Иԥсҭазаара далҵит ашәаҳәаҩ Карел Готт

17
(ирҿыцуп 16:17 02.10.2019)
Еицырдыруа ачех шәаҳәаҩы Карел Готт "ачех ҟармаҵыс" ҳәа хьӡыс иман. Иара ибзианы деицырдыруан аҳәаанырцәгьы.

АҞӘА, жьҭаара 2 - Sputnik. Карел Готт иԥсҭазаара далҵит 80 шықәса дшырҭагылаз, Прага ақалақь аҿы ҳәа аанацҳауеит Sputnik Чехия.

"Карел Готт иԥсҭазаара далҵит аҩашаҽны, иҩны, иҭаацәа рыгәҭа", - ҳәа аанацҳауеит ашәаҳәаҩ ипресс-маӡаныҟәгаҩ Анета Штольцова лдырраҭараҿы.

2015 шықәса рзы ашәаҳәаҩ акьыбачымазара идырбалеит. Иҽыхәышәтәны аестрадахь ахынҳәра изныкымкәа иҽазишәахьан. Сынтәа, ԥхынгәымзазы Готт иазгәеиҭеит 80 шықәса ихыҵра, аха иҭагылазаашьа иахҟьаны иконцерт ахган.

Карел Готт диит ԥхынгәы 14, 1939 шықәса рзы, Пльзен ақалақь аҿы. Чехиа иара деицырдыруан шәаҳәаҩык иаҳасаб ала адагьы актиорк, сахьаҭыхҩык иакәны. Готт 293 рҟынӡа альбом ҭижьхьан аитәылаҟнеиԥш аҳәаанырцәгьы. 120 инареиҳаны аԥхьахәқәа ианашьан. Иальбомқәа 8 "ахьтәы пластинка" ҳәа астатус роухьан, акы - "абырлаштә пластинка" ҳәа. Ирепертуар иалан 978 ашәа.

Асовет Еидгыла аныҟаз Готт бзиа еицырбоз шәаҳәаҩын. Иконцертқәа мҩаԥысхьан атәыла ақалақьқәа жәпакы рҿы. Убри аан дахьықәгылозаалакгьы азалқәа унацәа узрыламҵо уаала иҭәуан.

Зегьы еицырдыруеит акинофильм "Ҷышәшәына лзы х-расацк" аҟны Готт инеигӡоз ашәа. Германиа акәзар, ашколтә программа хымԥада иалахәуп амультфильм "Ашьхыц Маиа" аҟны немец бызшәала инеигӡоз ашәа.

17

Краснодар уахыки-ҽнаки рыла 79 коронавирус хҭыс азгәаҭоуп, хҩык рыԥсҭазаара иалҵит

3
(ирҿыцуп 17:46 02.06.2020)
Арегионалтә оперштаб адыррақәа рыла апандемиа иаалагазар Краснодартәи атәылаҿацә аҿы иԥсхьеит 36-ҩык COVID-19 змаз.

АҞӘА, рашәара 2 - Sputnik. Адиагноз "акоронавирус" ззықәыргылаз хҩык рыԥсҭазаара иалҵит Краснодартәи ахәышәтәырҭақәа рҿы ҳәа аанацҳауеит COVID-19 аҿагыларазы аоперативтә штаб.

Атәылаҿацә аҿы пандемиа иаалагазар акоронавирус змоу рхыԥхьаӡара 3987-ҩык ыҟоуп. Урҭ рҟынтәи 2842 пациент ргәы бзиахахьеит. Краснодар аҵыхәтәантәи уахыки-ҽнаки рыла 79 коронавирус хҭыс азгәаҭоуп, хҩык рыԥсҭазаара иалҵит.

Иахьазы Урыстәыла 423 741 акоронавирус хҭыс азгәаҭоуп 85 регион рҿы. Иԥсхьеит 5 037-ҩык, ргәабзиара шьақәгылеит 186 985-ҩык.

Краснодартәи атәылаҿацә аҿы акарантин аҿҳәара инахоуп рашәара 6 рҟынӡа. Атәылаҿацә алалара макьаназы иԥкуп атранзит транспорт азы ада.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

3
Астероид на фоне Земли

NASA Адгьыл ишәарҭоу астероид шазааигәахо азы адырра ҟанаҵеит

3
(ирҿыцуп 15:57 02.06.2020)
Адгьыл азы ишәарҭоу астероид аҭбаара 250—570 метра иҟоуп. Зегь раасҭа иара адгьыл иазааигәахараны иҟоуп асааҭ 06:00 рзы.

АҞӘА, рашәара 2 - Sputnik. Адгьыл азы ишәарҭоу астероид 163348 (2002 NN4) асабша Адгьыл иазааигәахоит ҳәа аҳәоит НАСА асаитқәа руак аҿы.

Зегь раасҭа иара адгьыл иазааигәахараны иҟоуп асааҭ 06:00 рзы.

Убри аан иара апланета иаахап ҳәа азгәарҭом, избанзар Амза аорбита аасҭа 13-нтә ихарахоит.

Астероид гәаҭан 2002 шықәса рзы. Иара Амра зныктәи акәшара 300 дгьылтә уахи-ҽни иҟоуп.

Иара убас шәаԥхьар ҟалоит:

3
Роман Джопуа

Џьапуа арахә рчымазараҟнытә ҿыц ироуз алаҵазы: даара аџьабаа адбаланы иааган

0
Аԥсны аветеринартә маҵзура аиҳабы Роман Џьапуа арадио Sputnik аефир аҿы еиҭеиҳәеит амаҵзура ҿыц иаиуз алаҵа арахә рзы ишхәарҭоу.
Џьопуа арахә рчымазараҟнытә ҿыц ироуз алаҵазы: даара аџьабаа адбалан иааган

"Иҳауз алаҵа Аԥсны арахә ирымоу ҩ-чымазарак иртәуп. Аҳәынҭқарратә программала ари ахәшә ааҳхәаӡом, иааҳхәо иаҳа злеишәа цәгьоу ачымазарақәа рзоуп аҟнытә, иара апрограмма иаҵанакуамызт. Акрааҵуеит аҳәара ҟаҳҵоижьҭеи Аԥсны аус зуа Еиду амилаҭқәа рхаҭарнакра иҟанаҵо ацхыраарала ари авакцина ҳзааргарц. Даара аџьабаа адбаланы иҳарҭеит ахәшә, ақырҭцәа иаармышьҭырц иалагеит. 15 нызқь доза ҳзааргеит, урҭ рахьынтә аа-нызқь инареиҳаны ишаны ираҳҭахьеит ҳара ҳҳақьымцәа. Авакцина иагхан иахьааз аҟнытә усҟак ахархәара аиуӡом, избанзар зырахә ашьхахь иказцахьоу анхацәа ыҟоуп, ашоура ӷәӷәа аан агәыргьы рылауҵар ҟалаӡом", - ҳәа еиҭеиҳәеит Џьапуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

0