Ринго Стар Џьон Леннон иашәа зну альбом ҭижьит

11
(ирҿыцуп 12:47 21.10.2019)
"Битлз" алахәыла Ринго Старр иальбом ҿыц хыԥхьаӡарала иҩеижәатәуп. Ианиаамҭаз альбом Grow Old With Me азы Џьон ашәа иҩит аха астудиаҿ аҭаҩра дахьымӡеит. Ашәа машәырны ирбеит Леннон иальбом Double Fantasy аҿы.

АҞӘА, жьҭаара 21– Sputnik. Уаанӡа иҭымҵыцыз Beatles ашәа, Џьон Леннон иаԥҵамҭа Ринго Старр иальбом ҿыц What"s my name ианылеит ҳәа аанацҳауеит РИА Новости Le Figaro адыррақәа шьаҭас иҟаҵаны.

Ианиаамҭаз альбом Grow Old With Me азы Џьон ашәа иҩит аха астудиаҿ аҭаҩра дахьымӡеит. Ашәа машәырны ирбеит Леннон иальбом Double Fantasy аҿы.

Апродиусер Џьек Дуглас Ринго ашәа дазирӡырҩит.

"Пол даасыԥхьеит абас-гитараҿ дыхәмарырц, Џьек Џьорџь Харрисон изы ажәақәак иҩит. Ҳара еиҭах ҳҽеизаагеит" - иҳәоит Стар.

Оико Оно Твиттере аҿы ашәа "ԥшӡоуп" ҳәа лҳәеит.

11

Ацәыӡқәа рацәахоит: Украина Арра-мшынтә мчқәа рхада Урыстәыла дабашьыр иҭахуп

1
(ирҿыцуп 13:46 06.07.2020)
Украина 85% рҟынӡа ӡыла Ҟрым еиқәнаршәон, Днепр аҟынтәи игоу Аҩада-Ҟрымтәи аканал ала. Аха Ҟрым Урыстәыла ианалала ашьҭахь ареспубликахь ганкахьала аӡынашьҭра аанкылан.

АҞӘА, ԥхынгәы 6 - Sputnik. Украина Арра-Мшынтә мчрақәа Урыстәыла абашьра рҽаздырхиоит ҳәа иҳәеит афлот адҵаҟаҵаҩ аконтр-адмирал Алексеи Неижпапа, агазеҭ "Думская" аинтервиу аҭо.

Иара иажәақәа рыла, Украина иагәҭакуп Ҟрым архынҳәра, убри азы аибашьрагьы аҽазнархиоит.

"Ацәыӡқәа ҟалашт аруаа рыбжьареиԥш, аҭынч уааԥсыра рыбжьарагьы", - ҳәа Неижпапа иажәақәа аанагоит РИА Новости.

Иара ишиҳәаз ала, Киев аурыс ар Херсонтәи аобласт иажәлозар ҳәа иԥшуп аӡы Ҟрымҟа инарышьҭырц.

"Ҳаруаа хиоуп. Апланқәа зегь сзаартуам, аха аракетатә комплекс "Нептун" Украинантә Севастопольнӡа инаӡоит", - иҳәеит Неижпапа.

Украина 85% рҟынӡа ӡыла Ҟрым еиқәнаршәон, Днепр аҟынтәи игоу Аҩада-Ҟрымтәи канал ала. Аха Ҟрым Урыстәыла ианалала ашьҭахь ареспубликахь ганкахьала аӡынашьҭра аанкылан.

Украинатәи аполитикцәа аӡы адгьылбжьахахь анашьҭра мап ацәыркуеит, аха иааҟәымҵӡакәа ирҳәоит аурысқәа Аҩада-Ҟрымтәи аканал "рнапахьы иааргар" рҭахуп ҳәа, аха убри аан ареспубликаҿы аӡыржәтә ахыҵхырҭақәа ыҟоуп.

1

Иԥсҭазаара далҵит акомпозитор Еннио Морриконе

6
(ирҿыцуп 12:56 06.07.2020)
Еицырдыруа акомпозитор иԥсҭазаара далҵит 93 шықәса дшырҭагылаз римтәи ахәышәтәырҭақәа руак аҿы.

АҞӘА, ԥхынгәы 6 - Sputnik. Еицырдыруа италиатәи акомпозитор Еннио Морриконе иԥсҭазаара далҵит ҳәа аанацҳауеит амаҵзура Аnsa.

Еицырдыруа акомпозитор иԥсҭазаара далҵит 93 шықәса дшырҭагылаз римтәи ахәышәтәырҭақәа руак аҿы.

Морриконе Серджио Леоне, Бернардо Бертолуччи, Пьеро Паоло Пазолини, Квентин Тарантино, Роман Полански, Оливер Стоун, Браиан де Пальма рфильмқәа рмузыка авторс дрыман.

Морриконе – 400 инарзынаԥшуа акинофильмқәа рмузыка авторс дрыман, аԥхьахәқәа "Оскар" ҩба ианашьан, жәынтәы италиатәи акиноԥхьахәы "Давид ди Донателло", хынтә – "Золотой глобус", фба – BAFTA иоухьеит.

6