Нобель иԥхьахә алитературазы изауз рыӡбахә ҳәоуп

Нобель иԥхьахә алитературазы изауз рыӡбахә ҳәоуп

16
(ирҿыцуп 17:02 10.10.2019)
2017 шықәса рзы Нобельтә Академиаҿ аҭыӡшәа ду ҟалеит, убри инамаданы аԥхьахәҭара 2019 шықәса рахь иахыгахеит. 2019 шықәса рзы аԥхьахә ранашьахеит ҩыџьа.

АҞӘА, жьҭаара 10 - Sputnik. 2018 шықәсазы алитератураз Нобель иаԥхьахә ланашьахеит ашәҟәыҩҩы Ольга Токарчук, 2019 шықәсазы алитератураз Нобель иаԥхьахә ианашьахеит австриатәи ашәҟәыҩҩы Петер Хандке.

Академиа, 1786 шықәса рзы акрал Густавом III ишьаҭаиркит ашвед бызшәеи алитературеи рыҿиара ацхырааразы. Альфред Нобель иҵыхәтәажәаҿы аиҿкаара анапы ианиҵеит аԥхьахә занашьатәу иалкаара. Академиа иалахәылацәоуп 18-ҩык. Урҭ рыԥсы ҭанаҵы Академиа ишалахәылацәоу иаанхароуп.

2017 шықәса рзы аԥхьахә ианашьан шьҭрала ииапонуаҩу британиатәи ашәҟәыҩҩ Кадзуо Исигуро.

Урыс бызшәала иҩуа рахьынтәи Нобель иаԥхьахә ранаршьахьан: Иван Бунин, Борис Пастернак, Михаил Шолохов, Александр Солженицын, Иосиф Бродски. 2015 шықәса рзы аԥхьахә лоуит Светлана Алексиевич.

Традициак аҳасабала ишышьақәгылоу еиԥш Нобель иаԥхьахә алауреатцәа аԥхьахә рыҭара ацеремониа мҩаԥысуеит ԥхынҷкәын 10 рзы, иара ашьаҭаркыҩ, швециатәи анаплакҩы Альфред Нобель (1833-1896) иԥсраҽны.

Ишьаҭаиркыз аԥхьахәқәа хәба рҟынтәи ԥшьба Стокгольм ирырҭоит. Аҭынчраз аԥхьахә заҭәашьоу Осло ирырҭоит.

2018 шықәсазы аԥхьахә иартәоит 9 миллионк швециатә крон (940 000 доллар).

Иара убас шәаԥхьар ҟалоит:

16

"Иҳашьҭоуп": ажурналист еиҭалҳәеит урыстәылатәи АИХқәа рзы иҩуа Литва ишырзыҟоу

5
(ирҿыцуп 12:42 15.01.2021)
Sputnik Латвиеи Baltnews-и равторцәеи урыс бызшәала иҩуа латвиатәи ажурналистцәеи рганахьала ашьаус хацыркуп Евроеидгыла иаланагалаз асанкциақәа реилагаразы, урҭ рыҩнқәа рҟны еимдеит, ртехника рымырхит.

АҞӘА, ажьырныҳәа 15 - Sputnik. Урыс бызшәала иҩуа латвиатәи ажурналистцәа иҳашьҭоуп Латвиа, абри атәы лҳәеит RT аинтервиу азҭаз латвиатәи ажурналист Алла Березовскаиа.

Березовскаиа лыҩны аԥшаарақәа мҩаԥыргеит, иара убас ауаажәларратә усзуҩ, апублицист Владимир Линдермани, Baltnews.lv уаанӡатәи аредактор Андреи Иаковлеви рыҩнқәа рҟынгьы иҩналаны еимдеит.

"Евроеидгылеи егьырҭ жәларбжьаратәи аиҿкаарақәеи иаларгалаз асанкциақәеи Латвиа иаланагалаз амилаҭтә санкциақәеи еилаҳгеит ҳәа ахара ҳадырҵоит. Уи зынӡагьы ҳақәшаҳаҭӡам", - лҳәеит аинтервиу аҟны.

Латвиа, МИА "Россия сегодня" азы аус ахьыруаз иахырҟьаны быжьҩык ажурналистцәа рганахьала ашьаусҭҵаара хацыркуп. Аҳәынҭқарратә шәарҭадаратә маҵзураҿы иазгәарҭеит ажурналистцәа ишеиларгаз Латвиа иаланагалаз амилаҭтә санкциақәа (Латвиа АЗ ахәҭаҷ 84).

Уи аԥхьа, Латвиа Аҳәынҭқарратә шәарҭадаратә маҵзура ԥхынҷкәын 3 рзы аԥшаарақәеи аҿахәҿыхрақәеи мҩаԥыргеит. Астатиа зкьыԥхьыз авторцәеи урыстәылатәи апорталқәа Baltnewsи Sputnik Латвиеи ртехника рымырхит. Амаҵзура аусзуҩцәа ааныркылеит, рҿахәы рҿыхны иоурышьҭит фҩык латвиатәи авторцәа - Baltnews.lv уаанӡатәи аредактор Андреи Иаковлев, апублицист Владимир Линдерман, ажурналистцәа Андреи Солопенкои Алла Березовскаиеи. Арҭ АИХқәа рзы иҩуа латвиатәи ажурналистцәа аштатнҭыҵтә авторцәоуп.

