Ҟрымтәи ацҳаҟны аинтернет шьақәдыргылеит

1
(ирҿыцуп 17:55 02.10.2019)
Керчтәи аӡыбжьахала иху Ҟрымтәи ацҳа иахьаҵанакуа 2G, 3G, 4G LTE аднакылартә еиԥш ишьақәыргылоуп.

АҞӘА, жьҭаара 2 - Sputnik. Адгьылбжьаха Тузла аимадаратә база ҿыц дыргылеит. Уи иалнаршоит ацҳа ахы инаркны аҵыхәанӡа аимадареи аинтернети рхархәара. Абри атәы арадиостанциа "Спутник в Крыму" аефир аҿы еиҭеиҳәеит Ҟрым аҩнуҵҟатә политикеи, аинформациеи, аимадареи рминистр Сергеи Зырианов.

"Адгьылбжьаха Тузла амобилтә шьаҟа аусура иаларгоуп. 2G шә-процентк рыла адырраҭара ҟанаҵоит, 3G – 100% рҟынӡа, 4G LTE – 60%. Амчхарақәа еиҭагьы ирыцҵахоит. LTE 90% аус ауртә имҩаԥгахоит", - иҳәеит Зырианов.

Ҟрымтәи ацҳа Урыстәыла зегь раасҭа зоура дуу цҳауп – 19 километра иҟоуп. Ацҳа амҩатә хәҭа аартын 2018 шықәса лаҵара 15 рзы. Аихамҩатә хәҭа аусура иалагараны иҟоуп 2019 шықәса ԥхынҷкәынмзазы.

Иара убас шәаԥхьар ҟалоит:

1