьыл ишәарҭоу астероид шазааигәахо азы адырра ҟанаҵеит

3
(ирҿыцуп 15:57 02.06.2020)
Адгьыл азы ишәарҭоу астероид аҭбаара 250—570 метра иҟоуп. Зегь раасҭа иара адгьыл иазааигәахараны иҟоуп асааҭ 06:00 рзы.

АҞӘА, рашәара 2 - Sputnik. Адгьыл азы ишәарҭоу астероид 163348 (2002 NN4) асабша Адгьыл иазааигәахоит ҳәа аҳәоит НАСА асаитқәа руак аҿы.

Зегь раасҭа иара адгьыл иазааигәахараны иҟоуп асааҭ 06:00 рзы.

Убри аан иара апланета иаахап ҳәа азгәарҭом, избанзар Амза аорбита аасҭа 13-нтә ихарахоит.

Астероид гәаҭан 2002 шықәса рзы. Иара Амра зныктәи акәшара 300 дгьылтә уахи-ҽни иҟоуп.

Иара убас шәаԥхьар ҟалоит:

3

Ашкол ахь ихынҳәит: аԥснытәи аушьҭымҭацәа аԥышәарақәа рҽырзыҟарҵоит

6
(ирҿыцуп 18:58 02.06.2020)
1 - 10 аклассқәа рҵаҩцәа рҵараамҭа хыркәшахеит лаҵара 13 рзы акоронавирустә ҭагылазаашьа иахырҟьаны. Аушьҭратә ԥышәарақәа рыда егьырҭ аԥыхын.

Аушьҭымҭацәа ракәзар, рашәара 2 инаркны аԥышәарақәа рҽырзыҟаҵара иазыхынҳәит. Дара рзы акарантинаамҭа шымҩаԥысыз, аҵаратә процесс ашьақәҟьара шырнырыз уҳәа Sputnik Аԥсны аматериал аҿы.

Sputnik

Акарантин аан аҵара

Акоронавирус инадҳәаланы иҟаз аԥкрақәа аҵаратә процесс анырра анамҭар залшомызт, аҵаҩцәеи арҵаҩцәеи аформат ҿыц ахь ииасыр акәхеит. Иҟан онлаин-урокқәа зхы иазырхәоз, иҟан уи ззалмыршоз.

Убри аан арҵаҩцәа иазгәарҭоит рҵаҩцәа шгәыгәҭажьмыз, ҭелла ишазыҟарҵоз.

Аҵарамшқәа раԥхьатәи амш азы Sputnik аҭыхратә гәыԥ аҟәатәи ашкол №1 аҿы дырԥылеит ашкол аусзуҩ. Лара лаԥхьа астол аҿы иқәгылан арзҩыдырытә маҭәашьар. Ажурналистцәа иралҳәеит аҩнуҵҟа аҩналаразы рнапқәа ари амаҭәашьар ала идырзҩыдар шакәу. Аӡәгьы уи мап ацәимкит.

Ашкол адиректор Нонна Делԥҳа илҳәеит сынтәа 37-ҩык аушьҭымҭацәа шыҟоу.

"Аԥсны ашколқәа зегь реиԥш ҳаргьы акарантин аҿы ҳаҟан. Аха абри аамҭазы аҵаҩцәеи ҳареи аимадара ҳаман. Уахь зегь аҵанакуамызт, избанзар техникала еиқәшәам ыҟоуп. Урҭи ҳареи ҭелла ҳаимадан", - лҳәоит лара.

Ашкол анапхгаҩы илҳәеит ашәарҭадаратә ԥҟарақәа зегьы ишрықәныҟәо. Аушьҭымҭацәа ԥшь-гәыԥкны еихшоуп ахәыҷқәеи арҵаҩцәеи рыбжьара иахәҭоу ахарара рыбжьазарц азы.

Аушьҭымҭа Иарна Гьемуаԥҳа иазгәалҭеит акарантин аан арҵаратә процесс ԥырхага шамоуз, избанзар аҩны еснагь аҽазыҟаҵарақәа мҩаԥылгон.

"Маҭәарқәак онлаин сҽазыҟасҵон, уи адагьы аҵареи аҽазыҟаҵареи еидызбалон. Иахьатәи аурокқәа зегьы маншәаланы имҩаԥысит. Апрограмма ҳаҵахаӡом. Ԥхьаҟатәи сзанааҭ алысххьеит. ААУ аҟны "асервиси атуризм" афакультет аҭалара гәҭакыс исымоуп", - лҳәеит лара.

Иарна лажәақәа рыла, аушьҭымҭацәа аныҳәа ахьыҟамло гәалас ирымоуп.

"Аҵыхәтәантәи ахәылԥаз зегь ҳазыԥшын, ҳапланқәа дуун, аха авирус зегь шьақәнаҟьеит", - ҳәа лҳәеит лара.

Акарантин иҟанаҵаз аиҭакрақәа

Арҵаҩцәеи ашколхәыҷқәеи рзы ашәарҭадаратә уснагӡатәқәа еиҿкаауп Аҟәатәи абжьаратә школ №2 аҿгьы. Уа дҷаԥшьоит амедиаҳәшьа. Уаныҩнало ушоура лшәоит, унапқәа арзҩыдага рхьылшьуеит.

Апандемиа иахҟьаны ари ашкол аушьҭымҭацәа руаӡәк иалихыз азанааҭ иԥсахит. Михаил Ҭарба гәҭакыс иман москватәи аҵараиурҭаҿы "Аӡыргареи ауаажәларра рымадареи" афакультет аҭалара. Уа аҭаларазы аролик ҭыхтәын, аха авирустә ԥкырақәа ирхырҟьаны изынамыгӡеит.

Егьи аушьҭымҭа, Екатерина Мирошниченко илҳәеит ашкол шыгәхьаалгоз, арахь ахынҳәра дшеигәырӷьо.

"Акарантин иҳамнахит еицаҳхаагараны иҟаз аамҭа. Аушьҭратә ԥышәарақәа, аҵыхәтәантәи аҵәҵәабжьы, ахәылԥаз – абарҭ акгьы ҟалом. Аҵара аганахьала сара ԥырхага смоуит. Схала сҽазыҟасҵон", - лҳәеит Екатерина.

Ашкол адиректор Ирина Повирскер еиҭалҳәеит акарантинаамҭаз онлаин-ҵара шымҩаԥыргоз.

"Ҳара 55-ҩык ҳаушьҭымҭацәа 11 класс иалгоит, 111-ҩык 9 класск иалгоит, аха урҭ аԥышәарақәа рҭиуам. Аԥшьбатәи аԥшьбарак аан ҳазхьымӡаз ҽаанахьы ииаагоит", - лҳәеит адиректор.

Аушьҭымҭацәа ҩымчыбжь рыҩнуҵҟа аурыс бызшәеи алгебреи рзы аԥышәарақәа рҽырзыҟарҵоит ҳәа еиҭалҳәеит Ирина Повирскер. Лара илҳәеит ашәарҭадара аԥҟарақәа ишрықәныҟәо.

Иара убас шәаԥхьар ҟалоит:

6