Ҭырқәтәыла ААР: акурдцәа Шьамтәыла ашәарҭадаратә зона рҽаԥырырго иалагеит

15
Аԥшьашаҽны Еиду аштатқәеи Ҭырқәтәылеи аҳәамҭа ҟарҵеит Ҭырқәтәыла арратә операциа 120 сааҭ рҟынӡа ишааннакылои акурд еиҿкаарақәа Ҭырқәтәылеи Шьамтәылеи рҳәааҟны 30-километратәи азонаҟынтәи ишаԥырыргои рҳәеит.

АҞӘА, жьҭаара 21– Sputnik. Акурдцәа Шьамтәыла аҩадатәи аҭыԥ ашәарҭадаратә зона рҽаԥырырго иалагеит аха дара рганахь ала аибашьратә режим иацәхьамҵыц ҳәа аҳәамҭа ҟаиҵеит Ҭырқәтәыла адәныҟатәи аусқәа рминистр Мевлиут Чавушоглу. Абри атәы аанацҳауеит РИА Новости.

"YPG (шьамтәылатәи акурдцәа реиҿкаара) амца аанкылара арежим макьаназы иқәныҟәом. Ҳара иаабоит YPG иалаҳкааз азона шыннажьуа. Аинышәаратә аамҭа анҵәара 35 сааҭ агуп. Атеррористтә гәыԥқәа ари аҭыԥ иалымҵыр, ҳара ҳоперациа еиҭахацҳаркуеит", - иҳәеит Чавушоглу.

Иара иҳәеит аҩашаҽны Шәача абри апроблема аӡбразы Владимир Путини Таип Ердогани еиԥылараны ишыҟоу.

Ҭырқәтәыла ахада Таиип Ердоган жьҭаара 9 рзы аҳәамҭа ҟаиҵеит аоперациа "Источник мира" ишалаго азы. Аоперациа азырхоуп Ҭырқәтәыла ззин ыҟам Курдистан аусутә партиеи атеррористтә гәыԥ "Исламтәи аҳәынҭқарреи" рықәгара ҳәа аҳәоит адырраҭараҿы.

Иара убри амш аҽны аҭырқәа ари шьамтәылатәи аоппозициаа рыри ақалақь Телль-Абиад рымпыҵархалеит. Уи адагьы, Шьамтәыла аҭырқәа ари шьамтәылатәи аоппозициаа рыри Шьамтәыла аҩадахьы астратегиатә ҟазшьа змоу амҩаду М4 Алеппо-Хасеке ааныркылеит.

Иара убасгьы амҽышазы рнапахьы иааргеит ақалақь Рас ель-Аин.

Шьамтәылатәи амчрақәа изныкымкәа Ҭырқәтәыла имҩаԥнаго аоккупациатә политика иақәыӡбахьеит.

Урыстәыла акәзар, Ҭырқәтәыла аимак иаԥырхагахаша аусқәа аҽрыцәхьанакыроуп ҳәа иашьоит.

15

Ацәыӡқәа рацәахоит: Украина Арра-мшынтә мчқәа рхада Урыстәыла дабашьыр иҭахуп

1
(ирҿыцуп 13:46 06.07.2020)
Украина 85% рҟынӡа ӡыла Ҟрым еиқәнаршәон, Днепр аҟынтәи игоу Аҩада-Ҟрымтәи аканал ала. Аха Ҟрым Урыстәыла ианалала ашьҭахь ареспубликахь ганкахьала аӡынашьҭра аанкылан.

АҞӘА, ԥхынгәы 6 - Sputnik. Украина Арра-Мшынтә мчрақәа Урыстәыла абашьра рҽаздырхиоит ҳәа иҳәеит афлот адҵаҟаҵаҩ аконтр-адмирал Алексеи Неижпапа, агазеҭ "Думская" аинтервиу аҭо.

Иара иажәақәа рыла, Украина иагәҭакуп Ҟрым архынҳәра, убри азы аибашьрагьы аҽазнархиоит.

"Ацәыӡқәа ҟалашт аруаа рыбжьареиԥш, аҭынч уааԥсыра рыбжьарагьы", - ҳәа Неижпапа иажәақәа аанагоит РИА Новости.

Иара ишиҳәаз ала, Киев аурыс ар Херсонтәи аобласт иажәлозар ҳәа иԥшуп аӡы Ҟрымҟа инарышьҭырц.

"Ҳаруаа хиоуп. Апланқәа зегь сзаартуам, аха аракетатә комплекс "Нептун" Украинантә Севастопольнӡа инаӡоит", - иҳәеит Неижпапа.

Украина 85% рҟынӡа ӡыла Ҟрым еиқәнаршәон, Днепр аҟынтәи игоу Аҩада-Ҟрымтәи канал ала. Аха Ҟрым Урыстәыла ианалала ашьҭахь ареспубликахь ганкахьала аӡынашьҭра аанкылан.

Украинатәи аполитикцәа аӡы адгьылбжьахахь анашьҭра мап ацәыркуеит, аха иааҟәымҵӡакәа ирҳәоит аурысқәа Аҩада-Ҟрымтәи аканал "рнапахьы иааргар" рҭахуп ҳәа, аха убри аан ареспубликаҿы аӡыржәтә ахыҵхырҭақәа ыҟоуп.

1

Иԥсҭазаара далҵит акомпозитор Еннио Морриконе

6
(ирҿыцуп 12:56 06.07.2020)
Еицырдыруа акомпозитор иԥсҭазаара далҵит 93 шықәса дшырҭагылаз римтәи ахәышәтәырҭақәа руак аҿы.

АҞӘА, ԥхынгәы 6 - Sputnik. Еицырдыруа италиатәи акомпозитор Еннио Морриконе иԥсҭазаара далҵит ҳәа аанацҳауеит амаҵзура Аnsa.

Еицырдыруа акомпозитор иԥсҭазаара далҵит 93 шықәса дшырҭагылаз римтәи ахәышәтәырҭақәа руак аҿы.

Морриконе Серджио Леоне, Бернардо Бертолуччи, Пьеро Паоло Пазолини, Квентин Тарантино, Роман Полански, Оливер Стоун, Браиан де Пальма рфильмқәа рмузыка авторс дрыман.

Морриконе – 400 инарзынаԥшуа акинофильмқәа рмузыка авторс дрыман, аԥхьахәқәа "Оскар" ҩба ианашьан, жәынтәы италиатәи акиноԥхьахәы "Давид ди Донателло", хынтә – "Золотой глобус", фба – BAFTA иоухьеит.

6