"МИР" уажәшьҭарнахыс ахархәара аиулоит Виетнамгьы

15
Урыстәылеи Аԥсныи рмилаҭтә ԥарашәаратә системақәа ринтеграциа иалнаршоит ахсаалагақәа "АԤРА" ахсаалагақәа "Мир" ахархәара ахьрымоу атәылақәа зегьы рҿы ахархәара.

АҞӘА, жьҭаара 29 - Sputnik. Аԥарашәаратә система "Мир" ахсаалага Виетнам ахархәара аҭахоит жьҭаара 29 инаркны POS-терминал ала. Уи мҩаԥигоит Урыстәыла аԥыза-министр ихаҭыԥуаҩ Максим Акимов ҳәа аанацҳауеит ПРАЙМ.

"Виетнамтәи аган абанкоматқәеи атерминалқәеи ахсаалага "Мир" адкылара ишаздырхиаз еиԥш урыстәылатәи атуристцәа ироуеит алшара ахсаалага "Мир" аҩнеиԥш ахархәара", - иҳәоит Акимов.

Уаанӡа Аԥсны амилаҭтә ԥарашәаратә система "Аԥра" урыстәылатәи аԥарашәаратә система "МИР" иалахәхоит ҳәа Sputnik иазеиҭеиҳәеит Аԥсны Амилаҭтә банк ахантәаҩы Беслан Бараҭелиа.

"Аԥреи" "Мири" реинырра алшеит 2018 шықәса ԥхынгәы 11 рзы анапы зҵаҩыз аиқәшаҳаҭра абзоурала.

"Аԥра" ахархәара аиуеит уажәшьҭарнахыс Урыстәыла, Ҭырқәтәыла, Ермантәыла реиԥш егьырҭ атәылақәа рҟынгьы уа ахсаалага "Мир" аус ауазар. Ари алшара ҟанаҵоит ареспублика анҭыҵгьы абанкоматқәа рҿы аԥараиураз. Ари ауааԥсыра рзы ишьахәу ҭагылазаашьоуп. Урыстәылатәи ахсаалагақәа раахәара аҭаххара аԥнахуеит.

Аԥснытәи ахсаалагақәа змоу рзы акомиссиа ашәара аҭаххом аԥарашәараан, абанкоматқәа рҟынтәи аԥара анҭырго 2% иреиҳахом.

Аԥсны Амилаҭтә банк ахантәаҩы Беслан Бараҭелиа иҳәеит иахьазы Аԥсны атәылауаа шә-нызқь рҟынӡа хсаалага шрымоу. Аха аҳәаанырцә ахархәаразы урҭ ԥсахтәуп "Аԥра World" ала ҳәа. Ареспублика акоммерциатә банкқәа урҭ рҭыжьра иалагоит 2019 шықәса жьҭаарамза инаркны.

"Мир" — урыстәылатәи амилаҭтә ԥарашәаратә системоуп. Аԥарашәара мҩаԥысуеит амилаҭтә валиута ала.

Аԥсны амилаҭтә ԥарашәаратә система "АԤРА" аԥҵан 2012 шықәса рзы, ҳаамҭазтәи абанктә маҵзурақәа рхархәарази аԥарашәаратә инфраструктура аизырҳарази.

15

Урыстәыла АШәМ Ростовтәи аобласт аҿы атеракт аԥдырҟәҟәааит

8
(ирҿыцуп 14:31 13.07.2020)
Урыстәыла АШәМ адиректор Александр Бортников иқәгылара инақәыршәаны, аҵыхәтәантәи жәашықәса рыҩныҵҟа Урыстәыла 160 теракт рымҩаԥгара аԥырҟәҟәаан, 2019 шықәса рзы – 43.

АҞӘА, ԥхынгәы 13 - Sputnik. Урыстәыла Афедералтә Шәарҭадаратә маҵзура иаадырԥшит "Исламское государство" алахәылацәа ргәыԥ Ростовтәи аобласт аҿы ҳәа аанацҳауеит Урыстәыла АШәМ ауаажәларра рнырразы Ацентр.

"Дара аполициаа рықәлареи амедицинатәи аҵараҵаратәии усбарҭақәа рҿы атеррористтә акциақәеи рымҩаԥгара рҽаздырхион", - аҳәоит арелиз аҿы.

