Адмирал Нахимов аиҭарҿыцра ашьҭахь иреиӷьу креисерхоит

"Адмирал Нахимов" аиҭарҿыцра ашьҭахь иреиӷьу креисерхоит

10
(ирҿыцуп 10:47 21.10.2019)
Еиҭарҿыцу арратә ӷба амҵәыжәҩа змоу аракетақәа рылеи аҳауаҿагыларатә системеи рыла еиқәыршәахоит.

АҞӘА, жьҭаара 21 – Sputnik. Ажурнал Military Watch иҭнаҵааит атомтә ракетатә креисер "Адмирал Нахимов" аиҿкаашьа. Аӷба 2021 шықәса рзы Урыстәыла арра-мшынтә мчқәа ахархәаразы ироураны иҟоуп. Абри атәы аанацҳауеит РИА Новости.

Иазгәаҭоуп еиҭарҿыцу аӷба амҵәыжәҩа змоу аракетақәа рылеи аҳауаҿагыларатә системеи, азенит-ракетатә артиллеристә комплекс "Кортик", "Редут" рыла еиқәыршәахоит ҳәа.

Ажурнал Military Watch аинформациала акреисер реиҳа идуу абџьарны иаиуеит аракета "Циркон". Аракета зықь километра рҟынӡа ихароу ацәҟьара ҭанархар алшоит. Ари иалнаршоит аракета "Гарпун" – ЕАА рырра-мшынтә мчрақәа рракета аԥгара.

"Уи адагьы "Адмирал Нахимов" акраамҭа Урыстәыла иаԥну амшынԥшаҳәа иацәыхараны игылазар алшоит", - аҳәоит аҭыжьымҭа.

"Адмирал Нахимов" (апроекта 1144 "Орлан") 1992 шықәсанӡа иахьӡын "Калинин". 1986 шықәса рзы аӷба амшын иӡхырҵеит. 1992 шықәса рзы ахьӡ рыԥсахит "Адмирал Нахимов" ҳәа.

10

Ацәыӡқәа рацәахоит: Украина Арра-мшынтә мчқәа рхада Урыстәыла дабашьыр иҭахуп

1
(ирҿыцуп 13:46 06.07.2020)
Украина 85% рҟынӡа ӡыла Ҟрым еиқәнаршәон, Днепр аҟынтәи игоу Аҩада-Ҟрымтәи аканал ала. Аха Ҟрым Урыстәыла ианалала ашьҭахь ареспубликахь ганкахьала аӡынашьҭра аанкылан.

АҞӘА, ԥхынгәы 6 - Sputnik. Украина Арра-Мшынтә мчрақәа Урыстәыла абашьра рҽаздырхиоит ҳәа иҳәеит афлот адҵаҟаҵаҩ аконтр-адмирал Алексеи Неижпапа, агазеҭ "Думская" аинтервиу аҭо.

Иара иажәақәа рыла, Украина иагәҭакуп Ҟрым архынҳәра, убри азы аибашьрагьы аҽазнархиоит.

"Ацәыӡқәа ҟалашт аруаа рыбжьареиԥш, аҭынч уааԥсыра рыбжьарагьы", - ҳәа Неижпапа иажәақәа аанагоит РИА Новости.

Иара ишиҳәаз ала, Киев аурыс ар Херсонтәи аобласт иажәлозар ҳәа иԥшуп аӡы Ҟрымҟа инарышьҭырц.

"Ҳаруаа хиоуп. Апланқәа зегь сзаартуам, аха аракетатә комплекс "Нептун" Украинантә Севастопольнӡа инаӡоит", - иҳәеит Неижпапа.

Украина 85% рҟынӡа ӡыла Ҟрым еиқәнаршәон, Днепр аҟынтәи игоу Аҩада-Ҟрымтәи канал ала. Аха Ҟрым Урыстәыла ианалала ашьҭахь ареспубликахь ганкахьала аӡынашьҭра аанкылан.

Украинатәи аполитикцәа аӡы адгьылбжьахахь анашьҭра мап ацәыркуеит, аха иааҟәымҵӡакәа ирҳәоит аурысқәа Аҩада-Ҟрымтәи аканал "рнапахьы иааргар" рҭахуп ҳәа, аха убри аан ареспубликаҿы аӡыржәтә ахыҵхырҭақәа ыҟоуп.

1

Иԥсҭазаара далҵит акомпозитор Еннио Морриконе

6
(ирҿыцуп 12:56 06.07.2020)
Еицырдыруа акомпозитор иԥсҭазаара далҵит 93 шықәса дшырҭагылаз римтәи ахәышәтәырҭақәа руак аҿы.

АҞӘА, ԥхынгәы 6 - Sputnik. Еицырдыруа италиатәи акомпозитор Еннио Морриконе иԥсҭазаара далҵит ҳәа аанацҳауеит амаҵзура Аnsa.