Урыстәыла Адәныҟатәи аусқәа рминистрраҿгьы иақәыӡбеит урыс бызшәала иҩуа ажурналистцәа рганахьала латвиатәи амчрақәа иаадырԥшуа ахымҩаԥгашьа. Иҟалаз "АИХқәа рхақәиҭреи ахатә гәаанагара аҳәареи ирҿагылоу ҿырԥшуп" ҳәа азгәарҭеит дара. МИА "Россия сегодня" адиректор хада Дмитри Киселиов ахҭыс  ахҳәаа аҭо, иазгәеиҭеит, хаз аӡәы изырхоу асанкциақәеи урыстәылатәи аиҿкаарақәеи аилахәырақәеи рганахьала иалагалоу аԥкрақәеи ак шракәым. МИА "Россия сегодня" RT аредактор хада Маргарита Симониан дгәыӷуеит Урыстәыла иахәҭоу аҭак ҟанаҵап ҳәа.

Иара убас шәаԥхьар ҟалоит:

5

Twitter "Cпутник V" аккаунт аусура иаланаргеит

5
(ирҿыцуп 10:03 15.01.2021)
Ажьырныҳәа 14, ахәылбыҽха Twitter "Cпутник V" аккаунт аусура ааннакылеит ҳәа аинформациа цәырҵит.

АҞӘА, ажьырныҳәа 15- Sputnik. COVID-19 аҟынтәи Урыстәылатәи алаҵа "Cпутник V" аккаунт аусура иаланаргеит Twitter, иаанацҳауеит РИА Новости.

Twitter ишазгәанаҭаз ала, акааунт ахь анеира аамҭала иԥкын ЕАА рҟынтә аҭалара азгәаҭан ҳәа.

COVID-19 аҟынтәи Урыстәылатәи алаҵа "Cпутник V" аккаунт аусура ааннакылеит асоциалтә ҳа Twitter, изыхҟьаз амзызқәа ҭырҵаауеит ҳәа аинформациа рыладырҵәеит аинвестициақәа рзы Урыстәылатәи афонд.

"Twitter, идуӡӡаны иҭабуп! Ҳшәыҳәоит, ҳаккаунт шәнапы анышәҵа, алаҵа "Cпутник V" иазку ажәабжьқәа зегьы шәрызҿлымҳаз, иара убас алаҵа акоронавирус ишаҿагыло, аԥсҭазаарақәеи аекономикеи шеиқәнырхо аинформациа шәыдаагалалоит", - рҳәеит дара.

"Спутник V" - COVID-19 аҟынтәи адунеи аҟны раԥхьатәи ашәҟәы иҭагалоу алаҵа ауп, иара аус адулан Гамалеиа ихьӡ зху НИЦЕМ аҿы.

 

5

ААУ аԥышәаратә сессиа ахыгоуп акарантин иахҟьаны

6
(ирҿыцуп 23:09 15.01.2021)
Аԥснытәи аҳәынҭқарратә университет аҟны аԥышәаратә сессиа иалагараны иҟан ажьырныҳәа 18 инаркны, иацҵахон жәабранмза алагамҭанӡа.

АҞӘА, ажьырныҳәа 16-Sputnik. Ажьырныҳәа 25-нӡа Аԥснытәи аҳәынҭқарратә университет аҟны акарантин рылаҳәоуп, иҟоу аепидемиологиатә ҭагылазаашьа иахҟьаны, абри аҩыза аӡбамҭа аднакылеит аректорат, абри атәы Sputnik иазааицҳаит апресс-маҵзура анапхгаҩы Џьамбул Инџьгьиа.

Инџьгьиа иажәақәа рыла, ашықәс алагамҭазы COVID-19 рзышьақәырӷәӷәан аӡәык-ҩыџьак арҵаҩцәа. Астудентцәа рҟынтә аҿкычымазара ӡәыр рцәа иалу иаламу аилкаара иаҿуп.

2020 шықәсазы атәылаҿ иҟоу аепидемиологиатә ҭагылазаашьа инадҳәаланы Аԥснытәи Аҳәынҭқарратә университет анапхгара аҵараиурҭа аҭалара аԥҟарақәа рыԥсахит. ААУ аректор актәи ихаҭыԥуаҩ Виктор Маланӡиа иажәақәа рыла, ауниверситет ахь ԥышәарада абитуриентцәа рыдыркылеит. Аԥышәаратә сессиа ашьҭахь еилкаахоит хәыда-ԥсада аҵара зҵои, аҵара ахә зшәалои.

Аԥсны Аҳәынҭқарра Ахада Аслан Бжьаниа инапы аҵаиҩит 2021 шықәса жәабранмза 10 рҟынӡа ауааҧсыра акоронавирустә ҿкы COVID-19 рацәыхьчара иазку ауснагӡатәқәа ирыцҵазарц Адҵа.

6