Иԥсҭазаара далҵит Франциа уаанӡатәи ахада Жак Ширак

13
Цәыббра 26 рзы иԥсҭазаара далҵит 87 шықәса ирҭагылаз Франциа уаанӡатәи ахада, Париж ақалақь ахада Жак Ширак.

АҞӘА, цәыббра 26 — Sputnik. Иԥсҭазаара далҵит 87 шықәса ирҭагылаз Франциа уаанӡатәи ахада, Париж ақалақь ахада Жак Ширак ҳәа аанацҳауеит РИА Новости, аҭыжьымҭа Франс Пресс адыррақәа ҵаҵӷәыс иҟаҵаны.

Ширак 1995 - 2007 шықәсқәа рзы атәыла напхгара аиҭон.

Жак Рене Ширак диит абҵара 29, 1932 шықәса рзы, Париж. Ашкол "Cours Hattemer" даналга ашьҭахь иҵара иациҵеит Карнои Луи-Ле-Грани алицеиқәа рҟны. Ширак иполитикатә биографиа ахы акит 1962 шықәсазы, усҟантәи Франциа аԥыза-министр Жорж Помпиду иштаб хада анапхгаҩыс даныҟаиҵа ашьҭахь. Аамҭақәак рышьҭахь Жак Ширак ақыҭанхамҩа аминистрс дҟалеит.

Жискар д'Естене атәыла ахадас даныҟала ашьҭахь иара атәыла аԥыза-министрс дҟаҵан. Аамҭақәак рышьҭахь ари аҭыԥ нижьыр акәхоит. Усҟантәи аамҭақәа раан аоппозициатә партиа "Ареспублика адгыларазы аидгылара" напхгара аиҭоит.

1977 ш. инаркны – Париж ақалақь ахада. 1986 ш. рзы – Франциа аиҳабыра рхадас дыҟан. 1995 ш. рзы атәыла ахадас далхын.

13

Краснодар уахыки-ҽнаки рыла 79 коронавирус хҭыс азгәаҭоуп, хҩык рыԥсҭазаара иалҵит

3
(ирҿыцуп 17:46 02.06.2020)
Арегионалтә оперштаб адыррақәа рыла апандемиа иаалагазар Краснодартәи атәылаҿацә аҿы иԥсхьеит 36-ҩык COVID-19 змаз.

АҞӘА, рашәара 2 - Sputnik. Адиагноз "акоронавирус" ззықәыргылаз хҩык рыԥсҭазаара иалҵит Краснодартәи ахәышәтәырҭақәа рҿы ҳәа аанацҳауеит COVID-19 аҿагыларазы аоперативтә штаб.

Атәылаҿацә аҿы пандемиа иаалагазар акоронавирус змоу рхыԥхьаӡара 3987-ҩык ыҟоуп. Урҭ рҟынтәи 2842 пациент ргәы бзиахахьеит. Краснодар аҵыхәтәантәи уахыки-ҽнаки рыла 79 коронавирус хҭыс азгәаҭоуп, хҩык рыԥсҭазаара иалҵит.

Иахьазы Урыстәыла 423 741 акоронавирус хҭыс азгәаҭоуп 85 регион рҿы. Иԥсхьеит 5 037-ҩык, ргәабзиара шьақәгылеит 186 985-ҩык.

Краснодартәи атәылаҿацә аҿы акарантин аҿҳәара инахоуп рашәара 6 рҟынӡа. Атәылаҿацә алалара макьаназы иԥкуп атранзит транспорт азы ада.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

3
Астероид на фоне Земли

NASA Адгьыл ишәарҭоу астероид шазааигәахо азы адырра ҟанаҵеит

3
(ирҿыцуп 15:57 02.06.2020)
Адгьыл азы ишәарҭоу астероид аҭбаара 250—570 метра иҟоуп. Зегь раасҭа иара адгьыл иазааигәахараны иҟоуп асааҭ 06:00 рзы.

АҞӘА, рашәара 2 - Sputnik. Адгьыл азы ишәарҭоу астероид 163348 (2002 NN4) асабша Адгьыл иазааигәахоит ҳәа аҳәоит НАСА асаитқәа руак аҿы.

Зегь раасҭа иара адгьыл иазааигәахараны иҟоуп асааҭ 06:00 рзы.

Убри аан иара апланета иаахап ҳәа азгәарҭом, избанзар Амза аорбита аасҭа 13-нтә ихарахоит.

Астероид гәаҭан 2002 шықәса рзы. Иара Амра зныктәи акәшара 300 дгьылтә уахи-ҽни иҟоуп.

Иара убас шәаԥхьар ҟалоит:

3
Роман Джопуа

Џьапуа арахә рчымазараҟнытә ҿыц ироуз алаҵазы: даара аџьабаа адбаланы иааган

0
Аԥсны аветеринартә маҵзура аиҳабы Роман Џьапуа арадио Sputnik аефир аҿы еиҭеиҳәеит амаҵзура ҿыц иаиуз алаҵа арахә рзы ишхәарҭоу.
Џьопуа арахә рчымазараҟнытә ҿыц ироуз алаҵазы: даара аџьабаа адбалан иааган

"Иҳауз алаҵа Аԥсны арахә ирымоу ҩ-чымазарак иртәуп. Аҳәынҭқарратә программала ари ахәшә ааҳхәаӡом, иааҳхәо иаҳа злеишәа цәгьоу ачымазарақәа рзоуп аҟнытә, иара апрограмма иаҵанакуамызт. Акрааҵуеит аҳәара ҟаҳҵоижьҭеи Аԥсны аус зуа Еиду амилаҭқәа рхаҭарнакра иҟанаҵо ацхыраарала ари авакцина ҳзааргарц. Даара аџьабаа адбаланы иҳарҭеит ахәшә, ақырҭцәа иаармышьҭырц иалагеит. 15 нызқь доза ҳзааргеит, урҭ рахьынтә аа-нызқь инареиҳаны ишаны ираҳҭахьеит ҳара ҳҳақьымцәа. Авакцина иагхан иахьааз аҟнытә усҟак ахархәара аиуӡом, избанзар зырахә ашьхахь иказцахьоу анхацәа ыҟоуп, ашоура ӷәӷәа аан агәыргьы рылауҵар ҟалаӡом", - ҳәа еиҭеиҳәеит Џьапуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

0