Еицырдыруа акомпозитор иԥсҭазаара далҵит 93 шықәса дшырҭагылаз римтәи ахәышәтәырҭақәа руак аҿы.

Морриконе Серджио Леоне, Бернардо Бертолуччи, Пьеро Паоло Пазолини, Квентин Тарантино, Роман Полански, Оливер Стоун, Браиан де Пальма рфильмқәа рмузыка авторс дрыман.

Морриконе – 400 инарзынаԥшуа акинофильмқәа рмузыка авторс дрыман, аԥхьахәқәа "Оскар" ҩба ианашьан, жәынтәы италиатәи акиноԥхьахәы "Давид ди Донателло", хынтә – "Золотой глобус", фба – BAFTA иоухьеит.

6
Абессалом Кварчия

Кәарҷиа: алхыҩ иазыҟаҵара хьысҳауп

0
Ауаажәларратә палата алахәыла Абессалом Кәарҷиа арадио Sputnik аефир аҟны игәаанагара иҳәеит алхыҩ изы иахьынӡахәарҭоу адепутатрахь акандидатцәа телехәаԥшрала рықәгылара.

Аԥсны Жәлар Реизарахь алхрақәа мҩаԥысуеит алхратә ҭыԥ хадақәа ԥшьба рҿы: Кындыӷтәи, Гәдоуҭатәи, Бзыԥтәи, Оҭҳаратәи.

Кындыӷтәи алхратә ҭыԥ хада №31 аҟнытә Жәлар Реизара адепутатрахь кандидатцәас иқәгылоуп: Аидар Кәыҵниа, Гарри Кокаиа, Џьансыхә Адлеиба; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Бзыԥтәи алхратә ҭыԥ хада № 10 ала – Ҭамаз Леибеи, Ҭемыр Беиеи; Оҭҳаратәи алхратә ҭыԥ хада №14 аҟнытә Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци.

Алхратә комиссиа хада имҩаԥнагаз аҵәҭаԥсарала адепутатрахь акандидатцәа Аԥсуа телехәаԥшраҟны аефиртә аамҭа рызшоуп. Бзыԥтәи алхратә ҭыԥ хада №10 ала адепутатрахь акандидатцәа Ҭамаз Леибеи, Ҭемыр Беиеи аефир аҟны иҟалоит уаха, ԥхынгәы 6 рзы.

 

Кәарҷиа ателедебатқәа рзы: заанаҵы ибжьы зиҭо здыруа алхыҩ изы иҵакыдоуп

"Ауаҩы уала-ҭахыла, мамзаргьы аиҳабыра идгылоума, ицхраауама, ҳара даҳтәума, егьырҭ дыртәума ҳәа ихәыцны далзхуа изы егьа теледебат ҟауҵаргьы, иара изы зегь дара роуп. Уи ателехәаԥшраҟны иибо спектакльк еиԥш дазыӡырҩуеит, аха игәы иҭеикыз, изиҭараны дыҟоу ибжьы ииҭоит. Ибжьы зиҭо ззымдыруа аӡәыр дыҟазар, Апарламент ахь днеир абри ихаҿсахьа зеиԥшрахои ҳәа ихәыцуа ауаҩы изы ибзиоуп, ихадоуп телехәаԥшрала иибо, аха иҟоуп ауаҩы иаразнакгьы иеилкаара анымариам. Убри аганахьала сгәаанагарала Алхратә комиссиа хада ахымҩаԥгашьа хәыҷык ихьысҳауп ҳәа ажәлар разыҟаҵаразы. Дара ирҳәароуп алхрақәа шус хадоу, абжьыҭара уала-ҭахыла акәымкәа ишазнеитәу ауаа азыҟаҵалатәуп есымша. Ауаа иахьа хәыҷык иҟьалашәа иҟоуп, рыбжьы зырҭара дрыздыруам, џьоукы-џьоук хьаасгьы ирымам, "иаҳнаҭеи Апарламент" зҳәогьы ыҟоуп. Абжьыҭарахь имнеиз ауаа рхыԥхьаӡара анырацәахалак, уи иаанагоит урҭ разыҟаҵара зыхәҭаз ауаа ажәлар рҟынӡа ишахәҭаз ирызнамгаӡеит ҳәа", - азгәеиҭеит Кәарҷиа.

 

Аԥсны Алхратә комиссиа хада иҭацәыз адепутаттә ҭыԥқәа рахь ԥхынгәы 12 рзы алхрақәа рымҩаԥгара ҿҳәарас ишьақәнаргылеит.

Азакәанԥҵаратә мчраҿы амандатқәа ԥшьба ҭацәуп - уаанӡа депутатцәас иҟаз атәыла ахада Аслан Бжьаниа, аԥыза-министр Александр Анқәаб, Аҩнуҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

0