Аоперациа ҷыда мҩаԥган Азовтәи араион аҿы. Агәыԥ ахада иаанкылараан аҿагылара ҟаиҵеит автомат Калашников ала дхысуа, нас арԥжәагала иҽԥижәеит. Иара дҭахеит, егьырҭ ахәҩык аанкылоуп.

Иааныркылаз ргәаҭараан ирыдбалоуп автоматқәа, аџьаԥҳаны, ахалаҟаҵаратә рԥжәага, анаркотикқәа.

Атеракт, абџьар закәанда ахархәара, азинхьчаратә усбарҭақәа рҿагылара рзы ашьаус хацыркуп.

Урыстәыла АШәМ адиректор Александр Бортников иқәгылара инақәыршәаны, аҵыхәтәантәи жәашықәса рыҩныҵҟа Урыстәыла 160 теракт рымҩаԥгара аԥырҟәҟәаан, 2019 шықәса рзы – 43.

Иара убас шәаԥхьар ҟалоит:

8

Урыстәыла уахыки-ҽнаки рыла 6 537-ҩык авирус рыдбалоуп

6
(ирҿыцуп 11:47 13.07.2020)
Иахьатәи аамҭазы Урыстәылатәи арегионқәа 85 рҿы 733 699-ҩык акоронавирустә инфекциа ирыдбалоуп.

АҞӘА, ԥхынгәы 13 - Sputnik. Урыстәыла уахыки-ҽнаки рыла 6 537-ҩык авирус рыдбалоуп арегионқәа 84 рҿы ҳәа аанацҳауеит COVID-19 аҿагыларазы Москва аоперштаб.

Авирус зыдбалаз рҟынтәи 25,6% аклиникатә ҟазшьа рныԥшуамызт. Уахыки-ҽнаки рыла рыԥсҭазаара иалҵит 104-ҩык, ргәы бзиахеит 2 960-ҩык.
Зынӡа атәылаҿы иазгәаҭоуп 11 439-ҩык COVID-19 змоу, урҭ рҟынтәи 504 021 -ҩык ргәы бзиахахьеит.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, ҩыџьа Гәдоуҭатәи ахәышәтәырҭа иҭоуп, 35-ҩык ргәы бзиахеит, аӡәы лыԥсҭазаара далҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

6
Атемақәа:
Ачымазара ҿкы – акоронавирус Аԥсни адунеи аҿи: иалкаау
Валерий Кварчия

Кәарҷиа еиҭеиҳәеит Аҟәатәи иаарту аинститут абитуриентцәа занааҭқәас иалырхуа

0
(ирҿыцуп 15:22 13.07.2020)
Аҟәатәи иаарту аинститут аректор Валери Кәарҷиа арадио Sputnik Аԥсны аефир аҿы еиҭеиҳәеит аҵараиурҭахь абитуриентцәа рҟынтә ашәҟәқәа рыдкылара аус шцо атәы, насгьы ирабан занааҭқәоу иахьа азҿлымҳара змоу.

Кәарҷиа еиҭеиҳәеит иарбан занааҭқәоу Аҟәатәи иаарту аинститут абитуриентцәа иалырхуа

"Ԥхынгәы акы инаркны ҳалагеит арзаҳалқәа рыдкылара. Ашәҟәқәа ҳадаҳкылоит азанааҭқәа фба рыла. Иахьазы арзаҳалқәа зегь реиҳа иахьырацәоу аҳазалхратә ус аҿоуп. Абитуриентцәа зегьы ҳрыҿцәажәоит, аус рыдааулоит, нас ауп ашәҟәқәа анҳадаҳкыло дара рҟынтә. Ақыҭанхамҩа азанааҭ ала имаҷхар ҳәа ҳшәоит. ААУ аҿы иазыҟарҵоит агрономцәа, ҳара иазыҟаҳҵоит ақыҭанхамҩа аекономика ахырхарҭала, ҳаицәажәан ауп ишыҟаҳҵо. Даргьы иаурышьҭуеит 10-ҩык рҟынӡа, ҳаргьы - убасҵәҟьа. Аха иахьазы 4-ҩык роуп ҳаинститут ахь ақыҭанхамҩа аганахьала ашәҟәқәа алазҵахьоу", - ҳәа азгәеиҭеит Кәарҷиа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

0